ຂປລ
ເຈົ້າໜ້າທີ່ທ້ອງຖິ່ນ ແລະ ຜູ້ມີສ່ວນໄດ້ສ່ວນເສຍ ໃນພາກພື້ນພູ ໂຊໂມລັງມາ ຂອງເນປານ ມີມະຕິຫ້າມ ເຮລິກົບແຕ້ ບິນທາງການຄ້າ ໃນພາກພື້ນຕັ້ງແຕ່ວັນທີ 1 ມັງກອນ 2025 ເນື່ອງຈາກ ສົ່ງຜົນກະທົບຕໍ່ ກິດຈະກຳ ທາງເສດຖະກິດ ທ້ອງຖິ່ນ ແລະ ລົບກວນສັດປ່າ.
ຂປລ.ສຳນັກຂ່າວ ຊິນຮວາຂອງ ສປຈີນ, ເມື່ອບໍ່ດົນມານີ້, ທ່ານ ມິງມາ ຊີຣີ ເຊີຣປາ ເຈົ້າໜ້າທີ່ ເທດສະບານ ຊົນນະບົດ ຄຸມບູ ປາຊາງ ລາມູ ຂອງເນປານ ເປີດເຜີຍວ່າ: ເຈົ້າໜ້າທີ່ທ້ອງຖິ່ນ ແລະ ຜູ້ມີສ່ວນໄດ້ສ່ວນເສຍ ໃນພາກພື້ນພູ ໂຊໂມລັງມາ ຂອງເນປານ ມີມະຕິຫ້າມ ເຮລິກົບແຕ້ ບິນທາງການຄ້າ ໃນພາກພື້ນຕັ້ງແຕ່ວັນທີ 1 ມັງກອນ 2025 ເນື່ອງຈາກ ສົ່ງຜົນກະທົບຕໍ່ ກິດຈະກຳ ທາງເສດຖະກິດ ທ້ອງຖິ່ນ ແລະ ລົບກວນສັດປ່າ.
ໂດຍມີການຈັດສົ່ງ ຈົດໝາຍກ່ຽວກັບ ມະຕິດັ່ງກ່າວ ເຖິງຜູ້ໃຫ້ບໍລິການ ເຮລິກົບແຕ້ ບໍລິສັດຕົວແທນ ດ້ານການເດີນປ່າ ແລະ ເດີນທາງ ແລະ ຜູ້ປະກອບທຸລະກິດ ການທ່ອງທ່ຽວ, ພ້ອມທັງເນັ້ນໜັກວ່າ ຈຳນວນຖ້ຽວບິນ ເຮລິກົບແຕ້ ທີ່ເພີ່ມຂຶ້ນ ເຮັດໃຫ້ນັກທ່ອງທ່ຽວ ອາໄສຢູ່ ສັ້ນລົງໃນໄລຍະ ຫລາຍປີທີ່ຜ່ານມາ.
ນອກຈາກນັ້ນ ສຽງບິນດັ່ງກ່າວຂອງ ເຮລິກົບແຕ້ ຍັງລົບກວນສັດປ່າ ທີ່ອຸທະຍານ ແຫ່ງຊາດ ຊາກາຣມາທາ, ໂດຍລ້າສຸດນີ້ ບໍ່ຄວບຄຸມ ເຮລິກົບແຕ້ລຳລຽງ ສຳລັບການກູ້ໄພ ແຕ່ປະຕິບັດການ ກູ້ໄພດ້ວຍ ເຮລິກົບແຕ້ດັ່ງກ່າວ ຈະຕ້ອງຜ່ານການ ແນະນຳຈາກໂຮງໝໍ ທ້ອງຖິ່ນເທົ່ານັ້ນ./.
KPL
