KPL
ສປຈີນ ຈະສືບຕໍ່ ຮັກສາ ສະຖຽນລະພາບ ຂອງ ອັດຕາແລກປ່ຽນ ສະກຸນເງິນ ເຫຣິນເຫມິນປີ້ (RMB) ຫລື ສະກຸນເງິນຢວນ ໃຫ້ຢູ່ໃນລະດັບ ສົມເຫດສົມຜົນ ແລະ ຄວາມສົມດຸນ.
ຂປລ. ສຳນັກຂ່າວ ຊິນຮວາ ຂອງ ສປຈີນ, ເມື່ອບໍ່ດົນມານີ້, ກອງປະຊຸມ ຄະນະ ກຳມະການ ແລກປ່ຽນ ເງິນຕາຕ່າງປະເທດ ແຫ່ງປະເທດ ສປຈີນ ຢູ່ນະຄອນຫລວງ ປັກກິ່ງ ລະບຸວ່າ: ສປຈີນ ຈະສືບຕໍ່ ຮັກສາ ສະຖຽນລະພາບ ຂອງ ອັດຕາແລກປ່ຽນ ສະກຸນເງິນ ເຫຣິນເຫມິນປີ້ (RMB) ຫລື ສະກຸນເງິນຢວນ ໃຫ້ຢູ່ໃນລະດັບ ສົມເຫດສົມຜົນ ແລະ ຄວາມສົມດຸນ.
ໂດຍ ທະນາຄານ ປະຊາຊົນ ສປຈີນ (PBOC ) ຫລື ທະນາຄານກາງ ແລະ ສໍານັກບໍລິຫານ ເງິນຕາຕ່າງປະເທດ ແຫ່ງລັດ ຈະສືບຕໍ່ ດຳເນີນ ມາດຕະການ ຮັກສາ ສະຖຽນລະພາບ ຄວາມຄາດຫວັງ, ເພີ່ມພູນຄວາມເຂັ້ມແຂງ ແລະ ເສີມສ້າງການຈັດການ ຕະຫລາດແລກປ່ຽນ ເງິນຕາຕ່າງປະເທດ ຢ່າງຮອບດ້ານ. ສປຈີນ ພະຍາຍາມ ປັບປຸງແກ້ໄຂ ຕະຫລາດ ຕາມວົງຈອນ ເສດຖະກິດ (pro-cyclical ) ທີ່ສົ່ງຜົນກະທົບ ຕໍ່ຄວາມເປັນລະບຽບ ຂອງ ຕະຫລາດ ແລະ ປ້ອງກັນ ຄວາມສ່ຽງ ຈາກຄວາມສົມດຸນ ໃນໄລຍະຍາວ ຂອງອັດຕາແລກປ່ຽນ. ນອກນັ້ນ ຄະນະ ກຳມະການ ຈະຊຸກຍູ້ ແນວທາງ ກ່ຽວກັບ ຂອບເຂດ ການຄວບຄຸມ ຕະຫລາດ ແລກປ່ຽນເງິນຕາ ຕ່າງປະເທດ ແລະ ຍົກສູງ ການຄວບຄຸມ ຂອງ ອຸດສາຫະກຳ ພ້ອມທັງ ເຕືອນສະມາຊິກ ໃນການໃຫ້ຄວາມສຳຄັນ ໃຫ້ແກ່ ການສະໜັບ ສະໜູນ ເສດຖະກິດ ແລະ ສ້າງສະພາບ ແວດລ້ອມ ອັດຕາແລກປ່ຽນທີ່ມີສະຖຽນລະພາບ ສຳລັບ ທຸລະກິດ ແລະ ປະຊາຊົນ./
KPL
