*ເສັ້ນທາງສາຍໄໝ, ບໍ່ພຽງແຕ່ເປັນເສັ້ນທາງເທົ່ານັ້ນ, ຍັງເປັນເຄືອຂ່າຍທີ່ມີອົງປະກອບຂອງເສັ້ນທາງການຄ້າ ແລະ ການແລກປ່ຽນວັດທະນະທຳຫລາຍເສັ້ນເຂົ້າດ້ວຍກັນ. ເສັ້ນທາງດັ່ງກ່າວ, ໄດ້ເຊື່ອມຕໍ່ກັບອາຊຽນ, ເອີຣົບ ແລະ ອາຟຣິກາ, ເຮັດໃຫ້ຜູ້ຄົນໃນ ແຕ່ລະປະເທດໄດ້ແລກປ່ຽນສິນຄ້າ ແລະ ເລື່ອງລາວຕ່າງໆນຳກັນໄດ້. 

    ເສັ້ນທາງສາຍໄໝ ມີຫລາຍເສັ້ນແຕ່ລະເສັ້ນ ເຊິ່ງທີ່ມີຊື່ສຽງທີ່ສຸດຄືເລີ່ມຕົ້ນຈາກປະເທດຈີນ, ຜ່ານອາຊີກາງໄປເຖິງທະເລເມດີເຕລາເນ. ເສັ້ນທາງນີ້ ມີທະເລຊາຍ, ພູສູງ ແລະ ທົ່ງຫຍ້າທີ່ມີຄວາມງົດງາມພໍ່ຄ້າແມ່ຄ້າຕ້ອງຜ່າຫລາຍປະເທດ ເຊິ່ງເສັ້ນທາງສາຍໄໝບໍ່ພຽງແຕ່ເປັນເສັ້ນທາງການຄ້າເທົ່ານັ້ນ, ແຕ່ຍັງເປັນຂົວຕໍ່ໃຫ້ກັບການແລກປ່ຽນວັດທະນະທໍາ ແລະ ຄວາມຮູ້, ພາສາ, ສາສະໜາ, ສິລະປະ ແລະ ວິທະຍາສາດທີ່ແຕກຕ່າງລ້ວນແຕ່ເຜີຍແຜ່ຜ່ານເສັ້ນທາງໄປສູ່ປະເທດອື່ນໆໃນແດນໄກ.

    ເສັ້ນທາງສາຍໄໝ ເປັນເສັ້ນທາງເພື່ອແລກປ່ຽນການຄ້າຂາຍ ແລະ ແລກປ່ຽນວັດທະນະທໍານໍາ ກັນທັງເປັນການເຊື່ອມໂຍງຄວາມສີວິໄລລະຫວ່າງອາຊຽນ-ຢູໂຣບ-ອາຟຣິກາ ຈຶ່ງກາຍມາເປັນເສັ້ນທາງສາຍໄໝທີ່ທົ່ວໂລກຮູ້ຈັກດີ. ນໍ້າໃຈຂອງເສັ້ນທາງສາຍໄໝຄື ສັນຕິພາບ ແລະ ການຮ່ວມມື, “ການເປີດກວ້າງ ແລະ ເຊື່ອມໂຍງກັນ, ຮຽນຮູ້ ແລະ ໄດ້ຮັບຜົນປະໂຫຍດຮ່ວມກັນ” ມັນໄດ້ແຜ່ວິວັດທະນາການຈາກຮຸ່ນສູ່ຮຸ່ນໄດ້ປະກອບສ່ວນສ້າງຄວາມຜາສຸກ ແລະ ການພັດທະນາໃຫ້ປະເທດຕ່າງໆທີ່ຕັ້ງຢູ່ຕາມລຽບເສັ້ນທາງຢ່າງ ຫລວງຫລາຍ.

    ເສັ້ນທາງສາຍໄໝ ມີອິດທິພົນຕໍ່ໂລກຢ່າງຫລວງຫລາຍ, ມັນໄດ້ຊ່ວຍໃຫ້ຜູ້ຄົນແຕ່ລະສະຖານທີ່ໃຫ້ເຂົ້າໃຈເຊິ່ງກັນ ແລະ ກັນ, ຍັງສົ່ງເສີມການພັດທະນາຂອງໂລກ. ມາຮອດປັດຈຸບັນ, ພວກເຮົາຍັງພົບເຫັນອິດທິພົນຂອງເສ້ັນທາງສາຍໄໝ ທີ່ຍັງຄົງຢູ່ເຊ່ັນ: ສິລະປະ, ພາສາ, ອາຫານ ແລະ ອື່ນໆ. ເຖິງວ່າ ສາຍທາງສາຍໄໝບູຮານຈະບໍ່ຄືເກົ່າອີກຕໍ່ໄປແລ້ວ, ແຕ່ຈິດວິນຍານຂອງມັນຍັງຄົງຢູ່. ໃນປັດຈຸບັນ, ພວກເຮົາໄດ້ນໍາໃຊ້ອິນເຕີເນັດ, ຍົນ ແລະ ວິທີການອື່ນໆໃນການແລກປ່ຽນ ແລະ ຄ້າຂາຍໃນທົ່ວໂລກ ກໍຄືເສັ້ນທາງສາຍໄໝໃນປັດຈຸບັນ.

           ໂດຍ: ກິດຕາ

KPL