KPL
ທ່ານ ອາເລັກຊານເດີຣ ໂນວັດ ຮອງນາຍົກ ລັດຖະມົນຕີ ຣັດເຊຍ ກ່າວວ່າ: ຣັດເຊຍ ຈະຂະຫຍາຍ ເວລາ ປັບຫລຸດ ການຜະລິດ ນໍ້າມັນ ໂດຍ ສະໝັກໃຈລົງ 500.000 ຖັງຕໍ່ວັນ ໄປຈົນເຖິງ ທ້າຍປີ 2024
ຂປລ. ສຳນັກຂ່າວ ຊິນຮວາຂອງ ສປຈີນ, ວັນທີ 6 ເດືອນມິຖຸນາ, ທ່ານ ອາເລັກຊານເດີຣ ໂນວັດ ຮອງນາຍົກ ລັດຖະມົນຕີ ຣັດເຊຍ ກ່າວວ່າ: ຣັດເຊຍ ຈະຂະຫຍາຍ ເວລາ ປັບຫລຸດ ການຜະລິດ ນໍ້າມັນ ໂດຍ ສະໝັກໃຈລົງ 500.000 ຖັງຕໍ່ວັນ ໄປຈົນເຖິງ ທ້າຍປີ 2024 , ໂດຍເປັນ ມາດຕະການ ປ້ອງກັນລ່ວງໜ້າ ພາຍໃຕ້ການ ປະສານງານ ກັບ ກຸ່ມປະເທດ ທີ່ເຂົ້າຮ່ວມ ຂໍ້ຕົກລົງ ໂອເປກພລັສ (OPEC+) ຊຶ່ງໄດ້ ປະກາດ ການປັບຫລຸດ ໂດຍສະໝັກໃຈນີ້ ໃນເດືອນເມສາ. ໃນກອງປະຊຸມ ໂອເປກພລັສ ໄດ້ກຳນົດໂກຕ້າ ການຜະລິດ ນໍ້າມັນ ຂອງ ຣັດເຊຍ ໄວ້ 9,828 ລ້ານຖັງ ຕໍ່ວັນ. ເຖິງແມ່ນວ່າ ຣັດເຊຍ ໄດ້ຢືນຢັນວ່າ ຕົວເລກນີ້ ບໍ່ໄດ້ນັບລວມ ການປັບຫລຸດ. ສະນັ້ນ ຣັດເຊຍ ຈຶ່ງຈະຫລຸດ ການຜະລິດເຫລືອ 9,328 ລ້ານຖັງ ຕໍ່ວັນ ໃນປີ 2024. ໂດຍ ມະຕິຂອງ ໂອເປກພລັສ ໃນການຂະຫຍາຍ ເວລາ ຂໍ້ຕົກລົງ ປັດຈຸບັນ ໄປຈົນເຖິງ ປີ 2024 ແລະ ການຫລຸດ ກຳລັງການ ຜະລິດ ນໍ້າມັນ ຂອງ ບາງປະເທດ ຈະເຮັດໃຫ້ ຫລາຍຝ່າຍ ສາມາດ ຄາດການ ທ່າອຽງ ຕະຫລາດໄດ້ ຫລາຍຂຶ້ນ ໃນໄລຍະ 18 ເດືອນຕໍ່ໜ້າ.
KPL
