*ໝາກເຂືອຈັດເປັນພືດລົ້ມລຸກ ມີລໍາຕົ້ນຕັ້ງຊື່ ແຕກກິ່ງແຕກງ່າ ຕັ້ງແຕ່ລະດັບຕໍ່າເປັນຊົງພຸ່ມຂະໜາດນ້ອຍ, ສູງປະມານ 20-100 cm, ເປືອກລໍາຕົ້ນບາງ ມີສີຂຽວ ຫລື ສີຂຽວອົມເທົາ, ສ່ວນກິ່ງແຖວປາຍມີສີຂຽວອ່ອນ, ເນື້ອໄມ້ ອ່ອນສີຂາວ ແລະ ຫັກງ່າຍ, ໃບເປັນໃບດ່ຽວລຽງສະຫລັບກັນເທິງກິ່ງ ມີກ້ານໃບຍາວ ປະມານ 3-5 cm, ແຜ່ນໃບລຽບ ມີຂົນປົກຄຸມທັງດ້ານລຸ່ມ ແລະ ດ້ານເທິງ, ໃບກວ້າງປະມານ 5-10 cm, ຍາວ 10-15 cm, ດອກເປັນດອກດຽວ ຫລື ເປັນຊໍ່ອອກບໍລິເວນຊອກໃບ ຫລື ປາຍກິ່ງ.
ສາຍພັນ: ແມ່ນມີຫລາຍສາຍພັນ ແຕ່ມື້ນີ້ເຮົາຈະມາຍົກບາງສາຍພັນທີ່ຄົນລາວນິຍົມປູກ ເປັນຕົ້ນ : ສາຍພັນທໍນາໂດແມ່ນຜົນລູກປະສົມ, ແຂງແຮງທົນທານຕໍ່ພະຍາດ, ມີສີຂຽວ, ໝາກໃຫຍ່ຍາວ ແລະ ມີທະໜານ 25-30 cm, ຜິວລຽບເປັນມັນ, ຕິດໝາກດຽວ, ອາຍຸເກັບກ່ຽວແມ່ນ 100 ວັນ. ສາຍພັນ 1475, ສາຍພັນດາກດາກອນ (Dark Dragon) ສາຍພັນປະສົມ ເຊິ່ງປັບຕົວເຂົ້າກັບສະພາບແວດລ້ອມເມືອງລາວໄດ້ດີ, ໝາກເປັນສີມ້ວງ, ອາຍຸເກັບກ່ຽວ ແມ່ນ 55 ວັນຫລັງຈາກຍ້າຍບ່ອນປູກ, ມີຂະໜາດ 5 x 25 cm. ສາຍມັນມາໂກລາ (Ago): ສາຍພັນປະສົມແຕກແໜງດີ, ໝາກເປັນສີມ້ວງ, ເປັນໝາກດົກຫລາຍ ແລະ ປູກ ໄດ້ຕະຫລອດປີ, ອາຍຸເກັບກ່ຽວແມ່ນ 65 ວັນ ຫລັງຈາກຍ້າຍປູກ, ນໍ້າຫນັກຂອງໝາກແມ່ນປະມານ 300-700 g. ສາຍພັນຕາຊົນໃນ: ເປັນລາຍໃນປະສົມ, ໝາກເປັນສີມ່ວງ, ສົ່ງຮູບກະບອກ, ຜົນທານຕໍ່ພະຍາດຫ່ຽວ ແລະ ຂະໜາດຂອງໝາກແມ່ນ 20-25 cm, ອາຍຸເກັບກ່ຽວແມ່ນ 100 ວັນ.
ການກຽມດິນ: ໄຖດິນໃຫ້ເລິກ 30-40 cm ຕາກດິນໄວ້ 7-10 ວັນ, ຄາດ ແລະ ປັບຄືນໃໝ່ໃຫ້ລຽບ, ຫວ່ານປູນຂາວໃນ ອັດຕາສ່ວນ 1-2 Kg/10 m ໃນເນື້ອທີ່ດິນ 40 x 40 ພ້ອມກັບໃສ່ຝຸ່ນໝັກ ຫລື ຝຸ່ນຄອກ, ຝຸ໋ຍ use than ແລ້ວພວນດິນຍົກຄູສູງປະມານ 30 cm, ກວ້າງ 120 cm, ຫົດນໍ້າ ແລະ ປົກຄຸມດ້ວຍຜ້າຢາງ ຫລື ເຟືອງ ເພື່ອຮັກສາຄວາມຊຸ່ມ ແລະ ປ້ອງກັນວັດສະພືດກນຈະປູກ 2 ອາທິດ.
*ການກຽມກ້າເບ້ຍ: ໃສ່ດິນ ທີ່ຮ່ອນແລ້ວ 3 ສ່ວນ, ຝຸ່ນຄອກ 1 ສ່ວນ, ຊາຍ ຫລື ຂີ້ແກບ 1 ສ່ວນ ລົງໃນຖາດກ້າເບ້ຍທີ່ກຽມໄວ້ແລ້ວຫົດນໍ້າ ແລະ ຢອດເມັດລົງໃນຖາດຂຸມ ກຸ່ມລະ 1 ເມັດ ແລ້ວຈຶ່ງຫົດນໍ້າເຂົ້າ-ແລງ.
*ວິທີການປູກ : ຂຸດຂຸມຕາມໄລຍະປູກ ນໍາເບ້ຍໝາກເຂືອທີ່ມີອາຍຸ 35 ວັນ ຫລື ມີໃບຈິງ 3-4 ໃບມາປູກຕາມຂຸມທີ່ກໍານົດ ຖົມຕົ້ນ ແລະ ຫົດນໍ້າ
*ການດູແລຮັກສາ: ຕ້ອງໃຫ້ນໍ້າສະໝໍ່າສະເໝີ ຫລັງຍ້າຍເບ້ຍ ທຸກເຊົ້າ-ແລງ ເມື່ອເບ້ຍແຂງແຮງແລ້ວ ຈຶ່ງຫົດນໍ້າມື້ລະຄັ້ງ.
*ການໃສ່ຝຸ່ນ: ຫລັງຈາກການຍ້າຍບ່ອນປູກປະມານ 7-10 ມື້ ໃຫ້ໃສ່ຝຸ່ນໝັກໃນອັດຕາສ່ວນ 1-3 Kg ຕໍ່ຕົ້ນ ເພື່ອເລັ່ງການຈະ ເລີນເຕີບໂຕ ແລະ ທະຍອຍແບ່ງໃສ່ໃນຊ່ວງອອກດອກ ແລະ ເປັນໝາກໃນທຸກໆ 20 ມື້.
ຫລັງຈາກດອກບານ 7-10 ມື້ ຈະສາມາດເກັບກ່ຽວຜົນຜະລິດໄດ້ ໂດຍເກັບໝາກທີ່ມີຂະໜາດພໍເໝາະ ບໍ່ອ່ອນ ຫລື ແກ່ຈົນເກີນໄປ, ໂດຍການເກັບກ່ຽວແມ່ນໃຫ້ມີຂວັ້ນໝາກເຂືອຕິດມາກັບໝາກ ເພື່ອຮັກສາຄວາມສົດໃໝ່ຂອງໝາກເຂືອ
