ຊຳຊຸງ ອີເລັກໂທຣນິກ ໄດ້ນຳສະເໜີ Galaxy ຊຸດໃໝ່ ໃນວັນທີ 09 ກໍລະກົດ 2025 ທີ່ອອກແບບ ເພື່ອໃຫ້ຜູ້ຊົມໃຊ້ປ່ຽນວິທີການເຊື່ອມຕໍ່, ເຮັດວຽກ ແລະ ເບິ່ງແຍງສຸຂະພາບ ໃຫ້ດີຍິ່ງຂຶ້ນ. The new Galaxy Z Fold7, Galaxy Z Flip7, ແລະ Galaxy Watch8 Series ເຊິ່ງໄດ້ປະສົມປະສານການອອກແບບທີ່ເປັນເອກະລັກມາພ້ອມກັບ AI ທີ່ກ້າວໜ້າ, ມອບປະສົບການໃນການໃຊ້ທີ່ສະຫລາດ, ແຂງແກ່ງ ແລະ ປັບໃຫ້ເໝາະສົມກັບຜູ້ໃຊ້ແຕ່ລະຄົນຜ່ານລະບົບການເຊື່ອມໂຍງຂອງ Samsung.

ນະວັດຕະກຳໃໝ່ນີ້ ປະກອບດ້ວຍ Galaxy Z Fold7, ມືຖືຈໍພັບທີ່ທັນສະໄໝທີ່ສຸດຂອງຊໍາຊຸງ ເຊິ່ງມີຄວາມບາງພຽງ 8,9 ມມ. ເມື່ອພັບ ແລະ ນໍ້າໜັກພຽງ 215 ກຣາມ, ພ້ອມກັບໜ້າຈໍ Dynamic AMOLED ຂະໜາດ 8 ນິ້ວ ເມື່ອເປີດອອກຈະໃຫ້ປະສົບການທີ່ດີກວ່າໃນດ້ານການເຮັດວຽກ ແລະ ຄວາມບັນເທີງ. ໃນປີນີ້ ຊຳຊຸງ ໄດ້ຍົກລະດັບກ້ອງແບບ Ultra Camera ທີ່ມີຄວາມລະອຽດເຖິງ 200MP ໃນອຸປະກອນດຽວທີ່ມີເຖິງ 5 ກ້ອງ.

