KPL
ຂປລ. ສູນຮ່ວມມືແລກປ່ຽນພາສາຈີນ, ພາສາຕ່າງປະເທດແຫ່ງຊາດຈີນ ຮ່ວມກັບສະຖາບັນຂົງຈື ມະຫາວິທະຍາໄລແຫ່ງຊາດ ຈັດເທສະການອາຫານລາວ-ຈີນ ໃນຫົວຂໍ້ “ປະຊາຊົນຖືອາຫານເປັນເລື່ອງສໍາຄັນ” ໃນຕອນບ່າຍຂອງວັນທີ 29 ຕຸລາ 2024 ຢູ່ສະໂມສອນສະຖາບັນຂົງຈື ເຊິ່ງຜູ້ເຂົ້າຮ່ວມ ໄດ້ຊີມລົດຊາດອາຫານ ທີ່ເປັນເອກະລັກລາວ-ຈີນ, ຮູ້ຈັກຄວາມໝາຍສຳຄັນ ຂອງລາຍການອາຫານ ແລະ ຢາພື້ນເມືອງ.
ຂປລ. ສູນຮ່ວມມືແລກປ່ຽນພາສາຈີນ, ພາສາຕ່າງປະເທດແຫ່ງຊາດຈີນ ຮ່ວມກັບສະຖາບັນຂົງຈື ມະຫາວິທະຍາໄລແຫ່ງຊາດ ຈັດເທສະການອາຫານລາວ-ຈີນ ໃນຫົວຂໍ້ “ປະຊາຊົນຖືອາຫານເປັນເລື່ອງສໍາຄັນ” ໃນຕອນບ່າຍຂອງວັນທີ 29 ຕຸລາ 2024 ຢູ່ສະໂມສອນສະຖາບັນຂົງຈື ເຊິ່ງຜູ້ເຂົ້າຮ່ວມ ໄດ້ຊີມລົດຊາດອາຫານ ທີ່ເປັນເອກະລັກລາວ-ຈີນ, ຮູ້ຈັກຄວາມໝາຍສຳຄັນ ຂອງລາຍການອາຫານ ແລະ ຢາພື້ນເມືອງ.
ທ່ານ ເດຊານຸລາດ ແສນດວງເດດ ວ່າການອະທິການບໍດີມະຫາວິທະຍາໄລແຫ່ງຊາດ ໄດ້ກ່າວວ່າ: ການຈັດເທສະການອາຫານລາວ-ຈີນຄັ້ງນີ້, ເປັນກິດຈະກຳໜຶ່ງທີ່ມີ ຄວາມໝາຍຄວາມສໍາຄັນ, ເປັນ ການເປີດໂອກາດໃຫ້ນັກຮຽນ-ນັກສຶກສາ ໄດ້ສຳຜັດວັດທະນະທຳອາຫານຈີນ ທີ່ມີປະຫວັດສາດອັນຍາວນານ ແລະ ສືບທອດກັນມາຫລາຍພັນປີ, ເຊື່ອວ່ານອກຈາກລົດຊາດອາຫານທີ່ແຊບແລ້ວ ຍັງເຕັມໄປດ້ວຍວັດທະນະທຳ ທີ່ເປັນເອກະລັກຂອງເຜົ່າພື້ນເມືອງ ແລະ ແຕ່ລະທ້ອງຖິ່ນທົ່ວປະເທດຈີນ. ໃນຫລາຍປີຜ່ານມາສະຖາບັນຂົງຈື ໄດ້ດຳເນີນການຮຽນ-ການສອນພາສາຈີນ ແລະ ຈັດກິດຈະກໍາທີ່ຕິດພັນກັບ ການສົ່ງເສີມເຜີຍແຜ່ແລກປ່ຽນ ວັດທະນະທຳ ສອງຊາດລາວ-ຈີນ ຢ່າງຕັ້ງໜ້າ ແລະ ປະກອບ ສ່ວນສຳຄັນໃນການຮ່ວມມື ທີ່ເປັນມູນເຊື້ອ ລະຫວ່າງສອງປະເທດ.
