KPL
ຂປລ. ອົງການໄອຍະການປະຊາຊົນສູງສຸດ (ອອປສ) ຈັດຝຶກອົບຮົມ ຍົກລະດັບຄວາມຮູ້ ວຽກງານລະບົບຫ້ອງການທັນສະໄໝ E-Office ໃຫ້ແກ່ພະນັກງານ ອົງການໄອຍະການປະຊາຊົນ ພາຍໃນນະຄອນຫລວງວຽງຈັນ ລະຫວ່າງ 8-11 ກໍລະກົດ 2024 ໂດຍການເປັນປະທານຮ່ວມຂອງ ທ່ານ ບຸນມາ ດວງມາລາສິນ ຮັກສາການຫົວໜ້າຫ້ອງການ ອອປສ, ທ່ານ ທະວີສັກ ມະໂນທຳ ຫົວໜ້າສູນບໍລິຫານລັດດີຈິຕອນ ກະຊວງເຕັກໂນໂລຊີ ແລະ ການສຶ່ສານ.
ຂປລ. ອົງການໄອຍະການປະຊາຊົນສູງສຸດ (ອອປສ) ຈັດຝຶກອົບຮົມ ຍົກລະດັບຄວາມຮູ້ ວຽກງານລະບົບຫ້ອງການທັນສະໄໝ E-Office ໃຫ້ແກ່ພະນັກງານ ອົງການໄອຍະການປະຊາຊົນ ພາຍໃນນະຄອນຫລວງວຽງຈັນ ລະຫວ່າງ 8-11 ກໍລະກົດ 2024 ໂດຍການເປັນປະທານຮ່ວມຂອງ ທ່ານ ບຸນມາ ດວງມາລາສິນ ຮັກສາການຫົວໜ້າຫ້ອງການ ອອປສ, ທ່ານ ທະວີສັກ ມະໂນທຳ ຫົວໜ້າສູນບໍລິຫານລັດດີຈິຕອນ ກະຊວງເຕັກໂນໂລຊີ ແລະ ການສຶ່ສານ.
ຊຸດອົບຮົມຄັ້ງນີ້, ສຳມະນາກອນຈະໄດ້ຮຽນຮູ້ກ່ຽວກັບ ສະພາບການຫັນເປັນທັນສະໄໝ ຂອງລັດຖະບານ, ລະບົບຫ້ອງການທັນສະໄໝ, ການໃຊ້ລະບົບ ແລະ ທົດລອງນຳໃຊ້ລະບົບພື້ນຖານ, ການເຂົ້າລະບົບ ແລະ ການແກ້ໄຂຂໍ້ມູນພື້ນຖານ, ການຮ່າງເອກະສານຂາເຂົ້າ, ການສ້າງແຟ້ມ ເອກະສານຂາອອກ, ການຮ່າງເອກະສານຂາອອກ, ການນຳໃຊ້ລະບົບ ຫ້ອງການທັນສະໄໝຜ່ານໂທລະສັບມືຖື, ການກວດຂໍ້ມູນ ແລະ ດຳເນີນການເອກະສານຂາເຂົ້າ ຜ່ານໂທລະສັບມືຖື, ການກວດຂໍ້ມູນ ແລະ ດຳເນີນການເອກະສານຂາອອກ ຜ່ານໂທລະສັບມືຖື ແລະ ອື່ນໆ.
ທ່ານ ບຸນມາ ດວງມາລາສິນ ໄດ້ກ່າວວ່າ: ການຈັດຊຸດຝຶກອົບຮົມຄັ້ງນີ້, ແນໃສ່ເພື່ອຍົກລະດັບຄວາມຮູ້, ຄວາມສາມາດໃນການຫັນເປັນ ລະບົບບໍລິຫານລັດຖະບານດີຈິຕອນ ເພື່ອເພີ່ມປະສິດທິພາບ ການດໍາເນີນງານຂອງລັດຖະບານ, ນໍາເອົາການບໍລິການຂອງລັດ ໄປສູ່ປະຊາຊົນ ໂດຍນໍາໃຊ້ເອເລັກໂຕຣ ນິກເປັນການສື່ສານ ໃນການໃຫ້ບໍລິການ ແນໃສ່ເຮັດໃຫ້ວຽກງານມີປະສິດທິຜົນສູງ, ມີຄວາມສະດວກ, ວ່ອງໄວ, ປອດໄພ, ໂປ່ງໃສ ແລະ ປະຢັດ. ທັງນີ້, ເພື່ອເຮັດໃຫ້ພະນັກງານ-ລັດຖະກອນ ຂອງອົງການໄອຍະການປະຊາຊົນ ສາມາດຮັບຮູ້ ແລະ ເຂົ້າໃຈກ່ຽວກັບ ລະບົບຫ້ອງການທັນສະໄໝ E-Office ຮູບແບບ ແລະ ວິທີການນໍາໃຊ້ ແລະ ໃຫ້ແກ່ການເຄື່ອນໄຫວຈັດຕັ້ງປະຕິບັດ ແຜນພັດທະນາວຽກງານອົງ ການໄອຍະການປະຊາຊົນ ຫັນເປັນທັນສະໄໝໃນອະນາຄົດ ແລະ ຫັນເປັນລັດຖະບານດີຈິຕອນ. ພ້ອມນີ້, ທ່ານຍັງເນັ້ນໃຫ້ສຳມະນາກອນ ຈົ່ງສຸມຈິດ¬ໃຈໃສ່ຮັບຟັງ, ຄົ້ນຄ້ວາ, ປະກອບຄຳເຫັນ ແລະ ປຶກສາຫາລືກັນ ຢ່າງກວ້າງຂວາງ ເພື່ອໃຫ້ເນື້ອໃນຈິດໃຈ ຂອງການສໍາມະນາຄັ້ງນີ້ ເກີດຜົນປະໂຫຍດສູງສຸດ.
ຂ່າວ: ກິດຕາ
ພາບ: ເກດສະໜາ
KPL