ຂປລ
ເນື່ອງໃນໂອກາດ ວັນທັນຍາຫານໂລກ ໃກ້ຈະໝູນວຽນ ມາເຖິງ ໃນວັນທີ 16 ຕຸລານີ້, ທ່ານ ຊວີ່ຕົ່ງຢວີ້ ຜູ້ອຳນວຍການ ອົງການອາຫານ ແລະ ການກະເສດ ແຫ່ງອົງການ ສະຫະປະຊາຊາດ( FAO) ໄດ້ພິມບົດຄວາມ ລົງນາມ ໂດຍຮຽກຮ້ອງໃຫ້ ທົ່ວໂລກ ຈົ່ງນຳໃຊ້ ການເຄື່ອນໄຫວຕົວຈິງ, ຈັດຕັ້ງປະຕິບັດ “ສິດອາຫານ” ຢ່າງຮອບດ້ານ, ສ້າງສະພາບ ການລະບົບອາຫານ ທີ່ມີຜົນດີຕໍ່ ສຸຂະພາບ, ມີທາດບຳລຸງ ແລະ ສາມາດຊື້ໄດ້.
ຂປລ.ວິທະຍຸ ສາກົນ ແຫ່ງ ສປ ຈີນ, ເນື່ອງໃນໂອກາດ ວັນທັນຍາຫານໂລກ ໃກ້ຈະໝູນວຽນ ມາເຖິງ ໃນວັນທີ 16 ຕຸລານີ້, ທ່ານ ຊວີ່ຕົ່ງຢວີ້ ຜູ້ອຳນວຍການ ອົງການອາຫານ ແລະ ການກະເສດ ແຫ່ງອົງການ ສະຫະປະຊາຊາດ( FAO) ໄດ້ພິມບົດຄວາມ ລົງນາມ ໂດຍຮຽກຮ້ອງໃຫ້ ທົ່ວໂລກ ຈົ່ງນຳໃຊ້ ການເຄື່ອນໄຫວຕົວຈິງ, ຈັດຕັ້ງປະຕິບັດ “ສິດອາຫານ” ຢ່າງຮອບດ້ານ, ສ້າງສະພາບ ການລະບົບອາຫານ ທີ່ມີຜົນດີຕໍ່ ສຸຂະພາບ, ມີທາດບຳລຸງ ແລະ ສາມາດຊື້ໄດ້.ເນື້ອໃນບົດຄວາມຂອງ ທ່ານ ຊວີ່ຕົ່ງຢວີ້ ໄດ້ຊີ້ອອກວ່າ: ການມີອາຫານ ທີ່ພຽງພໍ ແມ່ນສິດທິມະນຸດ ຂັ້ນພື້ນຖານ ຂອງທຸກຄົນທີ່ຕັດຖິ້ມບໍ່ໄດ້. ປັດຈຸບັນ, ຍອດຈຳນວນ ການຜະລິດ ທັນຍາຫານ ໃນທົ່ວໂລກ ສາມາດລ້ຽງ ປະຊາກອນ ໃນທົ່ວໂລກໄດ້. ແຕ່ຖ້າສັງເກດເບິ່ງໂລກແລ້ວ, ມີການປະທະກັນ ແລະ ຄວາມປັ່ນປ່ວນ ເກີດຂຶ້ນ ຢ່າງບໍ່ຢຸດຢັ້ງ, ທັງເກີດໄພທຳມະຊາດ ດ້ານດິນຟ້າອາກາດ ທີ່ຮຸນແຮງຢູ່ເລື້ອຍໆ, ສະພາບ ຄວາມບໍ່ສະເໝີພາບ ກໍຄົງຕົວ ຢູ່ເປັນເວລາດົນນານ, ສິ່ງເຫລົ່ານີ້ ໄດ້ເຮັດໃຫ້ ປະຊາກອນ ປະມານ 730 ລ້ານຄົນ ຕົກຢູ່ໃນສະພາບອຶດຫີວ ມາໂດຍຕະຫລອດ.ທ່ານ ຊວີ່ຕົ່ງຢວີ້ ໄດ້ເນັ້ນໜັກຕື່ມວ່າ: ຄວນກຳນົດສິດອາຫານ ເປັນສິດທິມະນຸດ ຂັ້ນພື້ນຖານ, ລັດຖະບານ ແລະ ວົງການຕ່າງໆ ໃນສັງຄົມ ບັນດາປະເທດຕ້ອງແບກຫາບໜ້າທີ່ ຄວາມຮັບຜິດຊອບ ແລະ ພັນທະ ຂອງຕົນຢ່າງຈະແຈ້ງ, ເພື່ອທຳຄວາມພະຍາຍາມ ຮ່ວມກັນ ແນໃສ່ບັນລຸສິດ ທີ່ສູງສົ່ງດັ່ງກ່າວ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
