ປີທ່ອງທ່ຽວລາວ 2024 ເຮັດໃຫ້ການ ທ່ອງທ່ຽວ ຢູ່ຈໍາປາສັກ ຂະຫຍາຍຕົວຕໍ່ເນື່ອງ

07/02/2025 19:56
Email Print 670
KPL ຂປລ. ການຈັດຕັ້ງປະຕິບັດກິດຈະກຳ ປີທ່ອງທ່ຽວລາວ 2024 ປະກອບສ່ວນເຮັດໃຫ້ ການທ່ອງທ່ຽວ ຢູ່ແຂວງຈຳປາສັກ ໄດ້ຮັບການພັດທະນາ ຢ່າງຕໍ່ເນື່ອງ ແລະ ຂະຫຍາຍຕົວດີຂຶ້ນກວ່າເກົ່າ, ສາມາດດຶງດູດນັກທ່ອງທ່ຽວ ທັງພາຍໃນ ແລະ ຕ່າງປະເທດ ເຂົ້າມາທ່ອງທ່ຽວຢູ່ແຂວງຈຳປາສັກ​ ທັງໝົດ 647.​325 ຄົນ. ໃນນັ້ນ, ນັກທ່ອງທ່ຽວຕ່າງປະເທດ 322.​357 ຄົນ, ທຽບໃສ່ແຜນການ​ ປະຕິບັດໄດ້ລື່ນແຜນ, ສາມາດສ້າງລາຍຮັບໄດ້ 90 ລ້ານກວ່າໂດລາສະຫະລັດ.​




