KPL
ຣັດເຊຍ ແລະ ກາຊັກສະຖານ ມີວົງເງິນ ການຄ້າ ຮ່ວມກັນ ບັນລຸ ຫລາຍກວ່າ 20 ຕື້ໂດລາ ສະຫະລັດ ໃນໄລຍະ 9ເດືອນ ຂອງປີນີ້.
ຂປລ.ວິທະຍຸ ກະຈາຍສຽງ ຫວຽດນາມ, ຣັດເຊຍ ແລະ ກາຊັກສະຖານ ມີວົງເງິນ ການຄ້າ ຮ່ວມກັນ ບັນລຸ ຫລາຍກວ່າ 20 ຕື້ໂດລາ ສະຫະລັດ ໃນໄລຍະ 9ເດືອນ ຂອງປີນີ້. ຂະນະທີ່ ຣັດເຊຍ ແມ່ນໜຶ່ງ ໃນບັນດາ ຄູ່ຮ່ວມມື ດ້ານເສດຖະກິດ ແລະ ການຄ້າ ໃຫຍ່ທີ່ສຸດຂອງ ກາຊັກສະຖານ ດ້ວຍວົງເງິນ ການຄ້າ ປີ 2023 ບັນລຸ 28,4 ຕື້ໂດລາ ສະຫະລັດ. ດັ່ງນັ້ນ ໃນລະຫວ່າງ ວັນທີ 27-28 ພະຈິກນີ້ ທ່ານ ວາລາດີເມຍ ປູຕິນ(Vladimir Putin), ປະທານາທິບໍດີ ຣັດເຊຍ ເດີນທາງຢ້ຽມຢາມ ກາຊັກສະຖານ ຢ່າງເປັນທາງການ ແລະ ໄດ້ພົບປະກັບ ທ່ານ ກາຊິມ ໂຈມາດ ໂຕກາເຢຟ(Kassym-Jomart Tokayev),ປະທານາທິບໍດີ ກາຊັກສະຖານ ເພື່ອປະກອບສ່ວນ ພັດທະນາ ການຮ່ວມມື ໃນຫລາຍດ້ານ ລະຫວ່າງ ສອງ ປະເທດ ໃຫ້ຫລາຍກວ່າເກົ່າ ໂດຍສະເພາະ ເພີ່ມທະວີ ການຮ່ວມມື ໃນຂົງເຂດ ເສດຖະກິດ-ການຄ້າ ແລະ ການຮ່ວມມື ໃຫ້ຫລາຍຍິ່ງຂຶ້ນ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