ທ່ານ ຕູ້ຊາງຊິ່ງ ຫົວໜ້າຫ້ອງການການເມືອງ ສະຖານທູດຈີນ ປະຈຳລາວ ໄດ້ໃຫ້ຮູ້ວ່າ: ໃນປີ 2024 ເປັນປີຄົບຮອບ 15 ປີ ແຫ່ງການສ້າງຕັ້ງສາຍພົວພັນ ແບບຄູ່ຮ່ວມມືຍຸດທະສາດຮອບດ້ານ ລະຫວ່າງສອງຊາດ ລາວ-ຈີນ, ເປັນປີທຳອິດໃນການເລີ່ມຕົ້ນ ປະຕິບັດແຜນຮ່ວມ ຊາຕາກຳລາວ-ຈີນ ແລະ ທັງເປັນປີແລກປ່ຽນວັດທະນະທຳ ຈີນ-ອາຊຽນ. ສະຖາບັນຂົງຈື ແມ່ນຂົວເຊື່ອມຕໍ່ການຮ່ວມມືດ້ານການສຶກສາ ແລະ ວັດທະນະທຳລາວ-ຈີນ, ໃນຫລາຍປີຜ່ານມາ, ໄດ້ຝຶກອົບຮົມພາສາຈີນ ແລະ ຈັດກິດຈະກໍາວັດທະນະທຳຢ່າງຕັ້ງໜ້າ ໂດຍສະເພາະ ໄດ້ຝຶກອົບຮົມພາສາຈີນ ໃຫ້ແກ່ບຸກຄະລາກອນດ້ານພາ ສາຈີນ, ສົ່ງເສີມການແລກປ່ຽນ ດ້ານການສຶກສາ-ວັດທະນະທຳ, ຄວາມເຂົ້າໃຈເຊິ່ງກັນ ແລະ ກັນຂອງປະຊາຊົນສອງຊາດ, ໄດ້ປະກອບສ່ວນຢ່າງຕັ້ງໜ້າ ໃນການພົວພັນຮ່ວມມື ມິດຕະພາບທີ່ເປັນມູນເຊື້ອ ລະຫວ່າງສອງຊາດລາວ-ຈີນ. ການຈັດງານເທສະການ ອາຫານລາວ-ຈີນຄັ້ງນີ້, ສາມາດຊຸກຍູ້ຄວາມເຂົ້າ ໃຈເຊິ່ງກັນ ແລະ ກັນລະຫວ່າງປະຊາຊົນສອງຊາດ ຜ່ານວັດທະນະທຳອາຫານ ທີ່ເປັນເອກະລັກສະ ເພາະຂອງທັງສອງຊາດ, ເພີ່ມພູນມິດຕະພາບອັນເລິກເຊິ່ງລະຫວ່າງ ຊາວໜຸ່ມ ແລະ ປະຊາຊົນສອງຊາດລາວ-ຈີນ ແລະ ຮ່ວມກັນສົ່ງເສີມ ການແລກປ່ຽນດ້ານການສຶກສາ ແລະ ວັດທະນະທຳ ລະຫວ່າງລາວ-ຈີນໃຫ້ນັບມື້ເລິກເຊິ່ງກວ່າເກົ່າ.
ວັດທະນະທຳອາຫານຂອງຈີນ ມີປະຫວັດສາດອັນຍາວນານ, ອາຫານຈີນບໍ່ພຽງແຕ່ມີລົດຊາດແຊບເທົ່ານັ້ນ, ຫາກມີຄວາມໝາຍທາງດ້ານວັດທະນະທຳ ຂອງປະຊາຊົນຈີນບັນດາເຜົ່າຢ່າງເລິກເຊິ່ງ ໂດຍຜ່ານການຈັດງານ ວາງສະແດງເທສະການອາຫານຄັ້ງນີ້.
ຂ່າວ: ກິດຕາ
ພາບ: ນັດເວລາ
KPL
