KPL
ຂປລ. ກົມໃຫຍ່ການເມືອງກອງທັບ ຈັດປາຖະກະຖາ ວັນຊາດ ທີ 2 ທັນວາ ຄົບຮອບ 49 ປີ (2/121975-2/12/2024) ໃນວັນທີ 29 ພະຈິກ 2024 ໂດຍການປາຖະກະຖາຂອງ ສະຫາຍ ພົນຕີ ສອນທອງ ພົມລາວົງ ຮອງຫົວໜ້າກົມໃຫຍ່ການເມືອງກອງທັບ, ມີບັນດາກົມ, ກອງ ແລະ ພະນັກງານ-ນັກຮົບ ທົ່ວກົມໃຫຍ່ການເມືອງກອງທັບ ເຂົ້າຮ່ວມ.
ຂປລ. ກົມໃຫຍ່ການເມືອງກອງທັບ ຈັດປາຖະກະຖາ ວັນຊາດ ທີ 2 ທັນວາ ຄົບຮອບ 49 ປີ (2/121975-2/12/2024) ໃນວັນທີ 29 ພະຈິກ 2024 ໂດຍການປາຖະກະຖາຂອງ ສະຫາຍ ພົນຕີ ສອນທອງ ພົມລາວົງ ຮອງຫົວໜ້າກົມໃຫຍ່ການເມືອງກອງທັບ, ມີບັນດາກົມ, ກອງ ແລະ ພະນັກງານ-ນັກຮົບ ທົ່ວກົມໃຫຍ່ການເມືອງກອງທັບ ເຂົ້າຮ່ວມ.
ໂອກາດນີ້, ສະຫາຍ ພົນຕີ ສອນທອງ ພົມລາວົງ ໄດ້ຍົກໃຫ້ເຫັນຄວາມໝາຍສຳຄັນ ແລະ ມູນເຊື້ອອັນອົງອາດກ້າຫານຂອງບັນພະບູລຸດ ຂອງປວງຊົນລາວບັນດາເຜົ່າ ພາຍໃຕ້ການນຳພາ ຂອງພັກປະຊາຊົນ ປະຕິວັດລາວ ໄດ້ສາມັກຄີກັນຕໍ່ສູ້ຢ່າງພິລະອາດຫານ ຕ້ານການຮຸກຮານ ແລະ ການປົກຄອງຂອງ ຈັກກະພັດລ່າເມືອງຂຶ້ນ ແບບເກົ່າ ແລະ ແບບໃໝ່ ສາມາດປົດປ່ອຍປະເທດຊາດໄດ້ຢ່າງມີໄຊ ແລະ ສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຂຶ້ນຢ່າງສະຫງ່າຜ່າເຜີຍໃນວັນທີ 2 ທັນວາ 1975; ວັນທີ 2 ທັນວາ ແມ່ນວັນທີ່ມີຄວາມໝາຍ ຄວາມສຳຄັນສຳລັບທົ່ວພັກ, ທົ່ວລັດ ແລະ ທົ່ວປວງຊົນລາວທັງຊາດ, ແມ່ນວັນແຫ່ງໄຊຊະນະ ອັນຍິ່ງໃຫຍ່ໃນປະຫວັດສາດ ແຫ່ງການຕໍ່ສູ້ເປັນພັນໆປີ ຂອງຊາດລາວ ທີ່ປະຊາຊົນລາວບັນດາເຜົ່າ ໄດ້ມີອິດສະຫລະພາບ ແລະ ເປັນເຈົ້າຂອງປະເທດຢ່າງແທ້ຈິງ, ເປັນວັນແຫ່ງການກ້າວສູ້ຍຸກສະໄໝໃໝ່ ແຫ່ງສັນຕິພາບ ເອກະລາດ ປະຊາທິປະໄຕ ເອກະພາບ ວັດທະນະຖາວອນ ແລະ ມີຜົນສຳເລັດ ໃນການປົກປັກຮັກສາ ແລະ ສ້າງສາພັດທະນາປະເທດຊາດ. ໃນຕະຫລອດໄລຍະ 49 ປີທີ່ ແຫ່ງການປົກປັກຮັກສາ ແລະ ສ້າງສາພັດທະນາປະເທດຊາດ ໄດ້ເຕີບໃຫຍ່ເຂັ້ມແຂງ ດ້ານການເມືອງ, ເສດຖະກິດ, ວັດທະນາທຳ-ສັງຄົມ ແລະ ການຕ່າງປະເທດ ນັບມື້ຂະຫຍາຍຕົວດີຂຶ້ນເປັນກ້າວໆ ໃນເວທີປະຊາຄົມໂລກ.
ການປາຖະກະຖາໃນຄັ້ງນີ້, ກໍເພື່ອເປັນການສຶກສາອົບຮົມ ການເມືອງ-ນຳພາແນວຄິດ ໃຫ້ພະນັກງານ-ນັກ ຮົບທົ່ວທົ່ວກົມໃຫຍ່ການເມືອງກອງທັບ ກໍາໄດ້ເນື້ອໃນ, ຄວາມໝາຍ ຄວາມສຳຄັນ ຂອງວັນຊາດທີ 2 ທັນວາ ເຊິ່ງເປັນວັນປະຫວັດສາດ ອັນສຳຄັນຂອງຊາດ, ຂອງພັກ ແລະ ເປັນການຮ່ຳຮຽນເອົາ ແບບຢ່າງຄຸນງາມ ຄວາມດີ, ຄຸນສົມ ບັດ, ສິນທຳປະຕິວັດຂອງນັກປະຕິວັດ, ທາດແທ້ມູນເຊື້ອປະຕິວັດ, ຄວາມຈົງຮັກພັກດີອັນສູງສົ່ງ, ຄວາມເດັດໜຽວ ແໜ້ນອັນສະຫລາດສ່ອງໃສ, ແບບແຜນການນຳພາ-ບັນຊາ ແລະ ແບບແຜນດຳລົງຊີວິດທີ່ປອດໃສ, ບົດຮຽນອັນລ້ຳຄ່າ ແລະ ພ້ອມກັນເສີມສ້າງມູນເຊື້ອຂອງຊາດຂອງພັກ ກໍຄື ພາລະກິດປົກ ປັກຮັກສາ ແລະ ສ້າງສາພັດທະນາປະເທດຊາດ ໃຫ້ຈະເລີນຮຸ່ງເຮືອງຕະຫລອດໄປ.
ຂ່າວ: ສົມຫວັງ
ພາບ: ຂັນໄຊ
KPL
