ຂປລ
ເຈົ້າໜ້າທີ່ ຈີນ ໃຫ້ຮູ້ວ່າ ຈະຫລວດ ທົດລອງ ຈູເກີ-3 (Zhuque-3 ) ຊຶ່ງເປັນ ຈະຫລວດ ທີ່ ສາມາດ ນຳມາໃຊ້ ຄືນໃໝ່ ຂອງ ສປຈີນ ຢູ່ສູນປ່ອຍດາວທຽມ ຈີ່ວເສວິນ ທາງພາກ ຕາເວັນຕົກສຽງເໜືອ ຂອງ ປະເທດ ເພື່ອທົດລອງ ບິນຂຶ້ນ ແລະ ລົງຈອດ ດ້ວຍໄລຍະທາງ 10 ກິໂລແມັດ ຢ່າງປະສົບຜົນສຳເລັດ
ຂປລ. ສຳນັກຂ່າວ ຊິນຮວາ ຂອງ ສປຈີນ, ວັນທີ 12 ກັນຍາ, ເຈົ້າໜ້າທີ່ ຈີນ ໃຫ້ຮູ້ວ່າ ຈະຫລວດ ທົດລອງ ຈູເກີ-3(Zhuque-3 ) ຊຶ່ງເປັນ ຈະຫລວດ ທີ່ ສາມາດ ນຳມາໃຊ້ ຄືນໃໝ່ ຂອງ ສປຈີນ ຢູ່ສູນປ່ອຍດາວທຽມ ຈີ່ວເສວິນ ທາງພາກ ຕາເວັນຕົກສຽງເໜືອ ຂອງ ປະເທດ ເພື່ອທົດລອງ ບິນຂຶ້ນ ແລະ ລົງຈອດ ດ້ວຍໄລຍະທາງ 10 ກິໂລແມັດ ຢ່າງປະສົບຜົນສຳເລັດ
ໂດຍ ແລນສະເປຊ (LandSpace) ເປັນບໍລິສັດ ຈະຫລວດ ອາວະກາດ ເອກະຊົນ ຂອງ ສປຈີນ ເປີດເຜີຍວ່າ: ການທົດລອງບີນ ຢ່າງປະສົບຜົນສຳເລັດ ຖືເປັນ ຄວາມກ້າວໜ້າ ຄັ້ງສຳຄັນ ໃນຂົງເຂດ ອາວະກາດ ເຊິ່ງການຄ້າ ຂອງ ສປຈີນ ແລະ ເປັນບາດກ້າວ ສຳຄັນ ເພື່ອຈະນຳ ໄປສູ່ ການປ່ອຍ ຈະຫລວດ ທີ່ມີ ຄວາມຈຸສູງ ຕົ້ນທຶນຕໍ່າ ແລະ ສາມາດ ໝູນໃຊ້ໃໝ່ໄດ້ ໃນອະນາຄົດ. ຂະບວນ ການທົດລອງ ປະກອບ ດ້ວຍການບິນຂຶ້ນ ການມອດເຄື່ອງຈັກ, ການລົງຈອດ ແບບມອດ ເຄື່ອງຈັກ, ການສະຕາດ ເຄື່ອງຈັກໃໝ່ ໃນລະຫວ່າງ ທີ່ ບິນ ແລະ ການລົງຈອດໄດ້ ຢ່າງປອດໄພ . ຊຶ່ງເປັນການ ສະແດງ ໃຫ້ເຫັນເຖິງ ປະສິດທິພາບ ຂອງ ການເຮັດວຽກ ທັງໝົດ ໄດ້ດຳເນີນ ໄປຕາມຂໍ້ກຳນົດ ໃນການອອກແບບ ທີ່ກຳນົດໄວ້ ແລະອື່ນໆ./
KPL
