KPL
ສຳນັກຂ່າວ ຟີລິບປິນ ເປີດເຜີຍວ່າ: ໜີ້ສິນ ຂອງ ປະເທດນີ້ ໄດ້ເພີ່ມຂື້ນເປັນ 14,79 ພັນຕື້ເປໂຊ ເມື່ອຄິດໄລ່ເຖິງ ທ້າຍເດືອນ ມັງກອນ ເພີ່ມຂື້ນ 1,19% ຈາກໜີ້ຄ້າງ ທັງໝົດ ທີ່ ບັນທຶກໄວ້ ເມື່ອທ້າຍເດືອນ ທັນວາ ປີ 2023.
ຂປລ. ສຳນັກຂ່າວ ຊິນຮວາ ຂອງ ສປຈີນ, ວັນທີ 5 ເດືອນມີນາ, ສຳນັກຂ່າວ ຟີລິບປິນ ເປີດເຜີຍວ່າ: ໜີ້ສິນ ຂອງ ປະເທດນີ້ ໄດ້ເພີ່ມຂື້ນເປັນ 14,79 ພັນຕື້ເປໂຊ ເມື່ອຄິດໄລ່ເຖິງ ທ້າຍເດືອນ ມັງກອນ ເພີ່ມຂື້ນ 1,19% ຈາກໜີ້ຄ້າງ ທັງໝົດ ທີ່ ບັນທຶກໄວ້ ເມື່ອທ້າຍເດືອນ ທັນວາ ປີ 2023. ສາເຫດຕົ້ນຕໍ ໍແມ່ນມາຈາກ ໜີ້ສິນ ໃນເດືອນມັງກອນ ເພີ່ມຂື້ນ ຈາກ ລະດັບເດືອນຜ່ານມາ ເພາະວ່າ ການອອກຫລັກຊັບ ສຸດທິ ພາຍໃນປະເທດ ແລະ ມູນຄ່າເງິນ ເປໂຊ ໄດ້ອ່ອນຄ່າລົງ. ໃນນັ້ນ 31,29% ມາຈາກ ແຫລ່ງພາຍນອກ ປະເທດ. ໃນຂະນະທີ່ 68,71 % ເປັນໜີ້ສິນ ຈາກການກູ້ຢືມ ພາຍໃນ ປະເທດ. ທັງນີ້ ໜີ້ສິນຕ່າງ ປະເທດ ຂອງ ຟີລິບປິນ ລວມມີ ມູນຄ່າ 4,63 ພັນຕື້ເປໂຊ, ເປັນຕົວເລກເພີ່ມຂຶ້ນ ເມື່ອທຽບໃສ່ ເດືອນທັນວາ ຜ່ານມາ. ນອກນີ້ ການຊຳລະເງິນ ກູ້ຢືມຕ່າງປະເທດ ທັງໝົດ ລວມມີມູນຄ່າ 8,54 ໝື່ນລ້ານ ເປໂຊ, ສົ່ງຜົນໃຫ້ ການຊໍາລະຄືນ ສຸດທີ 2,35 ໝື່ນລ້ານເປໂຊ ໃນເດືອນມັງກອນ./
KPL