ຂປລ. ການຈັດຕັ້ງປະຕິບັດກິດຈະກຳ ປີທ່ອງທ່ຽວລາວ 2024 ປະກອບສ່ວນເຮັດໃຫ້ ການທ່ອງທ່ຽວ ຢູ່ແຂວງຈຳປາສັກ ໄດ້ຮັບການພັດທະນາ ຢ່າງຕໍ່ເນື່ອງ ແລະ ຂະຫຍາຍຕົວດີຂຶ້ນກວ່າເກົ່າ, ສາມາດດຶງດູດນັກທ່ອງທ່ຽວ ທັງພາຍໃນ ແລະ ຕ່າງປະເທດ ເຂົ້າມາທ່ອງທ່ຽວຢູ່ ແຂວງຈຳປາສັກ​ ທັງໝົດ 647.​325 ຄົນ. ໃນນັ້ນ, ນັກທ່ອງທ່ຽວຕ່າງປະເທດ 322.​357 ຄົນ, ທຽບໃສ່ແຜນການ​ ປະຕິບັດໄດ້ລື່ນແຜນ, ສາມາດສ້າງລາຍຮັບໄດ້ 90 ລ້ານກວ່າໂດລາສະຫະລັດ.​
ທ່ານ ວັນນະໄຊ ຊາດຕະກຸນ​ ຫົວໜ້າພະແນກຖະແຫລງຂ່າວ, ວັດທະນະທຳ ແລະ ທ່ອງທ່ຽວ ແຂວງຈໍາປາສັກ ໄດ້ໃຫ້ຮູ້ ໃນກອງປະຊຸມສະຫລຸບ ການຈັດຕັ້ງປະຕິບັດປີທ່ອງທ່ຽວລາວ 2024 ​ໃນວັນທີ 5 ກຸມພາ 2025​ ຜ່ານມານີ້ວ່າ: ​ການຈັດຕັ້ງປະຕິບັດກິດຈະກຳສົ່ງເສີມປີທ່ອງທ່ຽວລາວ 2024 ຢູ່ແຂວງຈໍາປາສັກ,​ ພາຍຫລັງທີ່ມີທິດຊີ້ນໍາຂອງລັດຖະບານ ແລະ ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ອົງການປົກຄອງແຂວງຈຳປາສັກ ໄດ້ຄົ້ນຄວ້າບັນດາກິດຈະກຳອັນພົ້ນເດັ່ນ ທັງໝົດ 12 ກິດຈະກຳ​ ເປັນວາລະການຈັດງານ ສົ່ງເສີມການທ່ອງທ່ຽວລາວ. ໃນນັ້ນ, ມີກິດຈະກຳລະດັບເມືອງ 10 ກິດຈະກຳ, ລະດັບ ແຂວງ 1 ກິດຈະກຳ ແລະ ລະດັບຊາດ 1 ກິດຈະກຳ​ ໂດຍເລີ່ມຈາກງານສົມໂພດຕົ້ນໄມ້ມະນີໂຄດ ຢູ່ຄອນພະເພັງ​ ເມືອງໂຂງ ເປັນກິດຈະກຳທໍາອິດໃນເດືອນມັງກອນ.​ ນອກນີ້,​ ໃນແຕ່ລະເດືອນ​ ກໍໄດ້ຈັດງານຕ່າງໆຕາມວາລະ ແລະ ງານແຫ່ພະສາດເຜິ້ງ, ກາບໄວ້ພະທາດຄູຂີ້ຫອມ ຢູ່ບ້ານວັດທາດ​ ເມືອງຈຳປາສັກ​ ເປັນກິດຈະກຳສຸດທ້າຍໃນກາງເດືອນພະຈິກ 2024.​ ອັນພົ້ນເດັ່ນ ແມ່ນການຈັດງານສັບປະດາການທ່ອງທ່ຽວແຂວງຈຳປາສັກ ຕິດພັນກັບພິທີເປີດປີທ່ອງທ່ຽວລາວ​ ໂດຍໄດ້ຈັດໃຫ້ມີຫລາກຫລາຍກິດຈະກຳ ເຊິ່ງສາມາດດຶງດູດນັກທ່ອງທ່ຽວທັງພາຍໃນ ແລະ ຕ່າງປະເທດເຂົ້າມາຮ່ວມງານເປັນຈຳນວນຫລວງຫລາຍ.
ຄຽງຄູ່ກັບການຈັດກິດຈະກຳ ທີ່ໄດ້ຖືກຮັບຮອງ ໃນປີທ່ອງທ່ຽວລາວ ແລ້ວ, ອົງການປົກຄອງແຕ່ລະຂັ້ນ​ ຂອງແຂວງຈຳປາສັກ​ ກໍໄດ້ສົ່ງເສີມງານປະເພນີ ແລະ ເທສະການຂອງທ້ອງຖິ່ນ ພາຍໃນແຂວງ ໃຫ້ໄດ້ຮັບການໂຄສະນາເຜີຍແຜ່ ຢ່າງກວ້າງຂວາງ ພ້ອມກັບການຈັດງານແຂ່ງຂັນກິລາ ເນື່ອງໃນໂອກາດຕ່າງໆ ເປັນຕົ້ນ ການແຂ່ງຂັນບານເຕະແຂວງພາກກາງ​-ພາກໃຕ້, ງານ​ Pakse Half Marathon, ງານແຂ່ງຂັນເປຕັງ ຊີງຂັນທ່ານນາຍົກ, ແຂ່ງຂັນ​ກ໊ອຟ ແລະ ອື່ນໆ ໃນໄລຍະປີທ່ອງທ່ຽວ. ພ້ອມທັງ ການຊຸກຍູ້ຄາລາວານ ທ່ອງທ່ຽວ ດ້ວຍລົດຈາກປະເທດໄທ, ກຳປູເຈຍ ແລະ ຫວຽດນາມ ເຂົ້າມາແຂວງຈໍາປາສັກ ເຊື່ອມຕໍ່ກັບບັນດາແຂວງພາກໃຕ້ ເປັນຈໍານວນຫລາຍ. ນອກນີ້,​ ຍັງໄດ້ຮັບການປະກອບສ່ວນ ທາງດ້ານວັດຖຸ​-ງົບປະມານ ຈາກ ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ແລະ ພາກທຸລະກິດ,​ ຜູ້ປະກອບການ ເປັນຈຳນວນຫລາຍ ເຂົ້າໃນການຊຸກຍູ້ ການຈັດຕັ້ງປະຕິບັດກິດຈະກຳຕ່າງໆ ຂອງປີທ່ອງທ່ຽວລາວ 2024 ໂດຍສຸມໃສ່ໃນການພັດທະນາສິ່ງອໍານວຍຄວາມສະດວກ ໃຫ້ແກ່ການທ່ອງທ່ຽວ, ປັບປຸງພື້ນຖານໂຄງລ່າງ ທີ່ຈໍາເປັນຈໍານວນໜຶ່ງ ໃນສະຖານທີ່ທ່ອງທ່ຽວ ທີ່ມີຂອງແຂວງໃຫ້ດີຂຶ້ນ,​ ເຮັດໃຫ້ສະຖານທີ່ທ່ອງທ່ຽວສ່ວນໃຫຍ່ ໃນຈໍານວນ 244 ແຫ່ງ​ ໄດ້ຮັບການບັບປຸງໃຫ້ດີຂຶ້ນ, ສາມາດດຶງດູດ ນັກທ່ອງທ່ຽວ ທັງພາຍໃນ ແລະ ຕ່າງປະເທດ ເຂົ້າມາທ່ອງທ່ຽວຢູ່ ແຂວງຈຳປາສັກ​ ໄດ້ທັງໝົດ 647.​325 ຄົນ. ໃນນັ້ນ, ນັກທ່ອງທ່ຽວຕ່າງປະເທດ 322.​357 ຄົນ, ສ້າງລາຍຮັບໄດ້ 90 ລ້ານກວ່າໂດລາສະຫະລັດ.
ພ້ອມນີ້,​ ອົງການປົກຄອງແຂວງຈຳປາສັກ ໄດ້ກຳນົດເອົາຍຸດທະສາດການພັດທະນາວຽກງານທ່ອງທ່ຽວ ສີຂຽວ ແລະ ຍືນຍົງ​ ເຂົ້າໃນມະຕິ VIII​ ຂອງອົງຄະນະພັກແຂວງ ແລະ ແຜນພັດທະນາເສດຖະກິດ​-ສັງຄົມ 5 ປີ (2021​-2025) ໂດຍສ້າງການທ່ອງທ່ຽວແບບປະຊາຊົນມີສ່ວນຮ່ວມ​ ໃຫ້ຫລາຍຂຶ້ນ​ ຕິດພັນກັບວຽກງານການສ້າງຮາກຖານການເມືອງ, ການພັດທະນາຊົນນະບົດ ແລະ ແກ້ໄຂຄວາມທຸກຍາກ,​ ສ້າງຄວາມເຂົ້າໃຈ ແລະ ມີສ່ວນຮ່ວມຂອງປະຊາຊົນ​ ໃນການປົກປັກຮັກສາສິ່ງແວດລ້ອມ, ຄຸ້ມຄອງນໍາໃຊ້ຊັບພະຍາກອນທຳມະຊາດ​ ໃຫ້ເກີດປະໂຫຍດສູງສຸດ ແລະ ເປັນເຈົ້າການອະນຸລັກ-​ ສົ່ງເສີມປະເພນີ, ວັດທະນະທຳ ກໍຄື ມໍລະດົກພູມປັນຍາຂອງທ້ອງຖິ່ນ ໃຫ້ໄດ້ຮັບການເສີມຂະຫຍາຍ ແລະ ສືບທອດໄປສູ່ຄົນຮຸ່ນຫລັງ.

