ຂປລ
ເມືອງ ເລົ່າງາມແມ່ນ ອີກເມືອງໜຶ່ງທີ່ຂຶ້ນຊື່ລືນາມ ເລື່ອງກາເຟເພາະປະຊາຊົນສ່ວນ ໃຫຍ່ຖືເອົາອາຊີບປູກກາເຟເປັນສິນຄ້າເພື່ອ ສ້າງລາຍຮັບເຊິ່ງເຂດດັ່ງກ່າວເປັນທີ່ຮັບຮູ້ສະພາບອາກາດ ແລະ ຄຸນນະພາບຂອງດິນທ່ີເອື້ອຍອໍານວຍໃຫ້ການຜະລິດຈຶ່ງເຮັດໃຫ້ຜົນ
ຜະລິດດີ, ກາເຟມີລົດຊາດແຊບ ແລະ ເປັນເອກະລັກສະເເພາະ.ຕົວຢ່າງກາເຟແກ່ນມະນີສົດ ຂອງ ທ່ານ ນາງ ກິນດາ ແກ່ນມະນີ ສົດ ບ້ານນໍ້າແບ່ງເມືອງເລົ່າງາມ ແຂວງສາລະວັນ ທີ່ກໍາລັງ ເປັນ ທີ່ນິຍົມຈາກສັງຄົມ.
*ເມືອງ ເລົ່າງາມແມ່ນອີກເມືອງໜຶ່ງທີ່ ຂຶ້ນຊື່ລືນາມ ເລື່ອງກເຟເພາະປະຊາຊົນສ່ວນ ໃຫຍ່ຖືເອົາອາຊີບປູກກາເຟເປັນສິນຄ້າເພື່ອສ້າງລາຍຮັບເຊິ່ງເຂດດັ່ງກ່າວເປັນ ທີ່ຮັບຮູ້ສະພາບອາກາດ ແລະ ຄຸນນະພາບຂອງດິນທ່ີ ເອື້ອຍອໍານວຍໃຫ້ການຜະລິດຈຶ່ງເຮັດໃຫ້ ຜົນຜະລິດດີ, ກາເຟມີລົດຊາດແຊບ ແລະ ເປັນເອກະລັກສະເເພາະ.ຕົວຢ່າງ ກາເຟແກ່ນມະນີສົດ ຂອງ ທ່ານ ນາງ ກິນດາ ແກ່ນມະນີສົດບ້ານນໍ້າແບ່ງ ເມືອງເລົ່າງາມ ແຂວງສາລະວັນ ທີ່ກໍາລັງເປັນທີນິຍົມຈາກສັງຄົມ. ທ່ານ ນາງ ກິນດາ ແກ່ນມະນີສົດ ອາຍຸ 28 ປີຊາວສວນບ້ານນໍ້າແບ່ງເມືອງເລົ່າງາມ ແຂວງສາລະວັນເປັນເຈົ້າ ຂອງກາເຟຫຍີ່ຫໍ້ແກ່ນມະນີສົດໃຫ້ຮູ້ວ່າ: ຄອບຄົວມີອາຊີບຕົ້ນຕໍເປັນຊາວສວນປູກກາເຟຂາຍເປັນຄ້າເຊິ່ງມີເນື້ອທີ່ສວນກາເຟທັງໝົດ 15 ເຮັກຕາ ໂດຍຊະນິດພັນ ທີ່ນໍາເອົາມາ ປູກປະ ກອບມີ ກາເຟກາຕີມໍ, ກາເຟກາງ ແລະ ກາເຟໂລກາຕູລາ ໂດຍແຕ່ລະປີຄອບຄົວລາວສາມາດເກັບຜົນພະລິດກາເຟໝາກແດງໄດ້ 60 ໂຕນ, ແລ້ວ ມາຜະລິດກາເຟເມັດຂົ້ວ ແລະ ບົດເປັນກາເຟຝຸ່ນທີ່ມີຊື່ວ່າ: ກາເຟແກ່ນມະນີສົດ ໄດ້ມີສາຂາຈຳໜ່າຍ ປະ ຈຳຢູ່ນະຄອນຫວງວຽງຈັນ ຈຳນວນ 5 ຮ້ານ, ນະຄອນຫລວງພະບາງ 2 ຮ້ານ, ຂາຍສົ່ງພໍ່ຄ້າໄປເຂດ ພິເສດ 3 ຫລ່ຽມຄຳ,
ຂາຍຍ່ອຍໃຫ້ແມ່ຄ້າທົ່ວໄປພາຍໃນແຂວງ ແລະຕ່າງແຂວງເຊິ່ງສາມາດສ້າງລາຍຮັບເຂົ້າຄອບຄົວຈາກການຂາຍກາເຟທັງໝົດ 690 ກີບຕໍ່ປີ.ທ່ານ ນາງ ກິນດາ ໃຫ້ຮູ້ຕື່ມອີກ ວ່າ: ນອກຈາກການປູກ ແລະ ຈຳໜ່າຍກາ ເຟສໍາເລັດຮູບ ຍັງເປີດບໍລິ ການຮ້ານ ກາເຟອີກດ້ວຍໂດຍຮ້ານຕັ້ງ ຢູ່ເມືອງເລົ່າງາມ ໂດຍໄດ້ຮັບການສະໜັບສະໜູນຊຸກຍູ້, ອຳນວຍຄວາມສະດວກຈາກພາກລັດ, ແຕ່ລະວັນໄດ້ມີລູກຄ້າມານັ່ງດື່ມຢູ່ກັບຮ້ານ ແລະ ມີຜູ້ມາຊື້ເມັດຂົ້ວກັບເຮືອນໃນແຕ່ລະວັນສາມາດຂາຍກາເຟຈອກໄດ້ບໍ່ຕໍ່າກວ່າ ຈຳນວນ 30 ຈອກຂຶ້ນໄປ ໃນລາຄາ 20.000 ກີບຕໍ່ຈອກ, ນອກນັ້ນຍັງຂາຍກາ ເຟເມັດຂົ້ວ ໄດ້ປະມານ 50 ຖົງຕໍ່ ເດືອນ ໃນລາຄາ 300.000 ກີບຕໍ່ຖົງ, ພ້ອມນີ້. ຍັງຂາຍດອກກາເຟ ແລະ ແກ່ນກາເຟເພື່ອຊົງໃສ່ນໍ້າດ່ືມອີກດ້ວຍ. ເອົາເປັນວ່າຖ້າຫາກທ່ານໃດ ໄດ້ໄປເມືອງເລົ່າງາມກໍຢ່າລືມໄປຢ້ຽມຍາມດື່ມກາເຟ ແກ່ນມະນີສົດຈາກຮ້ານກາເຟເລົ່າງາມ ໄດ້ເປີດບໍລິການທຸກໆວັນເລີ້ມແຕ່ເວລາ 7:00 ໂມງເຊົ້າ ຫາ 17:00 ໂມງ ແລງ, ສະຖານທີ່ຢູ່ດ້ານໜ້າໂຮງຮຽນ ມສ ເລົ່າງາມ.
KPL
