KPL
ສປຈີນ ເລີ່ມໃຊ້ງານສະຖານີ ກວດວັດແທກ ຊັ້ນບັນຍາກາດ ໃນຕ່າງປະເທດ ແຫ່ງທຳອິດ ໃນແອນຕາກຕິກ ຊຶ່ງຊ່ວຍເສີມສ້າງ ການຮັບມືກັບການ ປ່ຽນແປງຂອງສະພາບ ພູມອາກາດ ໃນລະດັບໂລກ.
ຂປລ.ສຳນັກຂ່າວ ຊິນຮວາຂອງສປຈີນ, ເມື່ອບໍ່ດົນມານີ້, ສປຈີນ ເລີ່ມໃຊ້ງານສະຖານີ ກວດວັດແທກ ຊັ້ນບັນຍາກາດ ໃນຕ່າງປະເທດ ແຫ່ງທຳອິດ ໃນແອນຕາກຕິກ ຊຶ່ງຊ່ວຍເສີມສ້າງ ການຮັບມືກັບການ ປ່ຽນແປງຂອງສະພາບ ພູມອາກາດ ໃນລະດັບໂລກ.
ສຳນັກງານ ອຸຕຸນິນົມວິທະຍາ ແຫ່ງປະເທດສປຈີນລະບຸວ່າ: ສະຖານີກວດວັດແທກ ຊັ້ນບັນຍາກາດແຫ່ງຊາດຈົງຊານ ຂອງສປຈີນ ໃນແອນຕາກຕິກ ຈະສັງເກດ ການປ່ຽນແປງ ຂອງລະດັບ ຄວາມເຂັ້ມຂຸ້ນ ໃນອົງປະກອບຊັ້ນບັນຍາກາດ ໃນແອນຕາຣກຕິກ ໃນໄລຍະຍາວຢ່າງຕໍ່ເນື່ອງ ແລະນໍາສະເໜີຂໍ້ມູນ ສະຖານະສະເລ່ຍຂອງອົງປະກອບຊັ້ນບັນຍາກາດ ແລະລັກສະນະ ໃນພາກພື້ນທີ່ ກ່ຽວຂ້ອງ ຢ່າງທຽງຕົງ.
ສະຖານີເບື້ອງຕົ້ນ ໄດ້ຕິດຕັ້ງລະບົບ ສັງເກດການ ທີ່ຄວບຄຸມປະກອບດ້ວຍ ອົງປະກອບທາງອຸຕຸນິຍົມວິທະຍາ 7 ໝວດໝູ່ຊຶ່ງລວມເຖິງ ໂອໂຊນແລະລະອອງລອຍ. ປັດຈຸບັນ ສປຈີນ ມີສະຖານີ ກວດວັດແທກ ຊັ້ນບັນຍາກາດ ລະດັບຊາດ 9 ແຫ່ງ, ສ່ວນສະຖານີອີກ 10 ແຫ່ງ ຊຶ່ງຢູ່ລະຫວ່າງ ການພັດທະນາ ໄດ້ເລີ່ມການ ທົດລອງ ສັງເກດການ ໄລຍະ 1 ປີ ເມື່ອເດືອນກໍລະກົດ ທີ່ຜ່ານມາ./.
KPL
