ຂປລ
ສະມາຄົມຄົ້ນຄວ້າ ວິສາຫະກິດ ຂະໜາດໃຫຍ່ ທົ່ວໂລກ ຂອງ ສ.ອາເມລິກາ ໄດ້ເຜີຍແຜ່ ຕົວເລກ ຂໍ້ມູນສະແດງ ໃຫ້ເຫັນວ່າ: ດັດຊະນີ ຄວາມໝັ້ນໃຈ ຂອງຜູ້ບໍລິໂພກໃນ ສ.ອາເມລິກາ ໃນເດືອນມີນານີ້ຢູ່ ລະດັບ 92,9 ເຊິ່ງຕ່ຳກວ່າ ເດືອນກຸມພາ ຜ່ານມາ ທີ່ຢູ່ລະດັບ 98,3 ກໍຄື ລະດັບ ການຄາດຄະເນ ຂອງຕະຫລາດ, ຖືວ່າໄດ້ຕົກຕ່ຳລົງ ເປັນເວລາ4ເດືອນຕິດຕໍ່ກັນ.
ຂປລ.ວິທະຍຸ ສາກົນ ແຫ່ງ ສປ ຈີນ, ສະມາຄົມຄົ້ນຄວ້າ ວິສາຫະກິດ ຂະໜາດໃຫຍ່ ທົ່ວໂລກ ຂອງ ສ.ອາເມລິກາ ໄດ້ເຜີຍແຜ່ ຕົວເລກ ຂໍ້ມູນສະແດງ ໃຫ້ເຫັນວ່າ: ດັດຊະນີ ຄວາມໝັ້ນໃຈ ຂອງຜູ້ບໍລິໂພກໃນ ສ.ອາເມລິກາ ໃນເດືອນມີນານີ້ຢູ່ ລະດັບ 92,9 ເຊິ່ງຕ່ຳກວ່າ ເດືອນກຸມພາ ຜ່ານມາ ທີ່ຢູ່ລະດັບ 98,3 ກໍຄື ລະດັບ ການຄາດຄະເນ ຂອງຕະຫລາດ, ຖືວ່າໄດ້ຕົກຕ່ຳລົງ ເປັນເວລາ4ເດືອນຕິດຕໍ່ກັນ. ໃນນີ້, ດັດຊະນີ ຄາດຄະເນ ຂອງຜູ້ບໍລິໂພກ ທີ່ສາມາດສ່ອງແສງ ໃຫ້ເຫັນເຖິງ ອະນາຄົດ ແຫ່ງລາຍຮັບ, ສະພາບແວດລ້ອມ ດ້ານການຄ້າ ແລະ ຕະຫລາດ ການປະກອບ ອາຊີບ ໃນໄລຍະສັ້ນນັ້ນ ໄດ້ຫລຸດລົງເຖິງ 65,2 ເຊິ່ງເປັນລະດັບ ຕ່ຳສຸດ ໃນຮອບ12ປີ ຜ່ານມາ. ປົກກະຕິແລ້ວ, ດັດຊະນີ ຄາດຄະເນ ຂອງຜູ້ບໍລິໂພກ ຫລຸດລົງຕ່ຳກວ່າ 80 ກໍເປັນສັນຍານ ບົ່ງບອກວ່າ ເສດຖະກິດ ຈະຊຸດໂຊມລົງ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
