ຂປລ
ກະຊວງ ພາຍໃນ ແລະ ສື່ສານ ຍີ່ປຸ່ນ ຈະເປີດກວ້າງ ການໜູນຊ່ວຍ ພັດທະນາ ພື້ນຖານ ໂຄງລ່າງ ຂໍ້ມູນຂ່າວສານ ໃຫ້ແກ່ ພາກພື້ນ ອາຊຽນ ໂດຍຈະໜູນຊ່ວຍບັນດາ ບໍລິສັດຂອງ ຍີ່ປຸ່ນ ຜັນຂະຫຍາຍການເຄື່ອນໄຫວ ໄປສູ່ບັນດາ ປະເທດ ໃນອາຊີ
ຂປລ.ວິທະຍຸ ກະຈາຍສຽງ ແຫ່ງຊາດ ຫວຽດນາມ, ເມື່ອບໍ່ດົນມານີ້, ກະຊວງ ພາຍໃນ ແລະ ສື່ສານ ຍີ່ປຸ່ນ ຈະເປີດກວ້າງ ການໜູນຊ່ວຍ ພັດທະນາ ພື້ນຖານ ໂຄງລ່າງ ຂໍ້ມູນຂ່າວສານ ໃຫ້ແກ່ ພາກພື້ນ ອາຊຽນ ໂດຍຈະໜູນຊ່ວຍບັນດາ ບໍລິສັດຂອງ ຍີ່ປຸ່ນ ຜັນຂະຫຍາຍການເຄື່ອນໄຫວ ໄປສູ່ບັນດາ ປະເທດ ໃນອາຊີ, ພ້ອມທັງ ເພີ່ມທະວີ ການມີໜ້າ ຢູ່ພາກພື້ນ ອາຊຽນ. ຍີ່ປຸ່ນ ຈະໜູນຊ່ວຍ ຜັນຂະຫຍາຍ ອິນເຕີເນັດ ຄວາມໄວສູງ “5G” ຢູ່ ສສ ຫວຽດນາມ ແລະ ອິນໂດເນເຊຍ.ນັບແຕ່ ປີການເງິນ 2025, ຍີ່ປຸ່ນ ຈະພັດທະນາ ບັນດາໂຄງການ ໜູນຊ່ວຍ ສສ ຫວຽດນາມ ແລະ ອິນໂດເນເຊຍ. ຫລັງຈາກ ຍີ່ປຸ່ນ ໄດ້ເຊັນບົດບັນທຶກ ຊ່ວຍຈຳກັບ ສສ ຫວຽດນາມ ກ່ຽວກັບ ການພັດທະນາ ເຄືອຂ່າຍ ອິນເຕີເນັດ ຄວາມໄວສູງ ລວມມີ 5G. ກະຊວງ ພາຍໃນ ແລະ ສື່ສານ ຍີ່ປຸ່ນ ມີແຜນການ ເລີ່ມປະຕິບັດ ການໜູນຊ່ວຍ ດ້ານພື້ນຖານ ໂຄງລ່າງ ຂໍ້ມູນຂ່າວຢູ່ ຟີລິບປິນ ແລະ ກຳປູເຈຍ ໃນປີການເງິນ 2024. ຖືການເຄື່ອນໄຫວ ໃນປີການເງິນ ແມ່ນແປ້ນຢັນ, ໜູນຊ່ວຍ ການພັດທະນາ ພື້ນຖານ ໂຄງລ່າງ ຂໍ້ມູນຂ່າວສານ ຈະໄດ້ຮັບ ການຍູ້ໄວ ນັບແຕ່ ປີການເງິນ 2025 ເປັນຕົ້ນໄປ, ດ້ວຍເປົ້າໝາຍ ນຳໃຊ້ໃນຕົວຈິງ ໃນຮອບ ເວລາ 2-3 ປີ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
