ເລຂາທິການໃຫຍ່ ປະທານປະເທດ ຕ້ອນຮັບຄະນະຜູ້ແທນຫວຽດນາມ  

06/12/2022 16:23
Email Print 160
ຂປລ ຂປລ. ສະຫາຍ ທອງລຸນ ສີສຸລິດ ເລຂາທິການໃຫຍ່ ປະທານປະເທດ ແຫ່ງ ສປປ ລາວ ໄດ້ຕ້ອນຮັບການເຂົ້າຢ້ຽມຂໍ່ານັບຂອງ ສະຫາຍ ຫງວຽນ ຊວນ ຖັງ ກໍາມະການກົມການເມືອງສູນກາງພັກ ເລຂາຄະນະບໍລິຫານງານພັກ, ຫົວໜ້າສະຖາບັນການເມືອງແຫ່ງຊາດໂຮ່ຈີ່ມິງ ປະທານສະພາທິດສະດີສູນກາງພັກກອມມູນິດຫວຽດນາມ


    ຂປລ. ສະຫາຍ ທອງລຸນ ສີສຸລິດ ເລຂາທິການໃຫຍ່ ປະທານປະເທດ ແຫ່ງ ສປປ ລາວ ໄດ້ຕ້ອນຮັບການເຂົ້າຢ້ຽມຂໍ່ານັບຂອງ ສະຫາຍ ຫງວຽນ ຊວນ ຖັງ ກໍາມະການກົມການເມືອງສູນກາງພັກ ເລຂາຄະນະບໍລິຫານງານພັກ, ຫົວໜ້າສະຖາບັນການເມືອງແຫ່ງຊາດໂຮ່ຈີ່ມິງ ປະທານສະພາທິດສະດີສູນກາງພັກກອມມູນິດຫວຽດນາມ ໃນວັນທີ 5 ທັນວາ 2022 ທີ່ຫ້ອງວ່າການສູນກາງພັກ.
   ໂອກາດນີ້
, ສະຫາຍ ທອງລຸນ ສີສຸລິດ ໄດ້ສະແດງຄວາມຍິນດີຕ້ອນຮັບ, ຊົມເຊີຍ ແລະ ຕີລາຄາສູງຕໍ່ ສະຫາຍ ຫງວຽນ ຊວນ ຖັງ ພ້ອມຄະນະ ທີ່ໄດ້ເດີນທາງມາຢ້ຽມຢາມ ແລະ ເຮັດວຽກ ຢູ່ ສປປ ລາວ ໃນຄັ້ງນີ້ ​ເຊິ່ງເປັນການປະກອບສ່ວນສຳຄັນເຂົ້າໃນການສະເຫລີມມສະຫລອງ ປີສາມັກຄີມິດຕະພາບ ລາວ-ຫວຽດນາມ, ຫວຽດນາມ-ລາວ ແລະ ວັນສ້າງຕັ້ງສາຍພົວພັນການທູດລາວ-ຫວຽດ ນາມ, ທັງເປັນການຮັດແໜ້ນຄວາມສາມັກຄີແບບພິເສດ ແລະ ການ​ຮ່ວມ​ມື​ຮອບດ້ານໃນທຸກຂົງເຂດວຽກງານ ໂດຍສະເພາະການຮ່ວມມືໃນຂົງເຂດວຽກງານສະຖາບັນການເມືອງ ແລະ ການປົກຄອງແຫ່ງຊາດລາວ-ສະຖາບັນການເມືອງແຫ່ງຊາດໂຮ່ຈີ່ມິງ ສສ ຫວຽດນາມ ໃຫ້ໄດ້ຮັບການພັດທະນາ ແລະ ສືບຕໍ່ໃຫ້ການຊ່ວຍເຫລືອ​​ເຊິ່ງກັນ ແລະ ກັນຕະຫລອດໄປ, ພ້ອມນັ້ນ ສະຫາຍ ທອງລຸນ ສີສຸລິດ ຍັງໄດ້ສະແດງຄວາມຂອບໃຈຕໍ່ລັດຖະບານ ກໍຄື ປະຊາຊົນຫວຽດນາມ ທີ່ຍາມໃດກໍໄດ້ໃຫ້ການຊ່ວຍເຫລືອແກ່ ສປປ ລາວ ມາໂດຍຕະຫລອດ, ພ້ອມທັງສະແດງຄວາມຫວັງວ່າ ການພົວພັນຮ່ວມມືລະຫວ່າງສອງປະເທດ ທີ່ມີມາແຕ່ດົນນານແລ້ວນັ້ນ ຈະໄດ້ຮັບການພັດທະນາ ແລະ ສືບຕໍ່ພັດທະນາຂຶ້ນໄປຢ່າງ​ບໍ່​ຢຸດ​ຢັ້ງ.
    ໃນ​ໂອກາດ​ດຽວ​ກັນ
, ສະຫາຍ ຫງວຽນ ຊວນ ຖັງ ກໍໄດ້ສະແດງຄວາມຂອບໃຈມາຍັງ ສະຫາຍ ທອງລຸນ ສີສຸລິດ ທີ່ໄດ້ໃຫ້ກຽດຕ້ອນຮັບຢ່າງອົບອຸ່ນ, ພ້ອມທັງແຈ້ງ​ໃຫ້​ຊາບ ​ເຖິງຈຸດປະສົງຂອງການເດີນທາງມາຢ້ຽມຢາມ ແລະ ເຮັດວຽກ ​ຢູ່ ສປປ ລາວ ໃນຄັ້ງນີ້​.

 

KPL

ຂ່າວອື່ນໆ

ads
ads

Top