KPL
ທ່ານ ເຊີນເວີນຊິ່ງ ກຳມະການ ກົມການເມືອງ ສູນກາງພັກ ປະທານ ຄະນະການເມືອງ ແລະ ກົດໝາຍ ສູນກາງພັກ ກອມມູນິດຈີນ ໄດ້ພົບປະກັບ ທ່ານ ເຊີເກ ຊອຍກູ ປະທານ ສະພາ ຄວາມໝັ້ນຄົງ ແຫ່ງສະຫະພັນ ຣັດເຊຍ ຢູ່ນະຄອນຫລວງ ປັກກິ່ງ ແລະ ຮ່ວມກັນ ເປັນປະທານ ກອງປະຊຸມ ກົນໄກຮ່ວມມື ດ້ານການປະຕິບັດ ກົດໝາຍ ເພື່ອຄວາມໝັ້ນຄົງຈີນ-ຣັດເຊຍ ຄັ້ງທີ 9
ຂປລ.ວິທະຍຸ ສາກົນ ແຫ່ງ ສປ ຈີນ, ເມື່ອບໍ່ດົນມານີ້, ທ່ານ ເຊີນເວີນຊິ່ງ ກຳມະການ ກົມການເມືອງ ສູນກາງພັກ ປະທານ ຄະນະການເມືອງ ແລະ ກົດໝາຍ ສູນກາງພັກ ກອມມູນິດຈີນ ໄດ້ພົບປະກັບ ທ່ານ ເຊີເກ ຊອຍກູ ປະທານ ສະພາ ຄວາມໝັ້ນຄົງ ແຫ່ງສະຫະພັນ ຣັດເຊຍ ຢູ່ນະຄອນຫລວງ ປັກກິ່ງ ແລະ ຮ່ວມກັນ ເປັນປະທານ ກອງປະຊຸມ ກົນໄກຮ່ວມມື ດ້ານການປະຕິບັດ ກົດໝາຍ ເພື່ອຄວາມໝັ້ນຄົງຈີນ-ຣັດເຊຍ ຄັ້ງທີ 9.ທ່ານ ເຊີນເວີນຊິ່ງ ກ່າວວ່າ: ນັບແຕ່ກົນໄກ ຮ່ວມມື ດ້ານການປະຕິບັດ ກົດໝາຍ ເພື່ອຄວາມໝັ້ນຄົງຈີນ-ຣັດເຊຍ ສ້າງຕັ້ງຂຶ້ນເປັນເວລາ 11 ປີຜ່ານມາ, ອົງການ ປະຕິບັດ ກົດໝາຍ ເພື່ອຄວາມໝັ້ນຄົງ ຂອງສອງປະເທດ ໄດ້ຮ່ວມມືກັນ ຢ່າງໃກ້ຊິດ ໃນຫລາຍຂົງເຂດເຊັ່ນ: ການປ້ອງກັນ ຄວາມໝັ້ນຄົງ ດ້ານການເມືອງ, ຕໍ່ຕ້ານການກໍ່ການຮ້າຍ, ປະສານສົມທົບ ດ້ານຍຸຕິທຳ ແລະ ອື່ນໆ ເຊິ່ງໄດ້ຮັບຜົນງານ ຢ່າງແທ້ຈິງ ຫລາຍປະການ, ໄດ້ສ້າງສິ່ງ ຄ້ຳປະກັນ ອັນເຂັ້ມແຂງ ໃຫ້ແກ່ ການຂະຫຍາຍ ເນື້ອໃນ ຄວາມໝັ້ນຄົງ ຂອງສາຍພົວພັນ ສອງປະເທດ. ສອງຝ່າຍ ຕ້ອງຮ່ວມກັນຕໍ່ຕ້ານ ແລະ ຮັບມືກັບ ສິ່ງທ້າທາຍ ແລະ ໄພຂົ່ມຂູ່ ດ້ານຄວາມໝັ້ນຄົງ, ເພີ່ມທະວີ ຄວາມສາມາດ ດ້ານການປ້ອງກັນ ຄວາມໝັ້ນຄົງ, ເພື່ອສະໜອງ ການບໍລິການ ແກ່ການພັດທະນາ ໃຫ້ຈະເລີນ ຍິ່ງຂຶ້ນ.ທ່ານ ເຊີເກ ຊອຍກູ ກ່າວວ່າ: ຣັດເຊຍ ຍິນດີຊຸກຍູ້ ການຮ່ວມມື ດ້ານການປະຕິບັດ ກົດໝາຍ ເພື່ອຄວາມໝັ້ນຄົງ ຣັດເຊຍ-ຈີນ ຢ່າງຮອບດ້ານ, ປົກປ້ອງຜົນປະໂຫຍດ ດ້ານຄວາມໝັ້ນຄົງ ຂອງສອງປະເທດ ໃຫ້ດີກວ່າເກົ່າ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
