ຂປລ
ຂປລ. ໃນວັນທີ 8 ສິງຫາ 2024 ນີ້, ສະຫາຍ ຄຳພັນ ເຜີຍຍະວົງ ຄະນະເລຂາທິການສູນກາງພັກ, ຫົວ ໜ້າຄະນະໂຄສະນາອົບຮົມສູນກາງພັກ, ປະທານສະພາທິດສະດີສູນກາງພັກ, ໄດ້ເຄື່ອນໄຫວຊີ້ນຳວຽກງານຢູ່ແຂວງ ສະຫວັນນະເຂດ ກ່ຽວກັບການກະກຽມກອງປະຊຸມໃຫຍ່ຄັ້ງທີ XII ຂອງພັກ, ການກະກຽມກອງປະຊຸມໃຫຍ່ 3 ຂັ້ນຂອງແຂວງ ແລະ ການກະກຽມສະເຫລີມສະຫລອງ 3 ວັນປະຫວັດສາດ
ຂປລ. ໃນວັນທີ 8 ສິງຫາ 2024 ນີ້, ສະຫາຍ ຄຳພັນ ເຜີຍຍະວົງ ຄະນະເລຂາທິການສູນກາງພັກ, ຫົວ ໜ້າຄະນະໂຄສະນາອົບຮົມສູນກາງພັກ, ປະທານສະພາທິດສະດີສູນກາງພັກ, ໄດ້ເຄື່ອນໄຫວຊີ້ນຳວຽກງານຢູ່ແຂວງ ສະຫວັນນະເຂດ ກ່ຽວກັບການກະກຽມ ກອງປະຊຸມໃຫຍ່ຄັ້ງທີ XII ຂອງພັກ, ການກະກຽມກອງປະຊຸມໃຫຍ່ 3 ຂັ້ນຂອງແຂວງ ແລະ ການກະກຽມສະເຫລີມສະຫລອງ 3 ວັນປະຫວັດສາດ ເຊິ່ງພິທີດັ່ງກ່າວໄດ້ຈັດຂຶ້ນຢູ່ຫ້ອງ ວ່າການແຂວງ ໂດຍມີ ສະຫາຍ ບຸນໂຈມ ອຸບົນປະເສີດ ກຳມະການສູນກາງພັກ, ເລຂາຄະນະ ບໍລິຫານງານພັກແຂງ, ເຈົ້າແຂວງສະຫວັນນະເຂດ, ມີຄະນະປະຈຳພັກແຂວງເຂົ້າຮ່ວມ.
ໃນກອງປະຊຸມ, ສະຫາຍ ບຸນໂຈມ ອຸບົນປະເສີດ ກຳມະການສູນກາງພັກ ເລຂາຄະນະບໍລິຫານງານພັກ ແຂງ, ເຈົ້າແຂວງໄດ້ກ່າວຕ້ອນຮັບ ແລະ ລາຍງານໂດຍຫໍ້ຍກ່ຽວກັບ ຜົນສໍາເລັດທີ່ຍາດມາໄດ້ ໃນໄລຍະຜ່ານມາ ຂອງ ການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ IX ຂອງອົງຄະນະພັກແຂວງ, ມະຕິກອງປະຊຸມໃຫ່ຍ ຄັ້ງທີ XI ຂອງພັກ ເປັນການຢັ້ງຢືນໃຫ້ເຫັນເຖິງຄວາເປັນເຈົ້າການ ແລະ ຄວາມຮັບຜິດຊອບຕໍ່ໜ້າທີ່ ການເມືອງໃນໄລຍະໃໝ່ ຂອງຄະນະພັກ-ອົງການປົກຄອງໃນແຕ່ລະຂັ້ນ, ສະມາຊິກພັກ, ພະນັກງານ-ລັດຖະກອນ, ກຳລັງປະກອບອາວຸດ ແລະ ປະຊາຊົນບັນດາເຜົ່າ ໃນທົ່ວແຂວງສະຫວັນນະເຂດ.
ໃນໂອກາດນີ້, ສະຫາຍ ຄໍາພັນ ເຜີຍຍະວົງ ໄດ້ມີຄໍາເຫັນວ່າ: ການລົງມາເຮັດວຽກໃນຄັ້ງນີ້, ເພື່ອເປັນການຮັບປະກັນ ການກະກຽມກອງປະຊຸມໃຫ່ຍຂອງພັກ ດຳເນີນໄປຢ່າງຮອບດ້ານ, ມີເນື້ອໃນຢ່າງເລິກເຊິ່ງທີ່ຕິດພັນກັບ ການຍູ້ແຮງຂະບວນການຈັດຕັ້ງປະຕິບັດ ມະຕິກອງປະຊຸມໃຫຍ່ ຜູ້ແທນທົ່ວປະເທດ ຄັ້ງທີ XI ຂອງພັກ ແລະ ແຜນ ພັດທະນາເສດຖະກິດ-ສັງຄົມ 5 ປີ ໃນໄລຍະທ້າຍສະໄໝ ໃຫ້ບັນລຸຕາມຄາດໝາຍທີ່ວາງໄວ້ ແລະ ຕິດພັນກັບການ ຂະຫຍາຍມະຕິກອງປະຊຸມໃຫ່ຍຂອງອົງຄະນະພັກ, ແຜນພັດທະນາຂອງແຕ່ລະທ້ອງຖິ່ນຕົນ ແລະ ຕິດພັນກັບສອງ ວາລະແຫ່ງຊາດ. ພ້ອມນັ້ນ, ໄດ້ເຜີຍແຜ່ນິຕິກໍາຕ່າງໆ ໃຫ້ບັນດາການນໍາຂອງແຂວງໄດ້ກໍາໄດ້, ເພື່ອນໍາໄປຈັດຕັ້ງປະຕິບັດ, ເຜີຍແຜ່ແນະນໍາກ່ຽວກັບການກະກຽມຊຸກຍູ້, ແນະນໍາບົດປະກອບຄໍາເຫັນ ຂອງບັນດາຕົວແທນຈາກແຂວງ ຕໍ່ກອງປະຊຸມໃຫຍ່ ໃນຄັ້ງທີ XII ຂອງພັກ ໂດຍສະເພາະແມ່ນ ການກະກຽມກອງປະຊຸມໃຫຍ່ 3 ຂັ້ນຂອງ ແຂວງສະຫວັນນະເຂດ.
KPL
