KPL
ຂປລ. ສູນກາງຊາວໜຸ່ມປະຊາຊົນປະຕິວັດລາວ (ສຊປລ) ຈະສືບຈະສຸມໃສ່ການສຶກສາອົບຮົມການເມືອງ-ແນວຄິດ ໃຫ້ແກ່ພະນັກງານ ແລະ ຊາວໜຸ່ມ-ເຍົາວະຊົນ ໃນຂອບເຂດທົ່ວປະເທດ, ປັບປຸງນິຕິກຳສຶກສາ ອົບຮົມ ວຽກງານຊາວໜຸ່ມ-ເຍົາວະຊົນ ໃຫ້ແທດເໝາະກັບ ແຕ່ລະກຸ່ມເປົ້າໝາຍ ແລະ ກະກຽມສ້າງຫລັກສູດ ການຮຽນ-ການສອນ
ຂປລ. ສູນກາງຊາວໜຸ່ມປະຊາຊົນປະຕິວັດລາວ (ສຊປລ) ຈະສືບຈະສຸມໃສ່ການສຶກສາອົບຮົມການເມືອງ-ແນວຄິດ ໃຫ້ແກ່ພະນັກງານ ແລະ ຊາວໜຸ່ມ-ເຍົາວະຊົນ ໃນຂອບເຂດທົ່ວປະເທດ, ປັບປຸງນິຕິກຳສຶກສາ ອົບຮົມ ວຽກງານຊາວໜຸ່ມ-ເຍົາວະຊົນ ໃຫ້ແທດເໝາະກັບ ແຕ່ລະກຸ່ມເປົ້າໝາຍ ແລະ ກະກຽມສ້າງຫລັກສູດ ການຮຽນ-ການສອນ ເພື່ອຮັບໃຊ້ແກ່ໂຮງຮຽນທິດສະດີ ຊາວໜຸ່ມ-ເຍົາວະຊົນ ລາວ-ຫວຽດນາມ.
ສະຫາຍ ມອນໄຊ ລາວມົວຊົ່ງ ເລຂາຄະນະບໍລິຫານງານສູນກາງ ຊາວໜຸ່ມ ປປ ລາວ ໄດ້ໃນລາຍງານຕໍ່ກອງປະຊຸມ ສາມັນຄົບຄະນະບໍລິຫານງານ ສູນກາງຊາວໜຸ່ມ ປະຊາຊົນປະຕິວັດລາວ ຄັ້ງທີ 5 ສະໄໝທີ VIII ເມື່ອບໍ່ດົນນີ້ວ່າ: ສຳລັບທິດທາງແຜນການ ວຽກງານຈຸດສຸມສູນກາງຊາວໜຸ່ມ ປະຊາຊົນປະຕິວັດລາວ ຈະສືບຕໍ່ຄົ້ນຄວ້າບຸກຄະລາກອນ ເພື່ອປະກອບເຂົ້າໃນຄະນະບໍລິຫານງານ ສະຫະພັນຊາວໜຸ່ມລາວ ແລະ ກະກຽມເປີດກອງປະຊຸມໃຫຍ່ ສະຫະພັນຊາວໜຸ່ມລາວ ຄັ້ງທີ I. ພ້ອມນີ້, ຍັງຈະດຳເນີນບັນດາໂຄງການ ສະກັດກັ້ນບັນຫາຢາເສບຕິດ, ອຸບັດ ເຫດຕາມທ້ອງຖະໜົນ, ຕ້ານການຄ້າມະນຸດ ແລະ ບັນຫາອື່ນໆ; ສືບຕໍ່ຝຶກອົບຮົມວຽກງານວິຊາຊີບ ແລະ ການສ້າງວຽກເຮັດງານທຳໃຫ້ແກ່ຊາວໜຸ່ມ-ເຍົາວະຊົນ; ສືບຕໍ່ຈັດຕັ້ງປະຕິບັດແຜນພັດທະນາ ຊາວໜຸ່ມ-ເຍົາວະຊົນ 5 ປີ ຄັ້ງທີ II ປີ 2021-2025 ແລະ ຍຸດທະສາດການພັດທະນາຊາວໜຸ່ມ, ເຍົາວະຊົນລາວ ປີ 2021-2030; ສືບຕໍ່ຊຸກຍູ້, ຕິດຕາມ, ກວດກາການຈັດຕັ້ງປະຕິບັດ ມະຕິກອງປະຊຸມໃຫຍ່ ຜູ້ແທນຊາວໜຸ່ມທົ່ວປະເທດ ຄັ້ງທີ VIII, ການຈັດຕັ້ງປະຕິບັດ ຂໍ້ແຂ່ງຂັນ 4 ບຸກຂອງຊາວໜຸ່ມ ແລະ ຂໍ້ແຂ່ງຂັນ 3 ດີ 4 ຮູ້ ຂອງເຍົາວະຊົນ ຂອງ ຄຊປປລ ແຕ່ລະຂັ້ນ.
ນອກຈາກນີ້, ຍັງຈະສຶບຕໍ່ກະກຽມຄວາມພ້ອມ ຂອງກໍາລັງຊາວໜຸ່ມຕະລຸມບອນ ແລະ ກໍາລັງຊາວໜຸ່ມອາສະໝັກ ໃນການຮັບມືກັບການຕ້ານ ແລະ ສະກັດກັ້ນ ໄພທຳມະຊາດ ແລະ ພະຍາດຕ່າງໆ; ສືບຕໍ່ຊຸກຍູ້ສະມາຄົມ ນັກທຸລະກິດໜຸ່ມແຫ່ງຊາດ ແລະ ຄະນະທີ່ປຶກສາ ດ້ານເສດຖະກິດຄະນະເລຂາທິ ການ ສຊປລ ໃຫ້ໄດ້ເຄື່ອນໄຫວຕາມແຜນການ.
ຂ່າວ: ກິດຕາ
KPL
