KPL
ສະຖານີ ລົດໄຟ ກາຣາວາງ ຂອງທາງລົດໄຟ ຄວາມໄວສູງ ຈາກາຕາ-ບັນດຸງ, ບໍລິສັດ ທາງລົດໄຟ ຄວາມໄວສູງ ອິນໂດເນເຊຍ-ຈີນ ຈໍາກັດ ໄດ້ຈັດພິທີເປີດ ນໍາໃຊ້ ສະຖານີ ລົດໄຟ ຢ່າງເປັນທາງການ
ຂປລ.ວິທະຍຸ ສາກົນ ແຫ່ງ ສປ ຈີນ, ວັນທີ 24 ທັນວານີ້ ຢູ່ສະຖານີ ລົດໄຟ ກາຣາວາງ ຂອງທາງລົດໄຟ ຄວາມໄວສູງ ຈາກາຕາ-ບັນດຸງ, ບໍລິສັດ ທາງລົດໄຟ ຄວາມໄວສູງ ອິນໂດເນເຊຍ-ຈີນ ຈໍາກັດ ໄດ້ຈັດພິທີເປີດ ນໍາໃຊ້ ສະຖານີ ລົດໄຟ ຢ່າງເປັນທາງການ ເຊິ່ງເປັນຂີດໝາຍ ສະແດງໃຫ້ເຫັນວ່າ: ສະຖານີລົດໄຟ ກາຣາວາງ ໄດ້ເປີດນໍາໃຊ້ ຢ່າງເປັນທາງການ.ທາງລົດໄຟ ຄວາມໄວສູງ ຈາກາຕາ-ບັນດຸງ ໄດ້ເປີດນໍາໃຊ້ ຢ່າງເປັນທາງການ ໃນເດືອນຕຸລາປີ 2023, ໂດຍມີ ສະຖານີ ລົດໄຟ ຄວາມໄວສູງ ທັງໝົດ 4 ແຫ່ງ, ອອກເດີນທາງຈາກ ສະຖານີ ຮາລິມ ທີ່ເປັນສະຖານີ ຕົ້ນທາງ, ໃຊ້ເວລາ ເດີນທາງພຽງແຕ່ 15 ນາທີເທົ່ານັ້ນກໍຈະສາມາດໄປເຖິງ ສະຖານີ ກາຣາວາງ ທີ່ເປັນສະຖານີ ແຫ່ງທີ 2 ໄດ້.ຢູ່ບໍລິເວນ ອ້ອມແອ້ມ ສະຖານີລົດໄຟ ກາຣາວາງ ແມ່ນເຂດອຸດສາຫະກໍາ ທີ່ສໍາຄັນ ຂອງແຂວງຈາວາຕາ ເວັນຕົກປະເທດ ອິນໂດເນເຊຍ ໂດຍມີວິສາຫະກິດ ຜະລິດລົດ ຕ່າງປະເທດ ຫລາຍແຫ່ງ ເຂົ້າມາສ້າງຕັ້ງ ໂຮງງານ ຜະລິດລົດ ຢູ່ແຫ່ງນີ້./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