ສໍາລັບຜູ້ທີ່ມັກການອອກແບບທີ່ກະທັດຮັດ, Galaxy Z Flip7 ມາພ້ອມກັບ FlexWindow ຂະໜາດໃຫຍ່ ແລະ ສະຫວ່າງທີ່ສຸດເຖິງ 4,1 ນິ້ວ ເຮັດໃຫ້ການໃຊ້ວຽກງານຕ່າງໆ, ການແຈ້ງເຕືອນ ແລະ ຟັງຊັນ AI ເປັນໄປໄດ້ຕັ້ງແຕ່ຍັງບໍ່ເປີດໜ້າຈໍ. ດ້ວຍພະລັງຂອງ Galaxy AI ຜູ້ໃຊ້ສາມາດເພີດເພີນໄປກັບເຄື່ອງມືອັດສະລິຍະ ເຊັ່ນ: Photo Assist, Audio Eraser ແລະ ອື່ນໆ ທີ່ຈະຊ່ວຍໃຫ້ການເຮັດວຽກຢ່າງສ້າງສັນບໍ່ມີອຸປະສັກ. ເບົາບາງລົງ, ແຂງແກ່ງຂຶ້ນ ແລະ ການປັບໃຊ້ AI ໃຫ້ເຂົ້າກັບຜູ້ໃຊ້ໄດ້ຢ່າງສົມບູນແບບ ພ້ອມທັງພັດທະນາກ້ອງ ແລະ Samsung DeX ທີ່ຈະເຮັດມືຖື ກາຍເປັນບ່ອນເຮັດວຽກທີ່ຄົບວົງວຈອນ ພ້ອມກັບການໃຊ້ງານ Gemini Advance ແລະ Google Drive ຂະໜາດ 2TB ຟຣີຍາວນານເຖິງ 6 ເດືອນ ແລະ ເພື່ອໃຫ້ຊີວິດດີຂຶ້ນໄປກັບ Galaxy ຕັ້ງແຕ່ຕື່ນຈົນເຖິງເວລານອນ, Galaxy Watch8 Series ໄດ້ອອກມາປະກາດໂຕເປັນ Smartwatch ທີ່ບາງ ແລະ ໃສ່ສະບາຍທີ່ສຸດຂອງຊຳຊຸງ. Watch8 ອອກແບບມາເພື່ອຊ່ວຍໃຫ້ຜູ້ໃຊ້ຮັກສາສຸຂະພາບຢ່າງຖືກຕ້ອງ ແລະ ມີຄວາມສຸກ ດ້ວຍ 3 ຕົວເລືອກ: Watch8 ສຳລັບສາຍ minimal ອອກແບບລຽບໆ ແຕ່ທັນສະໄໝ, Watch8 Classic ອອກມາຫຼູຫຼາທີ່ບໍ່ຫາຍໄປຕາມການເວລາ ແລະ Watch Ultra ທີ່ເພີ່ມຄວາມຈຳເຖິງ 64GB ແລະ ພ້ອມມອບປະສົບການ Ultra ເທິງຂໍ້ມືທ່ານ. BioActive Sensor ທີ່ພັດທະນາຂຶ້ນ ເຊິ່ງຈະໃຫ້ຂໍ້ມູນສຸຂະພາບທີ່ເລິກເຊິ່ງ ແລະ ຊັດເຈນກວ່າເກົ່າ ລວມເຖິງການອອກແບບຄູ່ມື ເພື່ອພັດທະນາຄຸນະພາບຂອງການນອນ ແລະ ການແລ່ນ ສະເພາະບຸກຄົນ, ການກວດຈັບການຢຸດຫາຍໃຈຂະນະທີ່ນອນຫຼັບ ແລະ ອື່ນໆ. ພ້ອມກັບຟີເຈີ AI ທີ່ຈະຊ່ວຍສົ່ງເສີມໃຫ້ທ່ານມີສຸຂະພາບທີ່ສົມບູນຂຶ້ນ. ອຸປະກອນໃໝ່ທັງໝົດທີ່ຊຳຊຸງໄດ້ເປີດໂຕ ຈະເຮັດວຽກດ້ວຍລະບົບ One UI 8 ທີ່ອອກແບບມາເພື່ອ Galaxy ມືຖືພັບ ແລະ Watch8 Series ໂດຍສະເພາະ ພ້ອມການປະສົມປະສານກັບ Gemini ຜູ້ຊ່ວຍອັດສະລິຍະຈາກ Google ທີ່ຈະຊ່ວຍໃຫ້ຜູ້ໃຊ້ຈັດການວຽກແບບ real-time ໂດຍບໍ່ຕ້ອງໃຊ້ມືຈັບ ຕັ້ງແຕ່ໜ້າຈໍໃຫຍ່ໄປຈົນຮອດໜ້າໂມງເທິງຂໍ້ມື.

ເພື່ອເປັນການສະເຫລີມສະຫລອງນະວັດຕະກຳໃໝ່ນີ້ ຊຳຊຸງ ມີໂປຣໂມຊັນພິເສດ ສຳລັບການສັ່ງຈອງ Galaxy Z Fold7 ຫຼື Galaxy Z Flip7 ຕັ້ງແຕ່ວັນທີ 10-31 ກໍລະກົດ 2025 ນີ້ ຮັບຟຣີ ອັບເກຣດຄວາມຈຳ 2 ເທົ່າ, ຫົວສາກ ຊຳຊຸງ 25W, ຮັບປະກັນຈໍແຕກ 1 ປີ ແລະ ສິດທິພິເສດແລກຊື້ໂມງ ດ້ວຍສ່ວນຫລຸດ 20%. ພິເສດ ສັ່ງຈອງ ສະເພາະ 5 ມື້ທຳອິດ (10-14 ກໍລະກົດ) ຮັບເພີ່ມໄມໂຄຣເວບຊຳຊຸງ ເຊິ່ງສີຂອງ Galaxy Z Fold7 ມານຳກັນທັງໝົດ 3 ສີ Blue Shadow, Jetblack ແລະ Silver Shadow (ສະ ເພາະຄວາມຈຳ 12 + 512GB). ສີຂອງ Galaxy Z Flip7 ມານຳກັນທັງໝົດ 3 ສີ Mint, Coralred ແລະ Jetblack. ສີຂອງ Watch Series ມານຳກັນທັງໝົດ ດັ່ງນີ້: Watch Ultra ສີ Blue; Watch8 Classic, Watch8: ສີ Black ແລະ ສີ White (Watch8 40 mm ມີສີ Black ເທົ່ານັ້ນ) ສາມາດສັ່ງຈອງໄດ້ແລ້ວມື້ນີ້ ຈົນເຖິງວັນທີ 31 ກໍລະກົດ 2025 ທີ່ຮ້ານຄ້າຕົວແທນທົ່ວປະເທດ.

KPL