KPL
ທ່ານ ເດັນນີສ ສະມາຍຮໍລ(Denys Shmyhal),ນາຍົກລັດຖະມົນຕີ ອູແກຣນ ແຈ້ງໃຫ້ຊາບວ່າ: ອູແກຣນ ໄດ້ຮັບຈຳ ນວນເງິນ 1 ຕື້ໂດລາ ສະຫະລັດ ຈາກ ສ.ອາເມລິກາ ເພື່ອໜູນຊ່ວຍ ປະເທດ ຊຶ່ງເປັນວົງເງິນຊຳລະ ດ້ວຍດອກເບ້ຍ ຂອງທະນາຄານ ມາຈາກຊັບສົມບັດ ຖືກປິດລ້ອມຂອງ ຣັດເຊຍ.
ຂປລ.ວິທະຍຸ ກະຈາຍສຽງ ຫວຽດນາມ, ວັນທີ 25ທັນວານີ້, ທ່ານ ເດັນນີສ ສະມາຍຮໍລ(Denys Shmyhal),ນາຍົກລັດຖະມົນຕີ ອູແກຣນ ແຈ້ງໃຫ້ຊາບວ່າ: ອູແກຣນ ໄດ້ຮັບຈຳນວນເງິນ 1 ຕື້ໂດລາ ສະຫະລັດ ຈາກ ສ.ອາເມລິກາ ເພື່ອໜູນຊ່ວຍ ປະເທດ ຊຶ່ງເປັນວົງເງິນຊຳລະ ດ້ວຍດອກເບ້ຍ ຂອງທະນາຄານ ມາຈາກຊັບສົມບັດ ຖືກປິດລ້ອມຂອງ ຣັດເຊຍ.ໃນຖະແຫລງການ ທີ່ເອົາລົງໃນສື່ສັງຄົມ Telegram, ທ່ານ ນາຍົກລັດຖະມົນຕີ ອູແກຣນ ຊີ້ແຈ້ງວ່າ: ນີ້ແມ່ນການສະໜອງ ແຫລ່ງເງິນທຳອິດ ໃນຍອດ ຈຳນວນເງິນ 20 ຕື້ໂດລາສະຫະລັດ ຊຶ່ງ ສ.ອາເມລິກາ ກະກຽມ ຈັດແບ່ງຜ່ານ ການນຳໃຊ້ ແຫລ່ງຊັບສົມບັດ ຖືກປິດລ້ອມຂອງ ຣັດເຊຍ. ຕາມກະຊວງການເງິນ ຢູອູແກຣນ ແລ້ວ, ບ້ວງເງິນ ດັ່ງກ່າວ ໄດ້ສະໜອງພາຍໃຕ້ ຮູບແບບ ຊ່ວຍເຫລືອລ້າ, ຕາມເຄື່ອງມື ໃຫ້ກູ້ຢືມ ຂອງທະນາຄານໂລກ (WB) ເພື່ອໜູນຊ່ວຍ ບັນດາຄວາມມານະ ພະຍາຍາມຂອງ ອູແກຣນ ໃນການປັບປຸງ ຂອບເຂດ ນະໂຍບາຍ ເສດຖະກິດ ແລະ ຮັບປະກັນ ເສດຖະກິດ ມະຫາພາກ ໃຫ້ເປັນປົກກະຕິ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
