KPL
ຂປລ.ວິທະຍຸ ກະຈາຍສຽງ ຫວຽດນາມ, ເມື່ອບໍ່ດົນມານີ້ ຢູ່ນະຄອນຫ໋າຍຝ່ອງຂອງ ສສ ຫວຽດນາມ, ກະຊວງ ວັດທະນະທຳ, ກິລາ ແລະ ການທ່ອງທ່ຽວ ຫວຽດນາມ ໄດ້ສົມທົບກັບ ຄະນະກຳມະການ ປະຊາຊົນ ນະຄອນຫ໋າຍຝ່ອງ ຈັດຕັ້ງການແຂ່ງຂັນ ແລະ ງານວາງສະແດງພາບ GRAPHIC ຂອງບັນດາປະເທດ ອາຊຽນ ຄັ້ງທີ 4 ຫວຽດນາມ 2024.
ຂປລ.ວິທະຍຸ ກະຈາຍສຽງ ຫວຽດນາມ, ເມື່ອບໍ່ດົນມານີ້ ຢູ່ນະຄອນຫ໋າຍຝ່ອງຂອງ ສສ ຫວຽດນາມ, ກະຊວງ ວັດທະນະທຳ, ກິລາ ແລະ ການທ່ອງທ່ຽວ ຫວຽດນາມ ໄດ້ສົມທົບກັບ ຄະນະກຳມະການ ປະຊາຊົນ ນະຄອນຫ໋າຍຝ່ອງ ຈັດຕັ້ງການແຂ່ງຂັນ ແລະ ງານວາງສະແດງພາບ GRAPHIC ຂອງບັນດາປະເທດ ອາຊຽນ ຄັ້ງທີ 4 ຫວຽດນາມ 2024. ການແຂ່ງຂັນ ແລະ ງານວາງສະແດງແມ່ນເຫດການວິຈິດສິນ ທີ່ມີຂອບຂະໜາດລະດັບສາກົນໄດ້ຮັບການຈັດຕັ້ງ ເປັນປະຈຳ 4 ປີ/ຄັ້ງ. ຄັ້ງນີ້ ດ້ວຍຜົນງານ 530 ຢ່າງຂອງຜູ້ແຕ້ມ 283 ຄົນທີ່ມາຈາກ 10 ປະເທດສະມາຊິກ ອາຊຽນ ຈົດທະບຽນເຂົ້າຮ່ວມ. ສະພາສິລະປະລວມມີ ບັນດານັກຊ່ຽວຊານ ກ່ຽວກັບ ສິລະປະ ຂອງ ສສ ຫວຽດນາມ, ໄທ, ຍີ່ປຸ່ນ ໄດ້ຄັດເລືອກ ຜົນງານ 151 ຢ່າງຂອງຜູ້ແຕ້ມ 131 ຄົນ ເພື່ອນຳເອົາວາງສະແດງ, ແນະນຳຢູ່ງານວາງສະແດງ. ໃນຈຳນວນ ບັນດາຜົນງານ ທີ່ໄດ້ຮັບການຄັດເລືອກນັ້ນ, ມີ 16 ຜົນງານດີເດັ່ນ ໄດ້ຮັບການມອບລາງວັນ, ລວມມີ: ລາງວັນໜຶ່ງ 1 ລາງວັນ(ຜົນງານ ຂອງຈິດຕະກອນ ຟີລິບປິນ), ລາງວັນສອງ 3 ລາງວັນ(ຜົນງານຂອງ ບັນດາຈິດຕະກອນໄທ ແລະ ຫວຽດນາມ), ລາງວັນສາມ 5 ລາງວັນ (ຜົນງານຂອງ ບັນດາຈິດຕະກອນໄທ) ແລະ ລາງວັນຊົມເຊີຍ 7 ລາງວັນ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