ຂ່າວ: ທະນູທອງ
ພາບ: ຂັນໄຊ
KPL

ຂ່າວອື່ນໆ

    • ແຫລ່ງທ່ອງທ່ຽວ ບຶງໜອງເທົາ ແລະ ຖໍ້າປາເຊືອມ ຈະເປີດບໍລິການໃນໄວ້ໆທ່ອງທ່ຽວ

      ແຫລ່ງທ່ອງທ່ຽວ ບຶງໜອງເທົາ ແລະ ຖໍ້າປາເຊືອມ ຈະເປີດບໍລິການໃນໄວ້ໆ

      2/12/2025 9:25:12 AM

      ແຫລ່ງທ່ອງທ່ຽວ ບຶງໜອງເທົາ ແລະ ຖໍ້າປາເຊືອມ ເປັນແຫລ່ງທ່ອງທ່ຽວທາງທຳມະຊາດທີ່​ສວຍ​ງາມ​ແຫ່ງ​ໃໝ່ຂອງ​ແຂວງ​ຄໍາ​ມ່ວນ ເຊິ່ງຕັ້ງຢູ່ບ້ານນາຂ້າງຊ້າງ ຢູ່ບໍ່ໄກຈາກເທສະບານເມືອງທ່າແຂກ ແຂວງຄຳມ່ວນ ​ເຊິ່ງປັດຈຸບັນແມ່ນກໍາລັງເລັ່ງປັບປຸງສະຖານທີ່ຈອດລົດ, ກໍ່ ສ້າງຫ້ອງນໍ້າ, ກໍ່ສ້າງເສັ້ນທາງຍົກສູງຂຶ້ນຈາກລະດັບນໍ້າເຂົ້າຫາແຫລ່ງທ່ອງທ່ຽວ.

    • ປີທ່ອງທ່ຽວລາວ 2024 ດຶງດູດນັກ ທ່ອງທ່ຽວ ເຂົ້າແຂວງຫົວພັນ 53 ພັນກວ່າຄົນທ່ອງທ່ຽວ

      ປີທ່ອງທ່ຽວລາວ 2024 ດຶງດູດນັກ ທ່ອງທ່ຽວ ເຂົ້າແຂວງຫົວພັນ 53 ພັນກວ່າຄົນ

      2/10/2025 4:05:41 PM

      ຂປລ. ໃນປີ 2024 ຜ່ານມາ ກໍຄື ການຈັດຕັ້ງປະຕິບັດກິດຈະກຳປີທ່ອງທ່ຽວລາວ ຢູ່ແຂວງຫົວພັນ ແມ່ນມີຜົນສຳເລັດຕາມຄາດໝາຍ ທີ່ວາງໄວ້, ສາມາດດຶງດູດນັກທ່ອງທ່ຽວ ທັງພາຍໃນ ແລະ ຕ່າງປະເທດ ເຂົ້າມາທ່ຽວຢູ່ແຂວງຫົວພັນ ໄດ້ທັງໝົດ 53 ພັນກວ່າຄົນ, ສ້າງລາຍຮັບໃຫ້ແກ່ສັງຄົມ ໄດ້ທັງໝົດ 58 ຕື້ກວ່າກີບ.

