KPL
ວານູອາຕູ ໄດ້ຮັບ ເຄື່ອງບັນເທົາທຸກສຸກເສີນຊຸດໜຶ່ງ ຈາກລັດຖະບານສປຈີນ, ໂດຍປະກອບມີ ຜ້າເຕັ້ນ, ຕຽງພັບ, ດອກໄຟພະລັງງານ ແສງຕາເວັນ, ອາຫານ, ຊຸດກອງນໍ້າ ແລະ ອຸປະກອນການແພດ ດ້ວຍນໍ້າໜັກລວມ 35 ໂຕນ.
ຂປລ.ສຳນັກຂ່າວ ຊິນຮວາຂອງ ສປຈີນ, ວັນທີ 2 ມັງກອນ 2025, ວານູອາຕູ ໄດ້ຮັບ ເຄື່ອງບັນເທົາທຸກສຸກເສີນຊຸດໜຶ່ງ ຈາກລັດຖະບານສປຈີນ, ໂດຍປະກອບມີ ຜ້າເຕັ້ນ, ຕຽງພັບ, ດອກໄຟພະລັງງານ ແສງຕາເວັນ, ອາຫານ, ຊຸດກອງນໍ້າ ແລະ ອຸປະກອນການແພດ ດ້ວຍນໍ້າໜັກລວມ 35 ໂຕນ.
ທ່ານ ຫລີ່ໝິງກາງ ເອກອັກຄະລັດຖະທູດ ສປຈີນ ປະຈຳວານູອາຕູ ໄດ້ກ່າວ ໃນພິທີ ສົ່ງມອບວ່າ: ເຫດແຜ່ນດິນໄຫວ ເມື່ອບໍ່ດົນມານີ້ ໄດ້ສ້າງຄວາມເສຍຫາຍ ຢ່າງໜັກໜ່ວງ ໃຫ້ແກ່ວານູອາຕູ,ເຖິງຢ່າງໃດກໍຕາມ ສປຈີນ ຍັງຄົງຢືນຄຽງຂ້າງ ວານູອາຕູ ເພື່ອຊ່ວຍຟື້ນຟູປະເທດນີ້ ໂດຍໄວທີ່ສຸດ.
ນອກນັ້ນ ທ່ານ ຊາຣລອດ ຊັລໄວ ຮັກສາການ ນາຍົກລັດຖະມົນຕີ ວານູອາຕູ ໄດ້ກ່າວສະແດງຄວາມ ຂອບໃຈໃນການຊ່ວຍເຫລືອຈາກ ສປຈີນ ທີ່ສະໜັບສະໜູນ ຂະບວນການ ຟື້ນຟູປະເທດຂອງ ວານູອາຕູ. ເຫດແຜ່ນດິນໄຫວ ຢູ່ວານູອາຕູ ຂະໜາດ 7,3 ລິກເຕີ ເມື່ອວັນທີ 17 ທັນວາ 2024 ໄດ້ສົ່ງເຮັດໃຫ້ມີ ຜູ້ເສຍຊີວິດ ຢ່າງໜ້ອຍ 14 ຄົນ ແລະ ບາດເຈັບ ຫລາຍກວ່າ 200 ຄົນ ແລະ ພື້ນຖານໂຄງລ່າງ ຂອງປະເທດ ເປ່ເພເສຍຫາຍ ຢ່າງຮຸນແຮງ./
KPL
