KPL
ຂປລ. ໃນວັນທີ 3-4 ເມສາ 2025 ນີ້, ຄອບຄົວບັນດາການນຳ ແລະ ອະດີດການນຳພັກ-ລັດ ເຂົ້າວາງພວງມາລາ ແລະ ເຊັນປຶ້ມໄວ້ອາໄລຕໍ່ການຈາກໄປຂອງ ສະຫາຍ ພົນເອກ ຄຳໄຕ ສີພັນດອນ ອະດີດປະ ທານຄະນະບໍລິຫານງານສູນກາງພັກ, ອະດີດປະທານປະເທດ ແຫ່ງ ສປປ ລາວ ທີ່ໄດ້ເຖິງແກ່ມໍລະນະກໍາ ໃນວັນທີ 2 ເມສາ 2025.
ຂປລ. ໃນວັນທີ 3-4 ເມສາ 2025 ນີ້, ຄອບຄົວບັນດາການນຳ ແລະ ອະດີດການນຳພັກ-ລັດ ເຂົ້າວາງພວງມາລາ ແລະ ເຊັນປຶ້ມໄວ້ອາໄລຕໍ່ການຈາກໄປຂອງ ສະຫາຍ ພົນເອກ ຄຳໄຕ ສີພັນດອນ ອະດີດປະ ທານຄະນະບໍລິຫານງານສູນກາງພັກ, ອະດີດປະທານປະເທດ ແຫ່ງ ສປປ ລາວ ທີ່ໄດ້ເຖິງແກ່ມໍລະນະກໍາ ໃນວັນທີ 2 ເມສາ 2025. ສະເພາະວັນທີ 3 ເມສາ ຄອບຄົວການນໍາທີ່ເຂົ້າວາງພວງມາລາ ແມ່ນຄອບຄົວຂອງ ສະຫາຍ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດ ແຫ່ງ ສປປ ລາວ.
ສ່ວນໃນຕອນເຊົ້າວັນທີ 4 ເມສາ 2025 ນີ້, ຄອບຄົວບັນດາການນຳ ແລະ ອະດີດການນຳພັກ-ລັດເຂົ້າວາງພວງມາລາ ແລະ ເຊັນປຶ້ມໄວ້ອາໄລຕໍ່ການຈາກໄປຂອງ ສະຫາຍ ພົນເອກ ຄຳໄຕ ສີພັນດອນ ປະກອບມີ: ຄອບຄົວ ສະຫາຍ ບຸນທອງ ຈິດມະນີ ກຳມະການກົມການເມືອງສູນກາງພັກ, ຜູ້ປະຈຳ ການຄະນະເລຂາທິການສູນກາງພັກ, ຮອງປະທານປະເທດ; ຄອບຄົວ ສະຫາຍ ນາງ ປານີ ຢາທໍ່ຕູ້ ກຳມະການກົມການເມືອງສູນກາງພັກ, ຮອງປະທານປະເທດ; ຄອບຄົວ ສະຫາຍ ສິນລະວົງ ຄຸດໄພທູນ ກຳມະການກົມການເມືອງສູນກາງພັກ, ປະທານສູນກາງແນວລາວສ້າງຊາດ; ຄອບຄົວ ສະຫາຍ ນາງ ອິນລາວັນ ແກ້ວບຸນພັນ ກຳມະການສູນກາງພັກ, ຮອງປະທານສູນກາງແນວລາວສ້າງຊາດ; ຄອບຄົວ ສະຫາຍ ຄຳແພງ ໄຊສົມແພງ ກຳມະການສູນກາງພັກ, ເລຂາພັກແຂວງ, ເຈົ້າແຂວງຫົວພັນ; ຄອບຄົວ ສະຫາຍ ບົວສອນ ບຸບຜາວັນ ອະດີດກຳມະການກົມ ການເມືອງສູນກາງພັກ, ອະດີດນາຍົກລັດຖະມົນຕີ ແລະ ຄອບຄົວ ສະຫາຍ ຈັນສີ ໂພສີຄຳ ອະດີດກຳມະການກົມການເມືອງສູນກາງພັກ, ອະດີດຫົວໜ້າຄະນະຈັດຕັ້ງສູນກາງພັກ.
ການວາງພວງມາລາຄັ້ງນີ້, ເພື່ອສະແດງຄວາມກະຕັັນຍູຮູ້ບຸນຄຸນ ເຖິງຄວາມງາມຄຸນດີຂອງ ສະ ຫາຍ ພົນເອກ ຄຳໄຕ ສີພັນດອນ ເຊິ່ງແມ່ນໜຶ່ງໃນການນຳຮຸ່ນທຳອິດຂອງ ພັກປະຊາຊົນປະຕິວັດລາວ, ເປັນຜູ້ນຳໃນການຈັດຕັ້ງປະຕິບັດແນວທາງປ່ຽນແປງໃໝ່ຮອບດ້ານ ມີຫລັກການຂອງພັກ ແລະ ເປັນຜູ້ ນຳທີ່ດີເດັ່ນຂອງພັກ, ຂອງຊາດ ຕະຫລອດຊີວິດຂອງເພິ່ນໄດ້ອຸທິດສະຕິປັນຍາ, ເຫື່ອແຮງ ແລະ ຄວາມເສຍສະລະຢ່າງແຮງກ້າ ເພື່ອພາລະກິດປະຕິວັດ, ເພື່ອການພັດທະນາປະເທດຊາດ ແລະ ຄວາມຢູ່ດີກິນດີໃຫ້ແກ່ປະຊາຊົນລາວບັນດາເຜົ່າ, ຜົນງານ ແລະ ຄວາມງາມຄຸນດີຂອງເພິ່ນ ຈະຢູ່ໃນຄວາມຊົງຈຳຂອງຊາວລາວບັນດາເຜົ່າ ຕະຫລອດກາລະນານ.
ຂ່າວ: ສຸກທະວີ
ພາບ: ຂັນໄຊ
KPL
