KPL
ໜັງສືພິມ "ວໍຊິງຕັນໂພສ" (Washington Post) ຂອງ ສ.ອາເມລິກາ ໄດ້ລາຍງານຂ່າວວ່າ: ປີນີ້ ມີເດັກນ້ອຍ ຫລາຍກວ່າ 31.000 ຄົນ ຢູ່ ສ.ອາເມລິກາ ໄດ້ຮັບຜົນກະທົບ ຈາກເຫດການ ການຍິງ ໃນໂຮງຮຽນ.
ຂປລ.ວິທະຍຸ ສາກົນ ແຫ່ງ ສປ ຈີນ,ເມື່ອບໍ່ດົນມານີ້, ໜັງສືພິມ "ວໍຊິງຕັນໂພສ" (Washington Post) ຂອງ ສ.ອາເມລິກາ ໄດ້ລາຍງານຂ່າວວ່າ: ປີນີ້ ມີເດັກນ້ອຍ ຫລາຍກວ່າ 31.000 ຄົນ ຢູ່ ສ.ອາເມລິກາ ໄດ້ຮັບຜົນກະທົບ ຈາກເຫດການ ການຍິງ ໃນໂຮງຮຽນ. ສຳລັບ ປີນີ້ ມີຜູ້ເສຍຊີວິດ ທັງໝົດ 13 ຄົນ ໃນເຫດການ ການຍິງ ໃນໂຮງຮຽນ ຢູ່ ສ.ອາເມລິກາ, ຍັງມີຜູ້ຖືກຍິງ ທີ່ຮັບບາດເຈັບ 50 ຄົນ, ເຫດການ ການຍິງ ໃນໂຮງຮຽນ ໄດ້ສົ່ງຜົນກະທົບຕໍ່ 21 ລັດ ແລະ ເຂດພິເສດ ໂຄລໍາເບຍ (Washington, D.C.). ນັບຕັ້ງແຕ່ ໜັງສືພິມ ໄດ້ເລີ່ມຕົ້ນ ນັບເຫດການ ການຍິງ ໃນໂຮງຮຽນໃນປີ 1999 ທີ່ຜ່ານມາ, ເຫດການດັ່ງກ່າວ ໄດ້ເກີດຂຶ້ນຢູ່ ສ.ອາເມລິກາ ທັງໝົດ 426 ຄັ້ງ, ເຮັດໃຫ້ນັກຮຽນ ແລະ ຄະນະ ພະນັກງານ ໃນໂຮງຮຽນ ທັງໝົດ 215 ຄົນ ເສຍຊີວິດ, ຍັງມີຜູ້ຖືກຍິງ ທີ່ຮັບບາດເຈັບ ປະມານ 500 ຄົນ. ຫລາຍກວ່າ ເຄິ່ງໜຶ່ງ ຂອງເຫດການ ການຍິງ ໃນໂຮງຮຽນ ແມ່ນເຮັດໂດຍ ເດັກນ້ອຍ, ຖ້າເດັກນ້ອຍ ເຫລົ່ານີ້ ບໍ່ສາມາດ ເຂົ້າເຖິງປືນໄດ້, ເຫດການ ການຍິງ ເຫລົ່ານີ້ ຄືຈະເປັນໄປ ບໍ່ໄດ້./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
