ຂປລ
ຂປລ. ໃນວັນທີ 13 ພຶດສະພາ 2024 ຜ່ານມາ, ທ່ານ ສະເຫລີມໄຊ ກົມມະສິດ ຮອງນາຍົກລັດຖະມົນຕີ, ລັດຖະມົນຕີ ກະຊວງການຕ່າງປະເທດ ແຫ່ງ ສປປ ລາວ ໄດ້ຕ້ອນຮັບການເຂົ້າຢ້ຽມຂໍ່ານັບຂອງ ທ່ານ ຫລິວ ຫົງຈ້ຽນ ເລຂາພັກນະຄອນຄຸນໝິງ ແຂວງຢຸນໜານ ສປ ຈີນ ພ້ອມດ້ວຍຄະນະ ໃນໂອກາດເດີນທາງມາຢ້ຽມຢາມເຮັດວຽກຢູ່ ສປປ ລາວ.
ຂປລ. ໃນວັນທີ 13 ພຶດສະພາ 2024 ຜ່ານມາ, ທ່ານ ສະເຫລີມໄຊ ກົມມະສິດ ຮອງນາຍົກລັດຖະມົນຕີ, ລັດຖະມົນຕີ ກະຊວງການຕ່າງປະເທດ ແຫ່ງ ສປປ ລາວ ໄດ້ຕ້ອນຮັບການເຂົ້າຢ້ຽມຂໍ່ານັບຂອງ ທ່ານ ຫລິວ ຫົງຈ້ຽນ ເລຂາພັກນະຄອນຄຸນໝິງ ແຂວງຢຸນໜານ ສປ ຈີນ ພ້ອມດ້ວຍຄະນະ ໃນໂອກາດເດີນທາງມາຢ້ຽມຢາມເຮັດວຽກຢູ່ ສປປ ລາວ.
ໂອກາດນີ້, ທ່ານຮອງນາຍົກລັດຖະມົນຕີ ໄດ້ສະແດງຄວາມຍິນດີຕ້ອນຮັບ ແລະ ຕີລາຄາສູງ ຕໍ່ການຢ້ຽມຢາມ ສປປ ລາວ ຂອງຄະນະຜູ້ແທນຈາກນະຄອນຄຸນໝິງ ໃນຄັ້ງນີ້. ພ້ອມທັງ ຕີລາຄາສູງຕໍ່ຕໍ່ສາຍພົວພັນມິດຕະພາບອັນເປັນມູນເຊື້ອ, ການເປັນຄູ່ຮ່ວມ ຍຸດທະສາດຮອບດ້ານ, ໝັ້ນຄົງຍາວນານ ຕາມທິດ 4 ດີ ແລະ ການເປັນຄູ່ຮ່ວມຊາຕະກຳ ລາວ-ຈີນ, ຈີນ-ລາວ ລະຫວ່າງສອງພັກ, ສອງລັດ ແລະ ສອງປະຊາຊົນສອງຊາດ ລາວ-ຈີນ. ພ້ອມກັນນັ້ນ, ທ່ານ ສະເຫລີມໄຊ ກົມມະສິດ ກໍໄດ້ສະແດງຄວາມຊົມເຊີຍມາຍັງ ນະຄອນຄຸນໝິງ ກໍຄື ແຂວງຢຸນນານ ເນື່ອງໃນໂອກາດໄດ້ຮັບ ມອບໝາຍຈາກສູນກາງ ໃນການຊຸກຍູ້, ເສີມຂະຫຍາຍການພົວພັນ ແລະ ຮ່ວມມືຮ່ວມກັບ ສປປ ລາວ ກໍຄື ການຈັດຕັ້ງປະຕິບັດບັນດາ ໂຄງການຮ່ວມມືແບບຢ່າງ ທີ່ການນຳສູງສຸດຂອງສອງປະເທດ ຕົກ ລົງເຫັນດີເປັນເອກະພາບກັນ ໃຫ້ເປັນຮູບປະທຳ.
ທັງສອງຝ່າຍຍັງໄດ້ປຶກສາຫາລື ກ່ຽວກັບການຊຸກຍູ້ການຮ່ວມມື ດ້ານເສດຖະກິດຕາມແລວທາງ ລົດໄຟລາວ-ຈີນ ໂດຍສະເພາະການສ້າງເງື່ອນໄຂ ອຳນວຍຄວາມສະດວກໃຫ້ແກ່ ການຂົນສົ່ງສິນຄ້າຂອງ ສປປ ລາວ ສູ່ ສປ ຈີນ ໃຫ້ນັບມື້ນັບຫລາຍຂຶ້ນ. ພ້ອມນັ້ນ, ທ່ານ ຮອງນາຍົກລັດຖະມົນຕີ ສະເຫລີມໄຊ ກົມມະສິດ ໄດ້ຖືເອົາໂອກາດ ໃນການເປີດປີທ່ອງທ່ຽວລາວ 2024 ເຊື້ອເຊີນບັນດານັກທ່ອງທ່ຽວ ຈາກ ສປ ຈີນ ກໍຄື ນະຄອນຄຸນໝິງ ມາທ່ອງທ່ຽວ ສປປ ລາວ ໃຫ້ຫລາຍຂຶ້ນ.
ໃນໂອກາດດຽວກັນ, ທ່ານ ຫລິວຫົງຈ້ຽນ ໄດ້ຕາງໜ້າໃຫ້ຄະນະສະແດງຄວາມຂອບອົກ ຂອບໃຈຕໍ່ການຕ້ອນຮັບອັນອົບອຸ່ນໃນຄັ້ງນີ້, ພ້ອມທັງສະແດງຄວາມຍິນດີ ຈະສືບຕໍ່ຊຸກຍູ້ເພີ່ມທະວີການຮ່ວມມື ລະຫວ່າງ ນະຄອນຄຸນໝິງ ແລະ ບັນດາອຳນາດ ການປົກຄອງທ້ອງຖິ່ນຂອງ ສປປ ລາວ ໃນຂະແໜງການທີ່ທັງສອງຝ່າຍ ເຫັນວ່າມີທ່າແຮງຮ່ວມກັນ.
ຂ່າວ-ພາບ: ກຕທ
KPL
