KPL
ບັນດາ ການນຳ ສະຫະພັນ ເສດຖະກິດ ອາຊີ-ເອີຣົບ (EAEU) ໄດ້ໃຫ້ສັດຕະຍາບັນ ສັນຍາ ການຄ້າເສລີ (FTA) ລະຫວ່າງ EAEU ແລະ ອີຣານ ທີ່ໄດ້ລົງນາມ ໃນປີ 2023 ຢ່າງເປັນທາງການ.
ຂປລ.ວິທະຍຸ ກະຈາຍສຽງ ຫວຽດນາມ, ບັນດາ ການນຳ ສະຫະພັນ ເສດຖະກິດ ອາຊີ-ເອີຣົບ (EAEU) ໄດ້ໃຫ້ສັດຕະຍາບັນ ສັນຍາ ການຄ້າເສລີ (FTA) ລະຫວ່າງ EAEU ແລະ ອີຣານ ທີ່ໄດ້ລົງນາມ ໃນປີ 2023 ຢ່າງເປັນທາງການ. ແຈ້ງການນີ້ ໄດ້ປະກາດ ໃນເວັບໄຊ ຢ່າງທາງການ ຂອງວັງ Kremlin ເມື່ອບໍ່ດົນມານີ້. ສຳລັບ ການໃຫ້ສັດຕະຍາບັນ ສັນຍາ ການຄ້າ ເສລີ ໄດ້ສ້າງຂີດໝາຍ ກ້າວເດີນສຳຄັນ ໃນການພົວພັນ ຮ່ວມມື ດ້ານເສດຖະກິດ ລະຫວ່າງ EAEU ແລະ ອີຣານ. ຄາດວ່າ ຂໍ້ຕົກລົງນີ້ ຈະຊຸກຍູ້ ກະແສການຄ້າ ແລະ ການລົງທຶນ ລະຫວ່າງ ສອງຝ່າຍ, ພ້ອມທັງເປີດກວ້າງ ບັນດາກາລະໂອກາດ ຮ່ວມມື ດ້ານເສດຖະກິດ ໃນຫລາຍຂົງເຂດ ທີ່ແຕກຕ່າງກັນ.ນອກນັ້ນ, EAEU ກໍ່ເຫັນດີ ເປັນເອກະພາບ ສະໜອງ ຂໍ້ກຳນົດ ກ່ຽວກັບ ນັກສັງເກດ ການໃຫ້ແກ່ ອີຣານ ໃນອົງການນີ້, ສ້າງໂອກາດໃຫ້ ອີຣານ ເຂົ້າຮ່ວມບັນດາ ການເຄື່ອນໄຫວ ແລະ ຂໍ້ລິເລີ່ມຂອງ ສະຫະພັນ ຢູ່ລະດັບ ຍຸດທະສາດ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
