ທ່ານ ພອນປະເສີດ ເສດຖາທິຣາດ ຜູ້ອຳນວຍການໂຮງຮຽນມັດທະຍົມ ສົມບູນມິດຕະພາບ ລາວ-ຫວຽດ ນາມ ໃຫ້ສຳພາດຕໍ່ນັກຂ່າວສຳນັກ ຂ່າວສານປະເທດລາວ ໃນວັນທີ 18 ສິງຫາ 2026 ນີ້ວ່າ: ປັດຈຸບັນ ໂຮງຮຽນມັດທະຍົມສົມບູນມິດ ຕະພາບ ລາວ-ຫວຽດນາມ ໄດ້ມີ ຄວາມພ້ອມ 100% ເພື່ອກຽມໃຫ້ ແກ່ການເປີດສົກຮຽນໃໝ່ 2026- 2027 ໂດຍໄດ້ກະກຽມຄວາມ ພ້ອມຮອບດ້ານ ໂດຍສະເພາະທາງດ້ານບຸກຄະລາກອນ ຄູ-ອາຈານ, ຫ້ອງຮຽນ, ອຸປະກອນການຮຽນການສອນ ແລະ ສະຖານທີ່ອຳ ນວຍຄວາມສະດວກຕ່າງໆໃຫ້ຢູ່ໃນ ສະພາບພ້ອມໃຊ້ງານ ແລະ ເໝາະ ສົມຕໍ່ການຮຽນ-ການສອນ. ພ້ອມ ກັນນີ້, ຄະນະຄູ-ອາຈານ ແລະ ພະ ນັກງານຍັງໄດ້ກະກຽມດ້ານແຜນ ການຮຽນ-ການສອນ, ການຈັດ ຕາຕະລາງຮຽນ, ສື່ການຮຽນການສອນ ແລະ ວຽກງານດ້ານ ການບໍລິຫານ ເພື່ອໃຫ້ການເປີດ ສົກຮຽນໃໝ່ ດຳເນີນໄປຢ່າງຮຽບ ຮ້ອຍ. ຢ່າງໃດກໍຕາມ, ໃນສົກຮຽນ 2026-2027 ນີ້ ໂຮງຮຽນມີ ຄວາມພ້ອມຮອງຮັບນັກຮຽນໄດ້ ຫລາຍກວ່າ 1.000 ຄົນ ແລະ ຄາດວ່າຈະສາມາດສືບຕໍ່ຍົກສູງ ຄຸນນະພາບການຮຽນ-ການສອນ ແລະ ສ້າງນັກຮຽນໃຫ້ມີຄວາມຮູ້, ຄວາມສາມາດ ແລະ ຄຸນສົມບັດທີ່ ດີ ເພື່ອເປັນກຳລັງສຳຄັນໃນການ ພັດທະນາປະເທດຊາດ ໃນອະ ນາຄົດ. ທ່ານ ພອນປະເສີດ ເສດຖາທິຣາດ ຍັງໄດ້ຍົກໃຫ້ເຫັນຜົນສຳເລັດໃນ ການຈັດຕັ້ງປະຕິບັດການຮຽນການສອນໃນໄລຍະ 1 ປີຜ່ານມາ ຊຶ່ງໂຮງຮຽນໄດ້ສຸມໃສ່ການຍົກ ສູງຄຸນນະພາບການຮຽນ-ການ ສອນ, ພັດທະນາຄູ-ອາຈານ ແລະ ປັບປຸງສະຖານທີ່, ອຸປະກອນການ ຮຽນ-ການສອນໃຫ້ມີຄຸນນະພາບ ແລະ ມີຄວາມພ້ອມຫລາຍຂຶ້ນ, ສາມາດບັນລຸຜົນສຳເລັດໃນຫລາຍ ດ້ານທັງດ້ານວິຊາການ, ດ້ານການ ຮຽນ-ການສອນ, ເຮັດໃຫ້ຜົນການ ຮຽນຂອງນ້ອງນັກຮຽນບັນລຸຕາມ ຄາດໝາຍ ແລະ ອື່ນໆ. ໂອກາດນີ້, ທ່ານ ພອນປະເສີດ ເສດຖາທິຣາດ ຍັງຮຽກຮ້ອງມາ ຍັງຜູ້ປົກຄອງນັກຮຽນເອົາໃຈໃສ່ ປະສານສົມທົບກັບໂຮງຮຽນ, ຕິດ ຕາມການຮຽນ, ການປະພຶດຂອງ ລູກຫລານຕົນເອງ, ພ້ອມທັງສົ່ງ ເສີມ ແລະ ສ້າງເງື່ອນໄຂໃຫ້ນັກ ຮຽນໄດ້ຮຽນຮູ້ຢ່າງເຕັມສ່ວນ ພ້ອມກັນນັ້ນ, ໂຮງຮຽນຍັງຈະສືບ ຕໍ່ນຳໃຊ້ລະບົບ ແລະ ເຕັກໂນໂລຊີ ທີ່ທັນສະໄໝ ໂດຍສະເພາະປັນຍາ ປະດິດ (AI) ເຂົ້າໃນການຮຽນການສອນ ເພື່ອຍົກສູງປະສິດທິຜົນ ການສອນ ແລະ ສ້າງບັນຍາກາດ ການຮຽນຮູ້ໃຫ້ທັນກັບຍຸກສະໄໝ. ໂຮງຮຽນມັດທະຍົມສົມບູນມິດ ຕະພາບ ລາວ-ຫວຽດນາມ ແມ່ນ 1 ໃນໂຮງຮຽນມັດທະຍົມສຶກສາ ສົມບູນຂອງລັດ ຂຶ້ນກັບພະແນກ ສຶກສາທິການ ແລະ ກິລາ ນະຄອນ ຫລວງວຽງຈັນ ໂດຍປະຕິບັດການ ຮຽນ-ການສອນ ຕາມຫລັກສູດ, ຕາມ 5 ຫລັກມູນການສຶກສາຂອງ ກະຊວງສຶກສາທິການ ແລະ ກິລາ ວາງອອກຢ່າງເຂັ້ມງວດ. ຂ່າວ-ພາບ: ທະນູທອງ

KPL