ຂປລ.ວິທະຍຸ ກະຈາຍສຽງ ຫວຽດນາມ, ສະພາບການ ເສດຖະກິດ ຫວຽດນາມ ປີ 2024 ບັນລຸ ໝາກຜົນ ທີ່ໜ້າປະທັບໃຈ. ໃນນັ້ນ, ການສົ່ງອອກ ນຳເຂົ້າ ແມ່ນຈຸດພົ້ນເດັ່ນ ແລະ ແມ່ນໜຶ່ງ ໃນບັນດາ ກຳລັງໜູນ ຫລັກແຫລ່ງ ຂອງການເຕີບໂຕ ເສດຖະກິດ ໃນປີນີ້ ດ້ວຍຍອດວົງເງິນ ການສົ່ງອອກ ໝົດປີ ບັນລຸ ລະດັບ ສະຖິຕິໃໝ່ ປະມານ 800 ຕື້ໂດລາສະຫະລັດ, ເພີ່ມຂຶ້ນ 15% ເມື່ອທຽບໃສ່ປີກ່ອນ ແລະ ລື່ນກາຍ 3 ເທົ່າ ເມື່ອທຽບໃສ ແຜນການ ທີ່ໄດ້ວາງອອກ. ສິ່ງເປັນໜ້າສົນໃຈ ນັ້ນແມ່ນ, ປີ 2024 ກໍ່ແມ່ນປີທີ 9 ສສ ຫວຽດນາມ ຢັ້ງຢືນ ການສົ່ງອອກ ເກີນດູນ. ນີ້ແມ່ນໜຶ່ງໃນບັນດາໂຄງປະກອບ ສຳຄັນ ເພື່ອຕັດສິນ ຄວາມໄວ ໃນການເຕີບໂຕ ຂອງພື້ນຖານ ເສດຖະກິດ ໃນໄລຍະຈະມາເຖິງ. ຕາມວົງການ ນັກຊ່ຽວຊານ ດ້ານເສດຖະກິດແລ້ວ, ການສົ່ງອອກ-ນຳເຂົ້າ ໃນປີ 2024 ບັນລຸ ລະດັບ ສະຖິຕິ ທີ່ຍັງບໍ່ເຄີຍມີ ມາກ່ອນໃນ 40 ປີ ແຫ່ງການປ່ຽນແປງໃໝ່ຂອງ ສສ ຫວຽດນາມ. ນີ້ແມ່ນໝາກຜົນ ທີ່ເປັນໜ້າ ປະທັບໃຈ ໃນສະພາບການ ເສດຖະກິດ ທົ່ວໂລກ ຜະເຊີນໜ້າກັບ ບັນດາ ສິ່ງທ້າທາຍ, ສືບຕໍ່ ມີຜົນກະທົບຕໍ່ ຄວາມສະຖຽນ ລະພາບ ດ້ານເສດຖະກິດ ມະຫາພາກ ແລະ ແງ່ຫວັງເຕີບໂຕ ຂອງພື້ນຖານ ເສດຖະກິດ ເປີດໃຫຍ່ ພໍສົມຄວນຂອງ ສສ ຫວຽດນາມ. ການສົ່ງອອກ ໄປຍັງ ບັນດາ ເຂດຕະຫລາດ ທີ່ມີການເຕີບໂຕດີ ເກືອບທັງໝົດ, ພິເສດ ແມ່ນບັນດາຕະຫລາດ ທີ່ມີການເຊັນສັນຍາ ການຄ້າເສລີ (FTA) ກັບ ສສ ຫວຽດນາມ. ໄປຄຽງຄູ່ກັນກັບ ບັນດາ ຕະຫລາດໃຫຍ່, ຕະຫລາດ ທີ່ມີມາ ແຕ່ດົນນານ, ປີ 2023, ສສ ຫວຽດນາມ ກໍ່ໄດ້ ເປີດສຳເລັດ ຕະຫລາດ ທີ່ມີຄວາມສາມາດ ບົ່ມຊ້ອນຢູ່ ພາກພື້ນ ຕາເວັນອອກກາງ, ອາຟຣິກາ, ດ້ວຍການເຊັນສັນຍາ ຄູ່ຮ່ວມມື ເສດຖະກິດ ຮອບດ້ານ ຫວຽດນາມ-UAE (CEPA).ການສົ່ງອອກ ໄປຍັງທັງ 3 ເຂດອຸດສາຫະກຳ, ກະສິກຳ ແລະ ການບໍລິການ ລ້ວນແຕ່ ເພີ່ມຂຶ້ນ ຢ່າງແຮງ. ທ່ານ ປ.