ໄລຍະສະຫລອງສົ່ງທ້າຍປີເກົ່າ ຕ້ອນຮັບປີໃໝ່ສາກົນ 2025 ທົ່ວປະເທດ ມີອຸບັດເຫດເກີດຂຶ້ນ 170 ລາຍ

04/01/2025 13:03
Email Print 346
KPL ຂປລ. ໄລຍະການສະເຫລີມສະຫລອງ ສົ່ງທ້າຍປີເກົ່າ 2024 ຕ້ອນຮັບປີໃໝ່ສາກົນ 2025 ນັບແຕ່ວັນທີ 29 ທັນວາ 2024 ຫາ 2 ມັງກອນ 2025 ທົ່ວປະເທດ ມີອຸບັດເຫດເກີດຂຶ້ນ ທັງໝົດ 170 ລາຍ. ໃນນັ້ນ, ມີຄົນໄດ້ຮັບບາດເຈັບ 279 ຄົນ, ເສຍຊີວິດ 17 ຄົນ, ພາຫະນະເປ່ເພ 314 ຄັນ, ທຽບໃສ່ໄລຍະດຽວກັນ ຂອງປີ ຜ່ານມາ ອຸບັດເຫດ ເພີ່ມຂຶ້ນ 22 ລາຍ, ຄົນໄດ້ຮັບບາດເຈັບ ເພີ່ມຂຶ້ນ 52 ຄົນ, ຄົນເສຍຊີວິດ ຫລຸດລົງ 4 ຄົນ ແລະ ພາຫະນະເປ່ເພ ເພີ່ມຂຶ້ນ 45 ຄັນ.



ຂປລ. ໄລຍະການສະເຫລີມສະຫລອງ ສົ່ງທ້າຍປີເກົ່າ 2024 ຕ້ອນຮັບປີໃໝ່ສາກົນ 2025 ນັບແຕ່ວັນທີ 29 ທັນວາ 2024 ຫາ 2 ມັງກອນ 2025 ທົ່ວປະເທດ ມີອຸບັດເຫດເກີດຂຶ້ນ ທັງໝົດ 170 ລາຍ. ໃນນັ້ນ, ມີຄົນໄດ້ຮັບບາດເຈັບ 279 ຄົນ, ເສຍຊີວິດ 17 ຄົນ, ພາຫະນະເປ່ເພ 314 ຄັນ, ທຽບໃສ່ໄລຍະດຽວກັນ ຂອງປີ ຜ່ານມາ ອຸບັດເຫດ ເພີ່ມຂຶ້ນ 22 ລາຍ, ຄົນໄດ້ຮັບບາດເຈັບ ເພີ່ມຂຶ້ນ 52 ຄົນ, ຄົນເສຍຊີວິດ ຫລຸດລົງ 4 ຄົນ ແລະ ພາຫະນະເປ່ເພ ເພີ່ມຂຶ້ນ 45 ຄັນ. 



ທ່ານ ພັນເອກ ຄຳເຫລັກ ໄຊຍະສິດ ຮອງຫົວໜ້າກົມຕຳຫລວດຈະລາຈອນ ໄດ້ຖະແແຫລງຂ່າວ ຕໍ່ສື່ມວນຊົນ ໃນວັນທີ 3 ມັງກອນ 2025 ນີ້ວ່າ: ໃນໄລຍະການສະເຫລີມສະຫລອງ ສົ່ງທ້າຍປີເກົ່າ-ຕ້ອນຮັບ ປີໃໝ່ສາກົນ ປີ 2025 ນີ້, ຄະນະພັກ-ຄະນະ ກົມຕໍາຫລວດຈະລາຈອນ ໄດ້ສົມທົບກັບ ກົມຂົນສົ່ງ ກະຊວງໂຍທາທິການ ແລະ ຂົນສົ່ງ ລົງຕິດຕາມ, ກວດກາ ແລະ ຊຸກຍູ້ ເຈົ້າໜ້າທີ່ຕຳຫລວດຈະລາຈອນ ທີ່ລົງປະຕິບັດໜ້າທີ່ ຢູ່ແຕ່ລະຈຸດ ເຊິ່ງ ໄລຍະ 5 ວັນອັນຕະລາຍ ນັບແຕ່ວັນທີ 29 ທັນວາ 2024 ຫາ 2 ມັງກອນ 2025 ທົ່ວປະເທດ ມີອຸບັດເຫດເກີດຂຶ້ນ ທັງໝົດ 170 ລາຍ, ມີຄົນໄດ້ຮັບບາດເຈັບ 279   ຄົນ, ເສຍຊີວິດ 17 ຄົນ, ພາຫະນະເປ່ເພ 314 ຄັນ. ໃນນັ້ນ, ແຂວງທີ່ເກີດອຸບັດເຫດຫລາຍກວ່າໝູ່ແມ່ນ ແຂວງຈຳປາສັກ 23 ລາຍ, ເສຍຊີວິດ 2 ຄົນ, ອັນດັບ 2 ນະຄອນ ຫລວງວຽງຈັນ 20 ລາຍ (ບໍ່ມີຜູ້ເສຍຊີວິດ), ອັນດັບ 3 ແຂວງວຽງຈັນ 19 ລາຍ,  ເສຍຊີວິດ 3 ຄົນ, ອັນດັບ 4 ແຂວງບໍລິຄຳໄຊ 14 ລາຍ (ບໍ່ມີຜູ້ເສຍຊີວິດ) ແລະ ອັນດັບ 5 ແຂວງຫລວງພະບາງ 11 ລາຍ (ບໍ່ມີຜູ້ເສຍຊີວິດ). ສຳລັບ ແຂວງທີ່ເສຍຊີວິດ ຫລາຍກວ່າໝູ່ແມ່ນ ແຂວງສະຫວັນນະເຂດ 4 ຄົນ, ແຂວງບໍ່ແກ້ວ 4 ຄົນ, ແຂວງວຽງຈັນ 3 ຄົນ, ແຂວງຈຳປາສັກ 2 ຄົນ ແລະ ແຂວງໄຊຍະບູລີ 2 ຄົນ.




