KPL
ປັດຈຸບັນນີ້ ຜະລິດຕະພັນລາວປະເພດເຂົ້າໜົມ ເປັນອີກຜະລິດຕະພັນໜຶ່ງຂອງຄົນລາວທີ່ພວມໄດ້ຮັບຄວາມນິຍົມຈາກສັງຄົມນັບມ້ືນັບເພີ່ມຂຶ້ນ.
*ປັດຈຸບັນນີ້ ຜະລິດຕະພັນລາວປະເພດເຂົ້າໜົມ ເປັນອີກຜະລິດຕະພັນໜຶ່ງຂອງຄົນລາວທີ່ພວມໄດ້ຮັບຄວາມນິຍົມຈາກສັງຄົມນັບມ້ືນັບເພີ່ມຂຶ້ນ ເຊິ່ງຈຸດນີ້ ເປັນສິ່ງທີ່ດີທ່ີສັງຄົມລາວເຮົາ ເລືອກກິນເລືອກໃຊ້ສິນຄ້າລາວ ເພື່ອຫລຸດຜ່ອນການນໍາເຂົ້າສິນຄ້າຈາກຕ່າງປະເທດໃນອະນາຄົດ ແນວໃດກໍດີເມື່ອເວົ້າເຖິງເຂົ້າໜົມລາວ. ມື້ນີ້ , ຄໍລໍ້າສົ່ງເສີມທຸລະກິດຈະພາບັນດາທ່ານ ມາຮູ້ຈັກກັບຜະລິດຕະພັນເຂົ້າໜົມລາວ ເປັນອີກສິນຄ້າໜຶ່ງທ່ີຄອງໃຈລູກຄ້າທົ່ວປະເທດ.
ທ່ານນາງ ກຸລາບ ແສງພະຈັນ ເຈົ້າຂອງຜະລິດຕະພັນຍີ່ຫໍ່ ເຂົ້າໜົມລາວໃຫ້ຮູ້ວ່າ: ກ່ອນຈະມາເຮັດຜະລິດຕະພັນເຂົ້າໜົມລາວ ແມ່ນເຄີຍຂາຍໜົມໂລຕີສາຍໄໝມາກ່ອນຊື້ວ່າ: ສະຫວີດໂຣດ ແລະ ກໍ່ເຮັດໂລຕີແຊ່ແຂງຊື່ໂລຕິລາມາເປັນເວລາຫລາຍປີຈຶ່ງມີແນວຄວາມຄິດຢາກເຮັດຜະລິດຕະພັນທີ່ສາມາດວາງຂາຍຕາມທ້ອງຕະຫລາດທີ່ຢູ່ໄດ້ດົນຂຶ້ນ ກໍເລີຕັດສິນໃຈເຮັດເຂົ້າໜົມໃນປີ 2022 ເພາະຕົນເອງ ເປັນຄົນມັກກິນອາຫານຫວານຢູ່ແລ້ວອີກຢ່າງກໍຢາກສ້າງຜະລິດຕະພັນໃດໜຶ່ງທີ່ເປັນຂອງຄົນລາວ ທີ່ສາມາດສົ່ງອອກໄດ້ໃນອະນາຄົດ. ສໍາລັບຜະລິດຕະພັນເຂົ້າລາວມີຢູ່ 34 ຜະລິດຕະພັນຄືເຂົ້າໜົມໄຂ່ຊິບຟອນ, ປັງຮ໋ອກໄກໂດ, ເຂົ້າໜົມປັງທອງຄໍາ , ເຂົ້າໜົມເຄັກ ແລະ ອື່ນໆ ເຊິ່ງປັດຈຸບັນ ຖືວ່າເປັນທີ່ຍອມຮັບຫລາຍກວ່າເມື່ອກ່ອນຫລາຍເຊິ່ງຕ່າງຈາກເມື່ອກ່ອນຕອນເລີ່ມຕົ້ນຈໍາໜ່າຍໃໝ່ໆ ບັນດາຮ້ານຄ້າບໍ່ຢາກຮັບຂາຍຍ້ອນເປັນສິນຄ້າໃໝ່ ແລະ ເປັນສິນຄ້າຂອງຄົນລາວເຊິ່ງຄົນລາວ ທີ່ຈະຍອມຮັບສິນຄ້າລາວແມ່ນຍາກ ສະນັ້ນ, ຕ້ອງເຮັດການຕະຫລາດວ່າຈະເຮັດແນວໃດໃຫ້ສິນຄ້າໄດ້ຄຸນນະພາບ, ສອງການຫຸ້ມຫໍ່ຕ້ອງມີຄວາມໂດດເດັ່ນເພື່ອເຮັດໃຫ້ບັນດາ ຮ້ານຄ້າຕ່າງໆສົນໃຈຢາກຂາຍ ແຕ່ປັດຈຸບັນໄດ້ຮັບຄວາມສົນໃຈຫລາຍການຈໍາໜ່າຍ ຂາຍຕາມມິນີມາກ ,ຊຸບເປີມາເກັດເຖິງ 621 ຮ້ານ ທົ່ວປະເທດລວມທັງຮ້ານຄ້າອອນລາຍ .
ທ່ານນາງ ກຸລາບ ເວົ້າຕື່ມວ່າ: ສໍາລັບຄວາມທ້າຂອງການເຮັດຜະລິດຕະພັນລາວ ແມ່ນສິນຄ້າລາວຍັງບໍ່ຖືກຍອມຮັບຈາກສັງຄົມລາວ. ສະນັ້ນ, ຕ້ອງໄດ້ຮຽນຮູ້ເລື່ອງຕ່າງໆເປັນຕົ້ນການຄິດສູດ, ການເລືອກ ວັດຖຸດິບທີ່ມີຄຸນນະພາບເພື່ອໃຫ້ໄດ້ຜົນຕອບຮັບທີ່ດີ ໃຫ້ລູກຄ້າ ປະທັບໃຈກິນແລ້ວຢາກກິນອີກ ເພື່ອເຮັດໃຫ້ຜະລິດຕະພັນລາວມີຄວາມຍືນຍົງກໍຕ້ອງໄດ້ເບິ່ງວ່າ ສັມຄົມນິຍົມສິນຄ້າໃດເຮົາກໍຕ້ອງສົ່ງເສີມສິນຄ້ານັ້ນໃຫ້ຫລາຍຂຶ້ນ ແຕ່ຕ້ອງເຮັດໃຫ້ແຕກຕ່າງ. ແນວໃດກໍດີ ສໍາລັບອານາຄົດແມ່ນຢາກໃຫ້ມີແຟນຊາຍ ຫລື ເວົ້າການຈຸດກະຈ່ຍສິນຄ້າຂອງເຂົ້າໜົມລາວ ໃຫ້ຫລາຍຂຶ້ນທັງພາຍໃນ ແລະ ຕ່າງປະເທດ.
ໂດຍ: ມາລີດາ
KPL