    • ແຫລ່ງທ່ອງທ່ຽວ ຂຸນກອງແລງ ສົ່ງເສີມປະຊາຊົນມີສ່ວນຮ່ວມທ່ອງທ່ຽວ

      ແຫລ່ງທ່ອງທ່ຽວ ຂຸນກອງແລງ ສົ່ງເສີມປະຊາຊົນມີສ່ວນຮ່ວມ

      2/10/2025 9:42:32 AM

      ຂຸນກອງແລງ ຕັ້ງຢູ່ບ້ານນາຄື ເມືອງຫີນບູນ ແຂວງຄໍາມ່ວນ ຫ່າງຈາກເມືອງທ່າແຂກປະມານ 55 ກິໂລແມັດ, ເປັນສະຖານທີ່ທ່ອງທ່ຽວແບບອະນຸລັກທໍາມະຊາດຍືນຍົງ ແລະ ສີຂຽວ ໂດຍແມ່ນບໍລິສັດ ອິນທຣາ ໂຄໂປເຣຊັ່ນ ຈຳກັດຜູ້ດຽວ ເປັນຜູ້ສຳປະທານ ແລະ ພັດທະນາດ້ວຍການສົ່ງເສີມການມີສ່ວນຮ່ວມຂອງປະຊາຊົນ, ຄາດວ່າຈະເປີດໃຫ້ບໍລິການ ໃນເດືອນເມສາ 2025 ນ້ີ.

    • ພູຜາມ່ານ ພ້ອມຕ້ອນຮັບນັກທ່ອງທ່ຽວ ທັງພາຍໃນ ແລະ ຕ່າງປະເທດທ່ອງທ່ຽວ

      ພູຜາມ່ານ ພ້ອມຕ້ອນຮັບນັກທ່ອງທ່ຽວ ທັງພາຍໃນ ແລະ ຕ່າງປະເທດ

      2/7/2025 9:47:42 AM

      ແຫລ່ງທ່ອງທ່ຽວພູຜາມ່ານ ມີຄວາມພ້ອມຕ້ອນຮັບນັກທ່ອງທ່ຽວທັງພາຍໃນ ແລະ ຕ່າງປະເທດ ທ່ີສົນໃຈຢາກມາສຳຜັດກັບບັນຍາກາດທີ່ເປັນທຳມະຊາດ ແລະ ຫລິ້ນກິດຈະກຳທີ່ທ້າທາຍ ເປັນຕົ້ນ ຂີ່ສະລິງ, ໄຕ່ຂົວ, ປີນຜາ, ຂີ່ເຮືອລອດຖ້ຳ ແລະ ກິດຈະກໍາອື່ນໆ ທີ່ນັກທ່ອງ ທ່ຽວສາມາດເລືອກລາຍການທ່ອງທ່ຽວຕາມຄວາມຕ້ອງການໄດ້.

    • ປີ 2024 ນວ ມີນັກທ່ອງທ່ຽວຕ່າງປະເທດ ເຂົ້າມາທ່ຽວ 1,7 ລ້ານກວ່າເທື່ອຄົນທ່ອງທ່ຽວ

      ປີ 2024 ນວ ມີນັກທ່ອງທ່ຽວຕ່າງປະເທດ ເຂົ້າມາທ່ຽວ 1,7 ລ້ານກວ່າເທື່ອຄົນ

      2/6/2025 3:52:10 PM

      ຂປລ. ໃນປີ 2024 ຜ່ານມາ, ການຈັດຕັ້ງປະຕິບັດກິດຈະກຳປີທ່ອງທ່ຽວລາວ ຢູ່ນະຄອນ ຫລວງວຽງຈັນ (ນວ) ໄດ້ມີຜົນສຳເລັດຕາມລະດັບຄາດໝາຍ, ສາມາດດຶງດູດນັກທ່ອງທ່ຽວ ຕ່າງປະ ເທດ ເຂົ້າມາທ່ອງທ່ຽວ ຢູ່ນະຄອນຫລວງວຽງຈັນ ຈໍານວນ 1,7 ລ້ານກວ່າເທື່ອຄົນ, ສ້າງລາຍຮັບທົ່ວສັງຄົມຈາກການທ່ອງທ່ຽວ ໄດ້ 490 ລ້ານກວ່າໂດລາສະຫະລັດ.


Top