KPL
ກິດຈະກຳ ສັບປະດາ ຮູບເງົາສາກົນ ແມ່ນ້ຳລ້ານຊ້າງ-ແມ່ນ້ຳ ຂອງຄັ້ງທີ 6 ໄດ້ຈັດຂຶ້ນຢູ່ ນະຄອນຫລວງ ພະນົມເປັນ ຂອງກຳປູເຈຍ. ຜູ້ປະກອບການ ຮູບເງົາ ແລະ ແຂກຜູ້ມີກຽດ ທີ່ມາຈາກປະເທດ ລຸ່ມແມ່ນ້ຳ ລ້ານຊ້າງ-ແມ່ນ້ຳຂອງ ໄດ້ເຕົ້າໂຮມກັນ ສົນທະນາກັນ ຢ່າງເຕັມທີ່ ກ່ຽວກັບ ໂອກາດໃໝ່ ແລະ ການພັດທະນາໃໝ່ ຂອງອຸດສາຫະກຳ ວັດທະນະທຳ ຮູບເງົາ.
ຂປລ.ວິທະຍຸ ສາກົນ ແຫ່ງ ສປ ຈີນ, ເມື່ອບໍ່ດົນມານີ້, ກິດຈະກຳ ສັບປະດາ ຮູບເງົາສາກົນ ແມ່ນ້ຳລ້ານຊ້າງ-ແມ່ນ້ຳ ຂອງຄັ້ງທີ 6 ໄດ້ຈັດຂຶ້ນຢູ່ ນະຄອນຫລວງ ພະນົມເປັນ ຂອງກຳປູເຈຍ. ຜູ້ປະກອບການ ຮູບເງົາ ແລະ ແຂກຜູ້ມີກຽດ ທີ່ມາຈາກປະເທດ ລຸ່ມແມ່ນ້ຳ ລ້ານຊ້າງ-ແມ່ນ້ຳຂອງ ໄດ້ເຕົ້າໂຮມກັນ ສົນທະນາກັນ ຢ່າງເຕັມທີ່ ກ່ຽວກັບ ໂອກາດໃໝ່ ແລະ ການພັດທະນາໃໝ່ ຂອງອຸດສາຫະກຳ ວັດທະນະທຳ ຮູບເງົາ.ໃນເວລາ ເຂົ້າຮ່ວມ ພິທີເປີດ ກິດຈະກຳ, ລັດຖະມົນຕີ ກະຊວງ ວັດທະນະທຳ ແລະ ສິລະປະກຳ ກຳປູເຈຍ ກ່າວວ່າ: ອະນຸພາກພື້ນ ແມ່ນ້ຳລ້ານຊ້າງ-ແມ່ນ້ຳຂອງ ເປັນເຂດແຄວ້ນ ທີ່ມີວັດທະນະທຳ ທີ່ອຸດົມສົມບູນ ແລະ ປະຫວັດສາດ ອັນຍາວນານ. ກິດຈະກຳຄັ້ງນີ້ ບໍ່ພຽງແຕ່ ເປັນງານມະຫະກຳ ທີ່ໄດ້ເຕົ້າໂຮມ ຜູ້ປະກອບການ ຂະແໜງການຮູບເງົາ ແລະ ສິລະປິນ ເທົ່ານັ້ນ, ແຕ່ຍັງ ເປັນກິດຈະກຳ ທີ່ລົງເລິກ ມິດຕະພາບ ລະຫວ່າງ ບັນດາປະເທດ ໃນລຸ່ມແມ່ນ້ຳ ລ້ານຊ້າງ-ແມ່ນ້ຳຂອງ ກໍຄື ຊຸກຍູ້ ການສົນທະນາ ແລະ ການຮ່ວມມື ດ້ານວັດທະນະທຳ ເຊິ່ງກັນ ແລະ ກັນ ອີກດ້ວຍ. ຜູ້ເຂົ້າຮ່ວມ ກິດຈະກຳ ເຫັນວ່າ: ໃນຖານະເປັນເວທີ ແລກປ່ຽນ ວັດທະນະທຳ ແມ່ນ້ຳລ້ານຊ້າງ-ແມ່ນ້ຳຂອງ, ກິດຈະກຳດັ່ງກ່າວ ໄດ້ຊຸກຍູ້ ຄວາມເຂົ້າໃຈກັນ ແລະ ມິດຕະພາບ ລະຫວ່າງ ປະຊາຊົນ ຂອງບັນດາ ປະເທດ ໃນລຸ່ມແມ່ນ້ຳລ້ານຊ້າງ-ແມ່ນ້ຳຂອງ, ໄດ້ຮັບຄວາມຊົມເຊີຍ ຈາກວົງການ ຜູ້ປະກອບການ ແລະ ປະຊາຊົນ ຂອງບັນດາປະເທດ ໃນລຸ່ມແມ່ນ້ຳ ລ້ານຊ້າງ-ແມ່ນ້ຳຂອງ ຢ່າງຫລວງຫລາຍ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
