KPL
ສ້າງຄວາມຕື່ນຕາຕື່ນໃຈໃຫ້ຄົນທີ່ເຂົ້າງານແຊັດແຟຊັນໂຊ ປະຈຳປີ 2025 (Z Fashion Show 2025) ໄດ້ຈັດຂຶ້ນຢ່າງຄຶກຄື້ນ ຢູ່ສູນການຄ້າພາກຊ້ັນ ນະຄອນຫລວງວຽງຈັນ.
*ສ້າງຄວາມຕື່ນຕາຕື່ນໃຈໃຫຄົນທີ່ເຂົ້າງານແຊັດແຟຊັນໂຊ ປະຈຳປີ 2025 (Z Fashion Show 2025) ໄດ້ຈັດຂຶ້ນຢ່າງຄຶກຄື້ນ ຢູ່ສູນການຄ້າພາກຊ້ັນ ນະຄອນຫລວງວຽງຈັນ ອາທິດຜ່ານມາ ໂດຍມີ 6 ຍີ່ຫໍ້ແຟຊັນ ຊັ້ນນໍາເຂົ້າຮ່ວມ, ເຊິ່ງພາຍໃນງານມີນາງ ງາມ, ນາງແບບ, ສິລະປິນ, ນັກຮ້ອງ, ນັກສະແດງລາວທີ່ມີຊື່ສຽງ ມາຮ່ວມສະແດງ ແລະ ຍ່າງແບບໃນງານຄັ້ງນີ້ຢ່າງຍິ່ງໃຫຍ່. ງານໃນຄັ້ງນີ້, ໄດ້ຮວບລວມເອົາຍີ່ຫໍ້ດັງໃນວົງການແຟຊັ້ນລະດັບສາກົນ ເຖິງ 6 ຍີ່ຫໍ້ຊັ້ນນໍາໂດຍ ໄດ້ນຳເອົາເສື້ອຜ້າ ຫລື ຊຸດຕ່າງໆທີ່ມີຄວາມສະຫງ່າງາມ, ທັນສະໄໝຫລາຍແບບ, ຫລາຍສະຕາຍມາສະແດງພາຍໃນງານເຊິ່ງເປັນການບອກເລົ່າເຖິງວັດທະນະທຳການນຸ່ງຖືແບບປະຍຸກ, ແບບໃໝ່ໆແຫ່ງການປ່ຽນແປງໃໝ່ກໍຄືຍຸກ ປັດຈຸບັນ.
ທ່ານ ບິວ ຄໍາມົງຄຸນ ປະທານຈັດງານແຊັດແຟຊັນໂຊ ປະຈຳປີ 2025 ໃຫ້ຮູ້ວ່າ: ສໍາລັບງານໃນຄັ້ງມີຮ້ານເສື້ອ 6 ຍີ່ຫໍ້ທີ່ມີຊື່ສຽງທີ່ກໍາລັງໄດ້ຮັບຄວາມນິຍົມນໍາເອົາເຄື່ອງນຸ່ງມາສະແດງເປັນຕົ້ນແມ່ນ: Omme 20 ຊຸດ, JATAVA 20 ຊຸດ, PAMAI 20 ຊຸດ, THAVETH 10 ຊຸດ, ANNITA Studios 20 ຊຸດ ແລະ DADA Fashion Hmong 20 ຊຸດ. ພ້ອມທັງຜູ້ທີ່ໃຫ້ການສະໜັບສະໜູນ ຄື: ແບຣນ PHRAYA, Blend 285, ຄລີນິກຄວາມງາມ newseoul, Laochaloensin LedLigth Sound, MNV. ພິເສດ ໃນງານຄັ້ງນີ້, ມີມີສຢູນິເວີຣ ລາວ ປະຈຳປີ 2022 (Miss Universe Laos 2022) ກໍຄື ນາງ ປ່າເຢັ້ງຊາ ລໍ່ ມາຮ່ວມຍ່າງແບບ ແລະ ມີການສະແດງຕ່າງໆຈາກນັກຮອງ, ນັກສະແດງທີ່ມີຊື່ສຽງໃນ ສປປ ລາວ ຢ່າງຄຶກຄຶ້ນ. ງານ Z Fashion Show 2025 ເປັນການເປີດໂອກາດໃຫ້ເຈົ້າຂອງຍີ່ຫໍ້ແຟຊັນ ເຄື່ອງນຸ່ງຫົ່ມ ແລະ ນັກອອກແບບໃນລາວ ໄດ້ສະແດງຜົນງານການອອກແບບ ເຄື່ອງນຸ່ຫົ່ມທີ່ທັນຕາມຍຸກຕາມສະໄໝ ໃຫ້ສັງຄົມທັງພາຍໃນ ແລະ ຕ່າງປະທດໄດ້ຮັບຮູ້ ແຟຊັນລາວກໍ່ບໍ່ແພ້ຊາດໃດໃນໂລກ.
ໂດຍ: ມາລີດາ
KPL
