KPL
ຂປລ. ໃນໂອກາດເປີດງານສັບປະດາດີຈິຕອນລາວ 2025 ໃນວັນທີ 2 ເມສາ 2025 ນີ້, ຢູ່ຫໍປະຊຸມແຫ່ງຊາດ ນະຄອນຫລວງວຽງຈັນ ກຸ່ມບໍລິສັດ ລາວໂທລະຄົມມະນາຄົມ ມະຫາຊົນ ໄດ້ເປີດໃຫ້ບໍລິການ ລະບົບທາງດ້ານການເງິນ ສຸບເປີແອັບ-ສຸບເປີເອັກ (Super App Super X) ຫລື ເອັມມັນນີເອັກສ ກະເປົາເງິນເທິງມືຖື (Mmoney X) ໃຫ້ກຽດເຂົ້າຮ່ວມຂອງ ທ່ານ ທອງລຸນ ສີສຸລິດ ປະ ທານປະເທດ ແຫ່ງ ສປປ ລາວ, ມີທ່ານ ປະເສີດ ຈັນທະຣະຣວງທອງ ຮອງນາຍົກລັດຖະມົນຕີ
ຂປລ. ໃນໂອກາດເປີດງານສັບປະດາດີຈິຕອນລາວ 2025 ໃນວັນທີ 2 ເມສາ 2025 ນີ້, ຢູ່ຫໍປະຊຸມແຫ່ງຊາດ ນະຄອນຫລວງວຽງຈັນ ກຸ່ມບໍລິສັດ ລາວໂທລະຄົມມະນາຄົມ ມະຫາຊົນ ໄດ້ເປີດໃຫ້ບໍລິການ ລະບົບທາງດ້ານການເງິນ ສຸບເປີແອັບ-ສຸບເປີເອັກ (Super App Super X) ຫລື ເອັມມັນນີເອັກສ ກະເປົາເງິນເທິງມືຖື (Mmoney X) ໃຫ້ກຽດເຂົ້າຮ່ວມຂອງ ທ່ານ ທອງລຸນ ສີສຸລິດ ປະ ທານປະເທດ ແຫ່ງ ສປປ ລາວ, ມີທ່ານ ປະເສີດ ຈັນທະຣະຣວງທອງ ຮອງນາຍົກລັດຖະມົນຕີ, ລັດຖະມົນຕີ ກະຊວງດີຈິຕອນເພື່ອເສດຖະກິດ ແລະ ສັງຄົມ ແຫ່ງຣາຊະອານາຈັກໄທ, ທ່ານ ບໍ່ວຽງຄໍາ ວົງດາລາ ລັດຖະມົນຕີ ກະຊວງເຕັກໂນໂລຊີ ແລະ ການສື່ສານ, ມີຜູ້ອໍານວຍການໃຫຍ່ບໍລິສັດ ລາວ ໂທລະຄົມມະນາຄົມ ມະຫາຊົນ ແລະ ພາກສ່ວນກ່ຽວຂ້ອງ ເຂົ້າຮ່ວມ.
ການເປີດໃຫ້ບໍລິການລະບົບດັ່ງກ່າວ, ເປັນບາດກ້າວໃໝ່ ແລະ ເປັນຄັ້ງທຳອິດໃນ ສປປ ລາວ, ຊຶ່ງເປັນການລວມ ລະບົບ ຫລື ແອັບພຣີເຄຊັນ ທາງດ້ານການເງິນ(Mmoney X) ແລະ ແອັບພຣີເຄຊັນດ້ານໂທລະຄົມ (M-Service ແລະ My T-Plus) ເຂົ້າດ້ວຍກັນ ເພື່ອຍົກລະດັບ ເອັມມັນນີເອັກສ ກະເປົາເງິນເທິງມືຖື ໃນ ສປປ ລາວ ໃຫ້ກາຍເປັນຮູບແບບ ກະເປົາເງິນດີຈິຕອນທີ່ຄົບວົງຈອນ.
ນອກນີ້, ກຸ່ມບໍລິສັດ ລາວໂທລະຄົມມະນາຄົມ ມະຫາຊົນ ຍັງໄດ້ນຳເອົາເຕັກໂນໂລຊີໃໝ່ໆມາວາງສະເເດງ ເຊັ່ນ: LTC Solutions Service “HR Platform, Cloud service, Contact Center, Service Management” ແລະ ເຕັກໂນໂລຊີດ້ານ IOT, SpaceTech, AI ຈາກຄູ່ຮ່ວມທຸລະກິິດຂອງ ລາວໂທລະຄົມ ເຊັ່ນ: ບໍລິສັດ ໄທຄົມ ຈໍາກັດ (ມະຫາຊົນ), ບໍລິສັດ ແອັດວານ ອິນໂຟ ເຊີວິດ (AIS), ບໍລິສັດ ຫົວເວີຍ, ບໍລິສັດ ZTE, ມະຫາວິທະຍາໄລຂອນແກ່ນ (KKU) ແລະ Makerbox Lao.
ກຸ່ມບໍລິສັດລາວໂທລະຄົມມະນາຄົມ ມະຫາຊົນ ຍັງສືບຕໍ່ມຸ່ງໝັ້ນໃນການພັດທະນາ ນໍາເອົາເຕັກໂນໂລຊີ ແລະ ນະວັດຕະກໍາໃໝ່ໆ ເຂົ້າມາຮັບໃຊ້ສັງຄົມລາວ ເພື່ອເປັນການປະກອບສ່ວນໃນການສ້າງ ສາ ແລະ ພັດທະນາປະເທດຊາດ ໃຫ້ມີຄວາມຮຸ່ງເຮືອງສີວິໄລ, ທັນສະໄໝໃນຍຸກດີຈິຕອນ ພ້ອມທັງຢູ່ຄຽງຂ້າງກັບສັງຄົມລາວ.
KPL
