KPL
ເມື່ອບໍ່ດົນມານີ້, ຄະນະຜູ້ແທນ ຂັ້ນສູງ ກະຊວງ ຕຳຫລວດ ຫວຽດນາມ ໂດຍ ທ່ານພົນໂທ ເຈິ່ນກວັກຕໍ, ຮອງລັດຖະມົນຕີ ກະຊວງ ຕຳຫລວດ ຫວຽດນາມ ພ້ອມດ້ວຍ ໄດ້ຢ້ຽມຢາມ ແລະ ເຮັດວຽກຢູ່ ກູບາ.
ຂປລ. ສຳນັກຂ່າວ ວິທະຍຸ ກະຈາຍສຽງແຫ່ງຊາດ ຫວຽດນາມ, ເມື່ອບໍ່ດົນມານີ້, ຄະນະຜູ້ແທນ ຂັ້ນສູງ ກະຊວງ ຕຳຫລວດ ຫວຽດນາມ ໂດຍ ທ່ານພົນໂທ ເຈິ່ນກວັກຕໍ, ຮອງລັດຖະມົນຕີ ກະຊວງ ຕຳຫລວດ ຫວຽດນາມ ພ້ອມດ້ວຍ ໄດ້ຢ້ຽມຢາມ ແລະ ເຮັດວຽກຢູ່ ກູບາ.
ໂດຍໄດ້ພົບປະ ເຈລະຈາ ຢ່າງເປັນທາງການ ກັບ ທ່ານ ພົນຕີ ລາຈາໂຣ ອານເບີໂຕ ອານວາເຣສ ກາຊາ
ກຳມະການ ກົມການເມືອງ, ລັດຖະມົນຕີ ກະຊວງພາຍໃນ ກູບາ, ໂດຍສອງປະເທດ ໄດ້ແລກປ່ຽນບົດຮຽນ, ພ້ອມກັນນັ້ນ ຍັງຕີລາຄາ ໝາກຜົນ ໃນການຜັນຂະຫຍາຍ ຂໍ້ຕົກລົງຮ່ວມມື ລະຫວ່າງ ກະຊວງຕຳຫລວດ ຫວຽດນາມ ແລະ ກະຊວງ ພາຍໃນ ກູບາ ທີ່ ໄດ້ຮັບການລົງນາມ ເມື່ອປີ 2018 ແລະ ສະພາບ ການຮ່ວມມື ລະຫວ່າງສອງອົງການ ໃນໄລຍະມໍ່ໆມານີ້.
ນອກນັ້ນ ສອງຝ່າຍ ຍັງໃຫ້ຄຳໝັ້ນ ສັນຍາ ຈະເພີ່ມທະວີ ຮ່ວມມື ເພື່ອແບ່ງປັນ ບົດຮຽນ ປະສົບການສ້າງກຳລັງ, ການກວດກາ, ຕິດຕາມ ກວດກາ, ສຶກສາ ບຳລຸງສ້າງ ແລະ ຄຸ້ມຄອງ ການເຂົ້າ-ອອກເມືອງ ເພື່ອປະກອບສ່ວນ ເຂົ້າໃນການປົກປັກ ຮັກສາຄວາມໝັ້ນຄົງ ແຫ່ງຊາດ ແລະ ຄວາມເປັນ ລະບຽບ ຮຽບຮ້ອຍ ຄວາມປອດໄພທາງສັງຄົມ ຂອງແຕ່ລະປະເທດ, ເພີ່ມທະວີການແລກປ່ຽນ ຄະນະ ປະຕິບັດງານ ທຸກຂັ້ນ ແລະ ນັກຊ່ຽວຊານ ໃນຫລາຍຂົງເຂດ ຮ່ວມມື, ພ້ອມທັງ ສືບຕໍ່ຍູ້ແຮງ ການປະຕິບັດ ບັນດາ ເນື້ອໃນ ຂໍ້ຕົກລົງ ທີ່ໄດ້ຮັບການ ເຫັນດີ ເປັນເອກະພາບ ລະຫວ່າງ ສອງກະຊວງດັ່ງກ່າວ./
KPL
