KPL
ງານຕະຫລາດນັດ ເຕັກນິກສູງຈີນ ຄັ້ງທີ 26 ໄດ້ໄຂຂຶ້ນ ຢູ່ນະຄອນ ເຊີ່ນເຈີ້ນຂອງ ສປ ຈີນ ລະຫວ່າງ ວັນທີ 14-16 ພະຈິກນີ້.ງານຕະຫລາດນັດ ດັ່ງກ່າວ ຖືກເອີ້ນວ່າ “ງານວາງສະແດງ ເຕັກນິກ ທຳອິດ ຂອງ ສປ ຈີນ”,
ຂປລ.ວິທະຍຸ ສາກົນ ແຫ່ງ ສປ ຈີນ, ງານຕະຫລາດນັດ ເຕັກນິກສູງຈີນ ຄັ້ງທີ 26 ໄດ້ໄຂຂຶ້ນ ຢູ່ນະຄອນ ເຊີ່ນເຈີ້ນຂອງ ສປ ຈີນ ລະຫວ່າງ ວັນທີ 14-16 ພະຈິກນີ້.ງານຕະຫລາດນັດ ດັ່ງກ່າວ ຖືກເອີ້ນວ່າ “ງານວາງສະແດງ ເຕັກນິກ ທຳອິດ ຂອງ ສປ ຈີນ”, ໄດ້ດຶງດູດ ວິສາຫະກິດ ຊື່ດັງ ແລະ ອົງການ ຈັດຕັ້ງສາກົນ ເກືອບ 5.000 ແຫ່ງ ທີ່ມາຈາກ 100 ກວ່າປະເທດ ແລະ ເຂດແຄວ້ນ ໃນທົ່ວໂລກ ມາເຂົ້າຮ່ວມງານ, ໃນນັ້ນ, ມີວິສາຫະກິດ ທີ່ຖືກຈັດເຂົ້າ ໃນບັນຊີລາຍຊື່ 500 ວິສາຫະກິດ ເຂັ້ມແຂງທີ່ສຸດ ຢູ່ໃນໂລກ ແລະ ວິສາຫະກິດສູນກາງຈີນ ທັງໝົດ 180 ກວ່າແຫ່ງ.ງານຕະຫລາດນັດ ຄັ້ງນີ້ ໄດ້ສະແດງ ໃຫ້ເຫັນເຖິງ ທ່າອຽງ ດ້ານການພັດທະນາ ຂອງເຕັກນິກສູງ ແລະ ໃໝ່ໃນທົ່ວໂລກ, ນຳສະເໜີ ຜົນງານຫລ້າສຸດ ດ້ານເຕັກນິກສູງ ແລະ ໃໝ່, ພ້ອມທັງ ເຈລະຈາ ການຊື້-ຂາຍ ຜົນງານເຕັກນິກສູງ ແລະ ໃໝ່ໃນຂອບເຂດທົ່ວໂລກ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