ສະເພາະ ຢູ່ນະຄອນຫລວງວຽງຈັນ ມີອຸບັດເຫດ ເກີດຂຶ້ນ ທັງໝົດ 20 ລາຍ, ມີຄົນໄດ້ຮັບບາດເຈັບ 23 ຄົນ, ເສຍຊີວິດ 1 ຄົນ, ພາຫະນະເປ່ເພ 42 ຄັນ, ທຽບໃສ່ໄລຍະດຽວກັນ ຂອງປີ ຜ່ານມາ ອຸບັດເຫດ ເພີ່ມຂຶ້ນ 2 ຄົນ, ຜູ້ໄດ້ຮັບບາດເຈັບ ເພີ່ມຂຶ້ນ 2 ຄົນ, ເສຍຊີວິດ ຫລຸດລົງ 5 ຄົນ ແລະ ພາຫະນະເປ່ເພ ເພີ່ມຂຶ້ນ 6 ຄັນ.



ສ່ວນສາເຫດທີ່ພາໃຫ້ເກີດອຸບັດເຫດ ສ່ວນໃຫຍ່ຍ້ອນ ດື່ມສິ່ງມືນເມົາແລ້ວຂັບ, ຂັບໄວເກີນກຳນົດ, ບໍ່ປ່ອຍສິດ, ປ່ຽນທິດທາງ, ຂັບໄວບໍ່ຮັບປະກັນ, ເຕັກນິກລົດບໍ່ດີ, ບໍ່ແນບຂວາ, ຂັບຂີ່ອອກນອກສາຍທາງຂອງຕົນເອງ ແລະ ກໍລະນີອື່ນໆ.

ຂ່າວ: ທະນູທອງ

KPL

ຂ່າວອື່ນໆ

    • ຄົ້ນຄວ້າ ແລະ ຮຽບຮຽງເນື້ອໃນປະຫວັດ ຂອງສະພາແຫ່ງຊາດວັດທະນະທຳ-ສັງຄົມ

      ຄົ້ນຄວ້າ ແລະ ຮຽບຮຽງເນື້ອໃນປະຫວັດ ຂອງສະພາແຫ່ງຊາດ

      1/6/2025 8:30:03 PM

      ຂປລ. ກອງປະຊຸມຄົ້ນຄວ້າ ແລະ ຮຽບຮຽງເນື້ອໃນປະຫວັດ ຂອງສະພາແຫ່ງຊາດ ຈັດ​ຂຶ້ນ​ໃນວັນທີ 3-4 ມັງກອນ 2025 ຜ່ານມາ ຢູ່ເມືອງແກ້ວອຸດົມ ແຂວງວຽງຈັນ ໂດຍການເປັນປະທານຂອງ ທ່ານ ສຸບັນ ສະວະບຸດ ຮອງຫົວໜ້າຄະນະຮັບຜິດຊອບຄົ້ນຄວ້າ ແລະ ຮຽບຮຽງປະຫວັດ ຂອງສະພາແຫ່ງຊາດ, ປະທານກຳມາທິການ ວຽກງານສະມາຊິກສະພາແຫ່ງຊາດ, ມີຄະນະຮັບຜິດຊອບຈາກກຳມາທິການ, ຄະນະເລຂາທິການ, ສະຖາບັນຄົ້ນຄວ້ານິຕິກຳ(ສພຊ), ສະຖາບັນຄົ້ນຄວ້າປະຫວັດສາດ ແລະ ບູຮານວິທະຍາ (ສວສຊ), ສະຖາບັນການເມືອງ ແລະ ການປົກຄອງແຫ່ງຊາດ(ສມປຊ) ແລະ ພາກ ສ່ວນ​ກ່ຽວຂ້ອງ ​ເຂົ້າ​ຮ່ວມ.

