KPL
ບໍລິສັດ ການບິນສາກົນ ຣັດເຊຍ ລາຍງານວ່າ: ລະບົບ ຂໍ້ມູນ ຂ່າວສານ ຂອງ ບໍລິສັດ ໄດ້ຖືກໂຈມຕີ ທາງອິນເຕີເນັດ , ດັ່ງນັ້ນ ຈຶ່ງເກີດ ມີການ ຂັດຂ້ອງ ແລະ ຕ້ອງຍົກເລິກຖ້ຽວບິນຕ່າງໆ. ໂດຍສະເພາະ ແມ່ນຖ້ຽວບິນ ພາຍໃນ ປະເທດ ຣັດເຊຍ
ຂປລ. ອ້າງຕາມ ແຫລ່ງຂ່າວ ຊີເອັມຈີ: ວັນທີ 28 ກໍລະກົດ, ບໍລິສັດ ການບິນສາກົນ ຣັດເຊຍ ລາຍງານວ່າ: ລະບົບ ຂໍ້ມູນ ຂ່າວສານ ຂອງ ບໍລິສັດ ໄດ້ຖືກໂຈມຕີ ທາງອິນເຕີເນັດ , ດັ່ງນັ້ນ ຈຶ່ງເກີດ ມີການ ຂັດຂ້ອງ ແລະ ຕ້ອງຍົກເລິກຖ້ຽວບິນຕ່າງໆ. ໂດຍສະເພາະ ແມ່ນຖ້ຽວບິນ ພາຍໃນ ປະເທດ ຣັດເຊຍ, ແຕ່ກໍໄດ້ສົ່ງ ຜົນກະທົບ ເຖິງບາງຖ້ຽວບິນ ທີ່ບິນໄປສູ່ ເບລາຣຸດຊີ ແລະ ອາກເມນີ.ຜູ້ໂດຍສານ ຈຳນວນຫລາຍ ຕ້ອງຖຶກຕົກຄ້າງ ຢູ່ສະໜາມບິນ ສາກົນ ເຊເຣເມັດເຢໂວ ອາເລັກຊານເດີ ປຸສກິນ ຢູ່ນະຄອນຫລວງມົດສະກູ ຍ້ອນການເລື່ອນ ເວລາ ແລະ ການຍົກເລີກ ຖ້ຽວບິນ.
ໃນຖະແຫລງການ ສະບັບໜຶ່ງ ລະບຸວ່າ, 2 ອົງການແຮກເກີ ຂອງ ອູແກຣນ ແລະ ເບລາຣຸດຊີ ໄດ້ປະກາດຮັບຜິດຊອບ ຕໍ່ການໂຈມຕີ ທາງອິນເຕີເນັດ ໃນຄັ້ງນີ້, ພ້ອມກັນນັ້ນ ຍັງກ່າວວ່າ ໄດ້ທຳລາຍເຊີເວີ ປະມານ 7.000 ເຄື່ອງຂອງ ບໍລິສັດການບິນ ສາກົນ ຣັດເຊຍ ແລະ ໄດ້ແຊກເຂົ້າ ລະບົບ ຂໍກຸນແຈ ສຳຄັນອື່ນໆ. /
KPL
