KPL
ກອງປະຊຸມ ສະມັດຊາໃຫຍ່ ອົງການ ສະຫະ ປະຊາຊາດ ສະໄໝທີ 81 ໄດ້ເປີດອະພິປາຍທົ່ວໄປ ຢູ່ສຳນັກງານໃຫຍ່ ອົງການ ສະຫະ ປະຊາຊາດ ທີ່ນະຄອນນິວຢອກ ຂອງ ສ.ອາເມລິກາ ພາຍໃຕ້ຫົວຂໍ້ “ສ້າງຄວາມໄວ້ເນື້ອ ເຊື່ອໃຈຄືນໃໝ່, ບໍລິຫານການປ່ຽນແປງ ເພື່ອໃຫ້ອົງການ ສະຫະປະຊາຊາດ ສາມາດນຳເອົາ ຜົນປະໂຫຍດ ມາໃຫ້ທຸກຄົນ”.
ຂປລ.ວິທະຍຸ ໂທລະພາບ ສູນກາງຈີນ, ວັນທີ 22 ກັນຍານນີ້, ກອງປະຊຸມ ສະມັດຊາໃຫຍ່ ອົງການ ສະຫະ ປະຊາຊາດ ສະໄໝທີ 81 ໄດ້ເປີດອະພິປາຍທົ່ວໄປ ຢູ່ສຳນັກງານໃຫຍ່ ອົງການ ສະຫະ ປະຊາຊາດ ທີ່ນະຄອນນິວຢອກ ຂອງ ສ.ອາເມລິກາ ພາຍໃຕ້ຫົວຂໍ້ “ສ້າງຄວາມໄວ້ເນື້ອ ເຊື່ອໃຈຄືນໃໝ່, ບໍລິຫານການປ່ຽນແປງ ເພື່ອໃຫ້ອົງການ ສະຫະປະຊາຊາດ ສາມາດນຳເອົາ ຜົນປະໂຫຍດ ມາໃຫ້ທຸກຄົນ”. ທ່ານ ອັນໂຕນີໂອ ກູເຕີເຣັສ ເລຂາທິການໃຫຍ່ ອົງການສະຫະປະຊາຊາດ ກ່າວວ່າ: ໂລກພວມກ້າວໄປສູ່ ການຫັນເປັນຫລາຍຂົ້ວ ທີ່ບໍ່ສາມາດຫັນກັບຄືນໄດ້, ສິດອຳນາດ ຕ້ອງມີກົດລະບຽບ, ກົດບັດສະຫະປະຊາຊາດ ມີຄວາມໝາຍສຳຄັນຫລາຍກວ່າທີ່ເຄີຍມີມາ. ທ່ານ ຄາລີເລີ ຣາມານ ປະທານສະມັດຊາໃຫຍ່ ອົງການ ສະຫະ ປະຊາຊາດ ສະໄໝທີ 81 ກ່າວວ່າ: ຫົວຂໍ້ຫລັກ ຂອງສະມັດຊາໃຫຍ່ ອົງການ ສະຫະປະຊາຊາດ ຄັ້ງນີ້ ແມ່ນສ້າງຄວາມໄວ້ເນື້ອເຊື່ອໃຈຄືນໃໝ່, ອົງການ ສະຫະປະຊາຊາດ ຕ້ອງລົງເລິກການປະຕິຮູບ ເພື່ອໃຫ້ໄດ້ຮັບຄວາມໄວ້ເນື້ອເຊື່ອໃຈຄືນໃໝ່. ທ່ານ ລູລາ ດາ ຊີນວາ ປະທານາທິບໍດີບຣາຊີນ, ທ່ານ ໂດນັນ ທຣຳ ປະທານາທິບໍດີ ສ.ອາເມລິກາ, ສົມເດັດ ອັບດູນລາ ບິນ ອັນຮູສແຊັນ ເຈົ້າຊີວິດຊອກດານີ ແລະ ທ່ານ ເອັມມານູເອວ ມາຄຣົງ ປະທານາທິບໍດີຝຣັ່ງ ໄດ້ກ່າວຄຳປາໄສ ຕາມລຳດັບ. ການອະພິປາຍທົ່ວໄປ ຈະດຳເນີນໄປຮອດ ວັນທີ 28 ກັນຍານີ້./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
