KPL
ກະຊວງກະສິກຳອາຫານ ແລະ ກິດຈະການ ຊົນນະບົດຂອງ ສ.ເກົາຫລີ ຈະຂະຫຍາຍການ ໃຫ້ເງິນສະໜັບສະໜູນ ຊາວກະສີກອນ ໄວໜຸ່ມສາວລຸ້ນໃໝ່ ເພື່ອຊ່ວຍເຫລືອໃຫ້ການຕັ້ງຖິ່ນຖານ ໃນພື້ນທີ່ຊົນນະບົດ.
ຂປລ.ສຳນັກຂ່າວ ຊິນຮວາຂອງ ສປຈີນ, ກະຊວງກະສິກຳອາຫານ ແລະ ກິດຈະການ ຊົນນະບົດຂອງ ສ.ເກົາຫລີ ຈະຂະຫຍາຍການ ໃຫ້ເງິນສະໜັບສະໜູນ ຊາວກະສີກອນ ໄວໜຸ່ມສາວລຸ້ນໃໝ່ ເພື່ອຊ່ວຍເຫລືອໃຫ້ການຕັ້ງຖິ່ນຖານ ໃນພື້ນທີ່ຊົນນະບົດ. ໂຄງການດັ່ງກ່າວ ຈັດຕັ້ງປະຕິບັດເມື່ອປີ 2018 ໄດ້ກຳນົດວົງເງິນ ຊ່ວຍເຫລືອ ສູງສຸດ 1,1 ລ້ານວອນຕໍ່ເດືອນ/ຄົນ ເປັນໄລຍະເວລາ ສູງສຸດ 3 ປີ, ຊຶ່ງລັດຖະບານ ສ.ເກົາຫລີ ຕັ້ງເປົ້າໝາຍ ທີ່ຈະເພີ່ມຈຳນວນຜູ້ຮັບເງິນ ສະໜັບສະໜູນ 5.000-17.000 ຄົນພາຍໃນປີ 2024 ນີ້.
ຂະນະດຽວກັນ ກະຊວງກະສີກໍາ ຂອງສ.ເກົາຫລີ ຍັງກຳນົດເປົ້າໝາຍ ທີ່ຈະເພີ່ມຈຳນວນ ຜູ້ຮັບເງິນສະໜັບສະໜູນເປັນ 23.000 ຄົນ ພາຍໃນປີ 2025 ເພື່ອຫລຸດຜ່ອນ ຄວາມ ທຸກຍາກລຳບາກ ທີ່ຊາວກະເສດຕະກອນລຸ້ນໃໝ່ ຕ້ອງຜະເຊີນ ອັນເປັນຜົນມາຈາກ ລາຍໄດ້ທີ່ຫລຸດລົງ ໃນໄລຍະເລີ່ມຕົ້ນ ຂອງການເຮັດກະສີກຳ.ໃນບັນດາຜູ້ຮັບເງິນ ສະໜັບ ສະໜູນດັ່ງກ່າວ ກວມເອົາອັດຕາສ່ວນ ກະສິກອນ ທີ່ມີທ່າອຽງ ບໍ່ມີປະສົບການ ເຮັດກະສິກຳ ເພີ່ມຂຶ້ນຢ່າງຕໍ່ເນື່ອງ ຈາກ 42,5% ເມື່ອປີ 2018 ມາເປັນ 78,3% ເມື່ອປີ 2024./.
KPL
