KPL
ສ.ອາເມລິກາ ໄດ້ຈັດສັນເງິນທຶນ ຈຳນວນ 8 ລ້ານໂດລາສະຫະລັດ ເພື່ອຊ່ວຍ ປັບປຸງ ໜ່ວຍຍາມຝັ່ງ ຂອງ ຟີລິບປິນ ໃຫ້ທັນສະໄໝ ຫລາຍຂຶ້ນ ທ່າມກາງ ສະພາບຄວາມຄັ່ງຕຶງ ຈາກ ແຮງກົດດັນ.
ຂປລ. ສຳນັກຂ່າວ ເອເອຟພີ, ລັດຖະບານ ສ.ອາເມລິກາ ໄດ້ຈັດສັນເງິນທຶນ ຈຳນວນ 8 ລ້ານໂດລາສະຫະລັດ ເພື່ອຊ່ວຍ ປັບປຸງ ໜ່ວຍຍາມຝັ່ງ ຂອງ ຟີລິບປິນ ໃຫ້ທັນສະໄໝ ຫລາຍຂຶ້ນ ທ່າມກາງ ສະພາບຄວາມຄັ່ງຕຶງ ຈາກ ແຮງກົດດັນ. ໃນຂະນະດຽກັນ, ບ້ວງເງິນ ດັ່ງກ່າວ ຍັງປັບປຸງ ພື້ນຖານ ໂຄ່ງລ່າງ, ພັດທະນາໂປແກຣມ ການຝຶກອົບຮົມ ແລະ ວາງແຜນ ດ້ານຊັບພະຍາກອນ ອີກດ້ວຍ.
ການເຈລະຈາ ທະວີພາຄີ ທາງທະເລ ຢູ່ ນະຄອນຫລວງ ມານີລາ ຂອງ ຟີລິບປິນ ທີ່ຈັດຂຶ້ນ ເມື່ອອາທິດຜ່ານມາ, ສະຖານເອກອັກ ຄະລັດຖະທູດ ສ.ອາເມລິກາ ກ່າວວ່າ: ໄດ້ທົບທວນ ຄວາມຮ່ວມມື ທີ່ ດຳເນີນຢູ່ ແລະ ປຶກສາຫາລື ແນວທາງ ທີ່ ທັງສອງຝ່າຍ ຈະຮ່ວມກັນ ຈັດການກັບ ຄວາມທ້າທາຍ ແລະ ຄວາມກັງວົນ ຮ່ວມກັນ ທາງທະເລ ໂດຍສະເພາະ ທະເລຈີນໃຕ້. ນອກນັ້ນ ຖະແຫລງການ ກ່ຽວກັບ ທ່າທີ ຂອງ ການປະຕິບັດການ ຄັ້ງຫລ້າສຸດ, ໜ່ວຍຍາມຝັ່ງຂອງ ສ.ອາເມລິກາ ລະບຸວ່າ: ຈະສືບຕໍ່ ປະຕິບັດການ ແລະ ຮ່ວມມື ຢູ່ໃນພາກພື້ນ ອາຊີຕາເວັນອອກສຽງໃຕ້ ແລະ ອາຊີໃຕ້ ຕໍ່ໄປ ໂດຍຈະເນັ້ນໃສ່ ການຝຶກອົບຮົມ, ການສົ່ງກຳລັງ ແລະ ການເພີ່ມຂິດ ຄວາມສາມາດ ແລະ ອື່ນໆ./.
KPL
