*ທ້າວ  ​ໂຮ​ຊິ ຫລື Kwon Soon Young ນັກຮ້ອງສະມາຊິກວົງ SEVENTEEN ຈາກ ສ.ເກົາຫລີສ້າງ​ຄວາມ​ປະ​ທົບ​ໃຈ​ໃຫ້​ແຟນ​ເພງ​ສາວ​ລາວ ​ແລະ ທົ່ວ​ໂລກ ທີ່​ສິລະ​ປິນທີ່​ຕົນ​ເອງຮັກ ​ແລະ ຕິດຕາມ​ຜົນງານ​ເພງ​ໄດ້​ສ້າງ​ຄວາມ​ດີດ້ວ​ຍການໄດ້ບໍລິຈາກເງິນຈຳນວນ 100 ລ້ານວອນ (70,000 USD) ຫລື ປະມານ 1.500 ລ້ານກີບ ເພື່ອສະໜັບສະໜູນການກໍ່ສ້າງໂຄງສ້າງພື້ນດ້ານການສຶກສາ ​ເປັນ​ຕົ້ນ​: ສ້າງ​ຫ້ອງ​ຮຽນ​ໃໝ່, ສິ່ງອໍານວຍຄວາມສະດວກແກ່ນັກຮຽນ, ກໍ່ສ້າງຫໍພັກຍິງ ແລະ ຫ້ອງຄົວ ເພື່ອສ້າງຊີວິດການເປັນຢູ່ທີ່ດີໃຫ້ແກ່ນັກຮຽນ. ​ໂດຍຫ້ອງຮຽນທີ່ສ້າງມາໃໝ່ ຈະໄດ້ກາຍເປັນຫ້ອງຮຽນສອນພາສາເກົາຫລີ, ຫ້ອງຮຽນສອນພາສາອັງກິດ ແລະ ຫ້ອງຮຽນສອນຄອມພິວເຕີ. ເຊິ່ງທັງຫມົດແມ່ນເພື່ອສະໜັບສໜູນການເຕີບໂຕດ້ານວິຊາການຂອງນັກຮຽນ ຄວາມພ້ອມສໍາລັບການສຶກສາທີ່ສູງຂຶ້ນ ແລະ ເປີດໂອກາດການຈ້າງງານ.

     ໂດຍ  Hoshi ໄດ້ກ່າວກ່ຽວກັບການບໍລິຈາກນີ້ວ່າ “ຂ້ອຍຢາກສະໜູນບສະໜູນເດັກນ້ອຍ ເພື່ອໃຫ້ພວກເຂົາເຕີບໃຫຍ່ມີສຸຂະພາບແຂງແຮງ ແລະ ມີຄວາມສຸກ” ຂ້ອຍຈະຕອບແທນທຸກຄົນທີ່ມອບຄວາມຮັກຕໍ່ຂ້ອຍດ້ວຍໃຈຈິງ ແລະ ຂ້ອຍຈະພະຍາຍາມຊ່ວຍເຫລືອຜູ້ຄົນທີ່ຢູ່ໃນສະຖານະການທີ່ຍາກລໍາບາກ". ຕ້ອງຂໍຂອບໃຈກັບການຊ່ວຍນີ້ຂອງ Hoshi ເຮັດໃຫ້ນັກຮຽນທີ່ດ້ອຍໂອກາດຫລາຍກວ່າ 500 ຄົນ ທີ່ປະສົບກັບຄວາມຫຍຸ້ງຍາກ ແຕ່ຕອນນີ້ກັບມີສິ່ງອໍານວຍຄວາມສະດວກທີ່ທັນສະໄຫມ, ສະພາບແວດລ້ອມທີ່ປອດໄພ, ຖືກສຸຂະອະນາໄມຫລາຍຂຶ້ນທັງການຮຽນຮູ້ ແລະ ການດໍາລົງຊີວິດປະຈໍາວັນ. ວົງ ເຊ​ເວັ້ນທີນ ​​​ມີ​ສະມາຊິກ​ທັງໝົດ 12 ຄົນ ເປັນອີກໜຶ່ງວົງ​ທີ່​ປະສົບ​ສໍາ​ເລັດ​ສ້າງ​ຍອດ​ຂາຍ​ເພງ ​,ການຈັດ​ຄອນ​ເສີດ​ທັງ​ພາຍ​ໃນ ​ແລະ ທົ່ວ​​ໂລກ ​​​ເຊິ່ງສະ​ແດງ​ໃຫ້​ເຫັນ​ເຖິງ​ຄວາມ​ຮັກ​ຈາກ​ແຟນ​ແພງ​ທົ່ວ​ທຸກ​ມູນ​ໂລກ​ລວມ​ເຖິງ​ປະທດລາວ​.

     ຕ້ອງຂໍ ຂອບໃຈກັບການຊ່ວຍນີ້ຂອງ Hoshi ເຮັດໃຫ້ນັກຮຽນທີ່ດ້ອຍໂອກາດຫລາຍກວ່າ 500 ຄົນ ທີ່ປະສົບກັບຄວາມຫຍຸ້ງຍາກມີສິ່ງອໍານວຍຄວາມສະດວກທີ່ທັນສະ​ໄໝ, ສະພາບແວດລ້ອມທີ່ປອດໄພ, ຖືກສຸຂະອະນາໄມຫລາຍຂຶ້ນທັງການຮຽນຮູ້ ແລະ ການດໍາລົງຊີວິດປະຈໍາວັນ.