ອ ເລຢຸຍບິ່ງ, ຜູ້ອຳນວຍການ ບໍລິຫານ Economica ຫວຽດນາມ ຕີລາຄາວ່າ: ຄວາມໄວໃນການເຕີບໂຕນີ້ ສູງພໍສົມຄວນ ດ້ວຍບັນດາໄລຍະ ໃນເມືອກ່ອນ.ສິ່ງນີ້ ສະແດງໃຫ້ເຫັນ ຄວາມສາມາດຮັບມື, ຄວາມສາມາດຢ່າງໄຫວພິບ, ເປັນເຈົ້າການ ຂອງປະຊາຄົມວິສາຫະກິດ, ພ້ອມກັບ ບັນດາການໜູນຊ່ວຍ ກ່ຽວກັບ ບົດບາດ ສ້າງສັນຂອງລັດຖະບານ, ໄດ້ນຳມາເຊິ່ງວົງເງິນສົ່ງອອກ-ນຳເຂົ້າທີ່ເປັນໜ້າຊື່ນຊົມ. ດ້ວຍການເຄື່ອນໄຫວນຳເຂົ້າ ສົ່ງອອກນີ້ ໄດ້ໜູນຊ່ວຍກັບຄືນ ໃຫ້ແກ່ ພື້ນຖານ ເສດຖະກິດ. ຕົວເລກກ່ຽວກັບ ການເຕີບໂຕ ອຸດສາຫະກຳ ຫລື ມີການຟື້ນຟູ ຂອງຂະແໜງປຸງແຕ່ງ ປະດິດສ້າງໄດ້ໜູນຊ່ວຍ ຢ່າງໃຫຍ່ຫລວງ ທີ່ສຸດ ດ້ວຍອັດຕາ ນຳເຂົ້າສົ່ງອອກ ໄດ້ເພີ່ມຂຶ້ນ ຢ່າງແຮງຄື ດັ່ງນີ້.ຂະນະທີ່ ດູນການຄ້າຮັບຮູ້ ຫວຽດນາມ ມີການສົ່ງອອກ ເກີນດູນຢູ່ລະດັບສູງ (ເກືອບ 25 ຕື້ໂດລາສະຫະລັດ) ໃນ 9 ປີ ຢ່າງລຽນຕິດ, ຊ່ວຍຍົກສູງ ການສະສົມ ເງິນຕາຕ່າງປະເທດ, ຮັກສາອັດຕາແລກປ່ຽນເງິນຕາ ເປັນປົກກະຕິ ແລະ ບັນດາຕົວເລກ ເສດຖະກິດ ມະຫາພາກ. ຢູ່ຂົງເຂດ ກະສິກຳ, ເຖິງວ່າປະສົບກັບ ຄວາມຫຍຸ້ງຍາກ ຫລາຍຢ່າງ ຍ້ອນພາຍຸ Yagi ກໍ່ຕາມ, ແຕ່ປີ 2024 ແມ່ນປີບຸກທະລຸ ຂອງຂະແໜງ ກະສິກຳ ຫວຽດນາມ ດ້ວຍຍອດວົງເງິນສົ່ງອອກ ບັນລຸເກືອບ 63 ຕື້ໂດລາສະຫະລັດ,  ເພີ່ມຂຶ້ນກ່ວາ 18%ເມື່ອທຽບໃສ່ກັບປີ 2023. ການສົ່ງອອກເກີນດູນ ໃນທົ່ວຂະແໜງ ກະສິກຳ ບັນລຸ 18,6 ຕື້ໂດລາສະຫະລັດ. ສຳລັບ ປີ 2025, ສສ ຫວຽດນາມ ວາງເປົ້າໝາຍການເຕີບໂຕ ສົ່ງອອກ-ນຳເຂົ້າ ສູງກ່ວາ ເມື່ອທຽບໃສ່ກັບປີ 2024. ດ້ວຍຖານະບົດບາດ ທີ່ນັບມື້ ນັບສຳຄັນ ໃນລະບົບສະໜອງ, ຂອບຂະໜາດ ໃນການຜະລິດ ນັບມື້ ນັບໃຫຍ່ກ່ວາ, ການເຊື່ອມໂຍງເຂົ້າກັບພື້ນຖານເສດຖະກິດ ທົ່ວໂລກ ຢ່າງເລິກເຊິ່ງ ກວ້າງຂວາງ, ຫັນເປົ້າໝາຍນີ້ ໃຫ້ປະກົດຜົນເປັນຈິງ./.

(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ

KPL