KPL
ຂປລ. ແຫລ່ງຂ່າວຈາກແຂວງ ຄຳມ່ວນໃຫ້ຮູ້ວ່າ:ທ່ານໄຊຊະນະ ໂຄດພູທອນ ເລຂາພັກແຂວງຄຳ ມ່ວນ ໄດ້ໃຫ້ທິດຊີ້ນໍາແກ່ຄະນະບໍ ລິຫານງານສະມາຄົມນັກທຸລະກິດ ຍິງ ແຂວງຄຳມ່ວນ ໃນໂອກາດ ເຂົ້າຢ້ຽມຂໍ່ານັບໃນວັນທີ3ສິງຫາ2026 ພາຍຫລັງສໍາເລັດກອງປະ ຊຸມສະມາຄົມນັກທຸລະກິດຍິງ ຄັ້ງທີ3ຂອງແຂວງຄໍາມ່ວນ.
ທ່ານ ນາງ ສະຫລັກຈິດ ໄຊ ຍະກຸມມານ ປະທານສະມາຄົມນັກ ທຸລະກິດຍິງ ໄດ້ລາຍງານກ່ຽວກັບ ຜົນການເຄື່ອນໄຫວຂອງສະມາຄົມ, ບົດບາດໃນການຂັບເຄ່ືອນທຸລະກິດ ແລະ ການປະກອບສ່ວນບັນດາ ນັກທຸລະກິດຍິງ ຕໍ່ການພັດທະນາ ເສດຖະກິດ-ສັງຄົມຂອງແຂວງ ພ້ອມທັງແນະນຳຄະນະບໍລິຫານ ງານຊຸດໃໝ່ ແລະ ຂໍທິດຊີ້ນຳຈາກ ການນຳແຂວງ ເພື່ອເປັນທິດທາງໃນການດຳເນີນວຽກງານໄລຍະ ຕໍ່ໄປ.
ໃນໂອກາດນີ້, ທ່ານ ໄຊຊະນະ ໂຄດພູທອນ ໄດ້ກ່າວຕ້ອນຮັບ ທັງສະແດງຄວາມຊົມເຊີຍ ຕໍ່ຜົນ ສຳເລັດຂອງກອງປະຊຸມ ແລະ ເນັ້ນໃຫ້ຄະນະສະມາຄົມ ສືບຕໍ່ຍົກ ລະດັບຂີດຄວາມສາມາດຂອງນັກ ທຸລະກິດຍິງ, ນຳໃຊ້ເຕັກໂນໂລຊີ ດີຈິຕອນ, ພັດທະນາການຜະລິດ ແລະ ຂະຫຍາຍຕະຫລາດ ເພື່ອ ຍົກຄຸນນະພາບສິນຄ້າໃຫ້ແຂ່ງຂັນ ໄດ້. ພ້ອມກັນນ້ັນ, ຍັງໄດ້ຊີ້ນຳໃຫ້ ສະມາຄົມສຸມໃສ່ສ້າງຜະລິດຕະພັນ ເອກະລັກຂອງແຂວງ ໃຫ້ເປັນສິນ ຄ້າຂອງຝາກທີ່ມີຊື່ສຽງ,ສ້າງວຽກ ເຮັດງານທຳ,ຊ່ວຍເຫລືອວຽກງານ ສັງຄົມ ແລະ ປະກອບສ່ວນແກ້ໄຂ ບັນຫາເສດຖະກິດຂອງແຂວງ.ຄຽງຄູ່ກັນນັ້ນ ໃຫ້ປັບປຸງອົງການ ຈັດຕັ້ງ, ແບບແຜນວິທີເຮັດວຽກ, ເສີມສ້າງຄວາມສາມັກຄີພາຍໃນ, ຍົກສູງບົດບາດແມ່ຍິງ ແລະ ສ້າງ ກິດຈະກຳທີ່ມີຜົນງານໂດດເດັ່ນ.
ໃນມື້ດຽວກັນ,ຄະນະສະມາຄົມ ນັກທຸລະກິດຍິງ ຍັງໄດ້ເຂົ້າຢ້ຽມ ຂໍ່ານັບທ່ານສົມສະອາດອຸ່ນສີດາ ປະທານຄະນະກຳມະການປົກຄອງ ແຂວງ ເພື່ອລາຍງານຜົນການ ຈັດຕັ້ງ,ແນະນຳຄະນະຊຸດໃໝ່ແລະ ຂໍທິດຊີ້ນຳເພີ່ມຕື່ມເພື່ອໃຫ້ສະມາຄົມ ດຳເນີນວຽກຢ່າງມີປະສິດທິຜົນ ແລະ ປະກອບສ່ວນຂັບເຄື່ອນການ ພັດທະນາແຂວງຄຳມ່ວນ ໃຫ້ຍືນ ຍົງ.
ຂ່າວ:ມະນີວັນ
KPL
