KPL
ຂປລ. ກອງປະຊຸມທົບທວນ ການຈັດຕັ້ງປະຕິບັດ ແຜນງານການຮ່ວມມື ລະຫວ່າງ ລັດຖະບານລາວ ແລະ ອົງການສະຫະປະຊາຊາດ (ສປຊ) ກອງທຶນສຳລັບປະຊາກອນ ປະຈຳປີ 2024 ແລະ ສ້າງແຜນວຽກບູລິມະສິດ ປີ 2025 ຈັດຂຶ້ນໃນວັນທີ 28 ມັງກອນ 2025 ໂດຍການເປັນປະທານຮ່ວມຂອງ ທ່ານ ນາງ ພອນວັນ ອຸທະວົງ ຮອງລັດຖະມົນຕີ ກະຊວງແຜນການ ແລະການລົງທຶນ, ທ່ານ ແບກທີຢໍ ຄາດີເຣີບ ຜູ້ຕາງໜ້າ ອົງການສະຫະປະຊາຊາດ ກອງທຶນສໍາລັບປະຊາກອນ ປະຈໍາລາວ, ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ຂປລ. ກອງປະຊຸມທົບທວນ ການຈັດຕັ້ງປະຕິບັດ ແຜນງານການຮ່ວມມື ລະຫວ່າງ ລັດຖະບານລາວ ແລະ ອົງການສະຫະປະຊາຊາດ (ສປຊ) ກອງທຶນສຳລັບປະຊາກອນ ປະຈຳປີ 2024 ແລະ ສ້າງແຜນວຽກບູລິມະສິດ ປີ 2025 ຈັດຂຶ້ນໃນວັນທີ 28 ມັງກອນ 2025 ໂດຍການເປັນປະທານຮ່ວມຂອງ ທ່ານ ນາງ ພອນວັນ ອຸທະວົງ ຮອງລັດຖະມົນຕີ ກະຊວງແຜນການ ແລະການລົງທຶນ, ທ່ານ ແບກທີຢໍ ຄາດີເຣີບ ຜູ້ຕາງໜ້າ ອົງການສະຫະປະຊາຊາດ ກອງທຶນສໍາລັບປະຊາກອນ ປະຈໍາລາວ, ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ທ່ານ ນາງ ພອນວັນ ອຸທະວົງ ໄດ້ໃຫ້ວ່າ: ກອງປະຊຸມຄັ້ງນີ້, ຈັດຂຶ້ນເພື່ອທົບທວນຄືນການຈັດ ຕັ້ງປະຕິບັດ ແຜນງານການຮ່ວມ ລະຫວ່າງ ລັດຖະບານ ລາວ ແລະ ອົງການ ສປຊ ກອງທຶນສຳລັບປະຊາກອນ ປະຈຳປີ 2024 ເຊິ່ງເປັນເວທີທີ່ສຳຄັນໃນການປືກສາຫາລື ຊອກຫາວິທີແກ້ໄຂບັນດາສິ່ງທ້າທາຍ, ຂໍ້ຫຍຸ້ງຍາກຕ່າງໆ ທີ່ໄດ້ພົບພໍ້ໃນການຈັດຕັ້ງປະຕິບັດ ໃນໜຶ່ງປີຜ່ານມາ ລວມທັງມາດຕະການໃນການແກ້ໄຂ ແລະ ບົດຮຽນທີ່ຖອດຖອນໄດ້ ເພື່ອໃຫ້ການຈັດຕັ້ງປະຕິບັດ ບັນດາກິດຈະກຳ ສາມາດບັນລຸຕາມແຜນທີ່ໄດ້ວາງໄວ້. ໃນປີ 2024 ການຈັດຕັ້ງປະຕິບັດ ແຜນງານດັ່ງກ່າວ, ດໍາເນີນມາຮອດ 3 ປີ ເຊິ່ງເປັນວາລະທ້າຍຂອງແຜນງານການຮ່ວມມື. ສະນັ້ນ, ພວກເຮົາຈະວາງແຜນວຽກຈຸດສຸມໃນປີ 2025 ໃຫ້ເປັນອັນລະອຽດ ເພື່ອຮັບປະກັນໃຫ້ການຈັດຕັ້ງປະຕິບັດ ແຜນງານການຮ່ວມມື ລະຫວ່າງລັດຖະບານລາວ ແລະ ອົງການ ສປຊ ກອງທຶນສຳລັບປະຊາກອນ 2022-2026 (CPD 2022-2026) ໃຫ້ມີປະສິດທິພາບ, ປະສິດທິຜົນ ແລະ ບັນລຸຕາມຈຸດປະສົງຄາດໝາຍທີ່ວາງໄວ.
ນອກຈາກນີ້, ຍັງໄດ້ຮັບຟັງການລາຍງານຄວາມຄືບໜ້າ ໃນການຈັດຕັ້ງປະຕິບັດ ແຜນງານສຸຂະພາບຈະເລີນພັນ, ການວາງແຜນຄອບຄົວ ແລະ ວຽກງານຜະດຸງຄັນ; ລາຍງານຄວາມຄືບໜ້າ ໃນການຈັດຕັ້ງປະຕິບັດ ວຽກງານການຮຽນ-ການສອນເພດສຶກສາ ແລະ ໄວໜຸ່ມ; ລາຍງານຄວາມຄືບໜ້າ ໃນການຈັດຕັ້ງປະຕິບັດ ວຽກງານ ສົ່ງເສີມຄວາມສະເໝີພາບ ຍິງ-ຊາຍ, ການຕ້ານ ແລະ ສະກັດກັ້ນການໃຊ້ຄວາມຮຸນແຮງຕໍ່ແມ່ຍິງ; ການຈັດຕັ້ງປະຕິບັດ ແຜນງານສູນກາງຊາວໜຸ່ມປະຊາຊົນປະຕິວັດລາວ.
ຂ່າວ: ກິດຕາ
KPL