    • ເປີດນຳໃຊ້ ຫໍພິພິທະພັນ ສິລະປະລາວວັດທະນະທຳ-ສັງຄົມ

      ເປີດນຳໃຊ້ ຫໍພິພິທະພັນ ສິລະປະລາວ

      1/6/2025 7:47:59 PM

      ຂປລ. ພິທີເປີດນຳໃຊ້ ຫໍພິພິທະພັນ ສິລະປະລາວ ຈັດຂຶ້ນໃນວັນທີ 6 ມັງກອນ 2025 ຢູ່ບ້ານໂນນສະອາດ ເມືອງໄຊທານີ ນະຄອນຫລວງວຽງຈັນ ໂດຍມີ ທ່ານ ສອນໄຊ ສິພັນດອນ ນາຍົກລັດຖະ ມົນຕີແຫ່ງ ສປປ ລາວ, ທ່ານ ອາດສະພັງທອງ ສີພັນດອນ ເຈົ້າຄອງນະຄອນຫລວງວຽງຈັນ, ທ່ານ ນາງ ສວນສະຫວັນ ວິຍະເກດ ລັດຖະມົນຕີ ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ, ທ່ານ ພິຊິດ ໄຊຍະທິດ ຜູ້ກໍ່ຕັ້ງ ແລະ ປະທານ ຫໍພິພິທະພັນ ສິລະປະລາວ ​ແລະ ພາກສ່ວນ​ກ່ຽວຂ້ອງ ເຂົ້າຮ່ວມ.

    • ຂົວມິດຕະພາບ ລາວ-ໄທ ແຫ່ງທີ 5 ຈະເປີດ ນຳໃຊ້ເປັນທາງການ ໃນເດືອນພຶດສະພາ 2025ວັດທະນະທຳ-ສັງຄົມ

      ຂົວມິດຕະພາບ ລາວ-ໄທ ແຫ່ງທີ 5 ຈະເປີດ ນຳໃຊ້ເປັນທາງການ ໃນເດືອນພຶດສະພາ 2025

      1/6/2025 2:43:09 PM

      ຂປລ. ໂຄງການກໍ່ສ້າງ ຂົວມິດຕະພາບ ລາວ-ໄທ ແຫ່ງທີ 5 ເຊື່ອມຕໍ່ລະຫວ່າງ ແຂວງບໍລິຄໍາໄຊ ສປປ ລາວ ແລະ ແຂວງບຶງການ ຣາຊະອານາຈັກໄທ ຄາດວ່າ ຈະເປີດນໍາໃຊ້ຢ່າງເປັນທາງການ ໃນເດືອນພຶດສະພາ 2025 ທີ່ຈະມາເຖິງນີ້, ເຊິ່ງມາຮອດປັດຈຸບັນ ການກໍ່ສ້າງໂດຍລວມ ສໍາເລັດແລ້ວ ຫລາຍກວ່າ 94%.

    • ເຂື່ອນໄຟຟ້ານໍ້າງື່ມ 3 ຈະເປີດຜະລິດກະແສໄຟຟ້າ ຕົ້ນປີ 2027ວັດທະນະທຳ-ສັງຄົມ

      ເຂື່ອນໄຟຟ້ານໍ້າງື່ມ 3 ຈະເປີດຜະລິດກະແສໄຟຟ້າ ຕົ້ນປີ 2027

      1/6/2025 1:50:40 PM

      ຂປລ. ມາຮອດປັດຈຸບັນ, ໂຄງການກໍ່ສ້າງເຂື່ອນໄຟຟ້ານໍ້າງື່ມ 3 ມີຄວາມຄືບໜ້າກວ່າ 80%, ຄາດວ່າຈະສຳເລັດ ແລະ ເປີດຜະລິດກະແສໄຟຟ້າ ໃນຕົ້ນປີ 2027 ທີ່​ຈະ​ມາ​ເຖິງ, ຖ້າໂຄງການ ດັ່ງກ່າວສຳເລັດ ຈະເປັນເຂື່ອນຫີນຖົມດິນສູງທີ່ສຸດໃນອາຊຽນ (210 ແມັດ).

    • ຍົກລະດັບຄວາມຮູ້ ການດຳເນີນລາຍການ ໂທລະພາບ ແລະ ການຕັດຕໍ່ພາບແບບມືອາຊີບວັດທະນະທຳ-ສັງຄົມ

      ຍົກລະດັບຄວາມຮູ້ ການດຳເນີນລາຍການ ໂທລະພາບ ແລະ ການຕັດຕໍ່ພາບແບບມືອາຊີບ

      1/6/2025 10:42:49 AM

      ຂປລ. ກົມສື່ມວນຊົນ ຄະນະເລຂາທິການສະພາແຫ່ງຊາດ ຈັດຊຸດຝຶກອົບຮົມວຽກງານສື່ມວນຊົນ ໃນຫົວຂໍ້: “ສ້າງຄວາມຊຳນານງານ ໃນການດຳເນີນລາຍການໂທລະພາບ ແລະ ການຕັດຕໍ່ ພາບແບບມືອາຊີບ” ໃຫ້ແກ່ລັດຖະກອນ ຂອງຄະນະເລຂາທິການ ສະພາປະຊາຊົນຂັ້ນແຂວງ ໃນຂອບເຂດທົ່ວປະເທດ

ຂ່າວ KPL Laos News

Top