KPL
ກວດພົບ ຜູ້ເສຍຊີວິດ ຢ່າງໜ້ອຍ 95 ຄົນ ແລະ ສູນຫາຍອີກ ຫລາຍສິບຄົນ ຈາກ ນໍ້າຖ້ວມ ຄັ້ງໃຫຍ່ທີ່ສຸດ ໃນຮອບ 50 ປີ. ຍ້ອນອິດທິພົນ ຈາກ ພາຍຸ ທີ່ ກໍ່ຕົວຂຶ້ນ ຢູ່ໃນທະເລ ເມດີເຕເຣນຽນ ເຮັດໃຫ້ ເກີດຝົນຕົກຢ່າງໜັກ ເລີ່ມແຕ່ ຕົ້ນອາທິດນີ້
ຂປລ. ສຳນັກຂ່າວ ຕ່າງປະເທດ, ວັນທີ 31 ຕຸລາ, ສຳນັກງານ ປ້ອງກັນ ແລະ ບັນເທົາ ສາທາລະນະໄພ ແຫ່ງ ແຄວ້ນບາເລນເຊຍ ທາງພາກຕາເວັນອອກຂອງ ແອັດສະປາຍ ລາຍງານວ່າ: ກວດພົບ ຜູ້ເສຍຊີວິດ ຢ່າງໜ້ອຍ 95 ຄົນ ແລະ ສູນຫາຍອີກ ຫລາຍສິບຄົນ ຈາກ ນໍ້າຖ້ວມ ຄັ້ງໃຫຍ່ທີ່ສຸດ ໃນຮອບ 50 ປີ. ຍ້ອນອິດທິພົນ ຈາກ ພາຍຸ ທີ່ ກໍ່ຕົວຂຶ້ນ ຢູ່ໃນທະເລ ເມດີເຕເຣນຽນ ເຮັດໃຫ້ ເກີດຝົນຕົກຢ່າງໜັກ ເລີ່ມແຕ່ ຕົ້ນອາທິດນີ້, ໃນນັ້ນ ບາງພື້ນທີ່ ມີປະລິມານ ນໍ້າຝົນ ສະສົມ ພາຍໃນ ເວລາ ບໍ່ເທົ່າໃດ ຊົ່ວໂມງ ເມື່ອທຽບເທົ່າ ໃສ່ຕົວເລກ ສະຖິຕິ ຕະຫລອດທັງປີ.
ໃນຂະນະດຽວກັນ ທາງແຄວ້ນ ກັສຕິຢາ-ລາມັນຊາ ຊຶ່ງຢູ່ ທາງພາກກາງ ແລະ ມີຊາຍແດນ ຕິດກັບແຄວ້ນ ບາເລນເຊຍ ກໍ່ກວດພົບ ຜູ້ເສຍຊີວິດຈາກ ສະພາບ ອາກາດ ຮ້າຍແຮງ ໃນຄັ້ງນີ້ . ທາງການແຄວ້ນ ອັນດາລູຊີອາ ຊຶ່ງຕັ້ງຢູ່ ທາງພາກໃຕ້ຂອງ ແອັດສະປາຍ ກໍ່ມີຜູ້ເສຍຊີວິດ ເຊັ່ນກັນ. ນອກຈາກນີ້, ທ່ານ ເປໂດຣ ຊານເຊຊ ນາຍົກ ລັດຖະມົນຕີ ແອັດສະປາຍ ໄດ້ຖະແຫລງຜ່ານ ສະຖານີໂທລະພາບ ແຫ່ງຊາດ ເພື່ອໄຫ້ວອາໄລ ທົ່ວປະເທດ ເປັນເວລາ 3 ວັນ ນັບແຕ່ ວັນທີ 31 ຕຸລານີ້, ພ້ອມທັງ ຢືນຢັນວ່າ ລັດຖະບານ ພວມເລັ່ງກອບກູ້ ສະຖານະການ ໃຫ້ສາມາດ ກັບຄືນມາ ເປັນປົກກະຕິ ໂດຍໄວທີ່ສຸດ. /
KPL
