KPL
ອົງການ ການຄ້າໂລກ(WTO) ໄດ້ຈັດກອງປະຊຸມຕ່າງໆ ຢູ່ນະຄອນເຊີແນວ ປະເທດສະວິດ. ໃນໄລຍະຈັດກອງປະຊຸມ, ຜູ້ຕາງໜ້າຈີນໄດ້ແຈ້ງໃຫ້ WTO ຮັບຮູ້ຢ່າງເປັນທາງການວ່າ, ສປ ຈີນ ໄດ້ຍົກເວັ້ນພາສີ ຕໍ່ສິນຄ້າທັງໝົດ ທີ່ນຳເຂົ້າຈາກປະເທດ ດ້ອຍພັດທະນາທີ່ສຸດ ທີ່ໄດ້ສ້າງຕັ້ງ ສາຍພົວພັນ ທາງການທູດກັບ ສປ ຈີນ
ຂປລ.ວິທະຍຸສາກົນແຫ່ງ ສປ ຈີນ, ອົງການ ການຄ້າໂລກ(WTO) ໄດ້ຈັດກອງປະຊຸມຕ່າງໆ ຢູ່ນະຄອນເຊີແນວ ປະເທດສະວິດ. ໃນໄລຍະຈັດກອງປະຊຸມ, ຜູ້ຕາງໜ້າຈີນໄດ້ແຈ້ງໃຫ້ WTO ຮັບຮູ້ຢ່າງເປັນທາງການວ່າ, ສປ ຈີນ ໄດ້ຍົກເວັ້ນພາສີ ຕໍ່ສິນຄ້າທັງໝົດ ທີ່ນຳເຂົ້າຈາກປະເທດ ດ້ອຍພັດທະນາທີ່ສຸດ ທີ່ໄດ້ສ້າງຕັ້ງ ສາຍພົວພັນ ທາງການທູດກັບ ສປ ຈີນ. ຜູ້ຕາງໜ້າຈີນ ຍັງກ່າວຕື່ມວ່າ: ຍິນດີຜ່ານການປຶກສາຫາລື ແລະ ລົງນາມສັນຍາວ່າດ້ວຍ ການພົວພັນ ຄູ່ຮ່ວມເສດຖະກິດ ເພື່ອພັດທະນາ ຮ່ວມກັນ, ປະຕິບັດ ມາດຕະການ ຍົກເວັ້ນພາສີ ຕໍ່ສິນຄ້າທັງໝົດ ທີ່ນຳເຂົ້າຈາກ 53 ປະເທດອາຟຣິກາ ທີ່ໄດ້ສ້າງຕັ້ງ ສາຍພົວພັນ ທາງການທູດກັບ ສປ ຈີນ. ຜູ້ຕາງໜ້າ ຂອງກຸ່ມປະເທດ ດ້ອຍພັດທະນາທີ່ສຸດ, ກຸ່ມອາຟຣິກາ ແລະ ອື່ນໆປະຈຳ WTO ໄດ້ສະແດງຄວາມຂອບອົກຂອບໃຈ ຢ່າງຈິງໃຈຕໍ່ ສປ ຈີນ, ໂດຍເນັ້ນໜັກວ່າ: ປະເທດສະມາຊິກ ທີ່ກຳລັງພັດທະນາ ພວມຜະເຊີນໜ້າກັບ ສິ່ງທ້າທາຍ ແລະ ຄວາມບໍ່ແນ່ນອນ ທີ່ບໍ່ເຄີຍມີມາກ່ອນ ການເຕີບໂຕ ດ້ານເສດຖະກິດ, ມາດຕະການຂອງ ສປ ຈີນ ເປັນແບບຢ່າງທີ່ດີ ໃຫ້ແກ່ ສະມາຊິກອື່ນໆ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
