KPL
ສປ ຈີນ ມີແຜນການສ້າງ ແລະ ປັບປຸງທາງຫລວງ ຢູ່ຊົນນະບົດ 105.000 ກິໂລແມັດ ເພື່ອຕອບສະໜອງ ຄວາມຕ້ອງການ ດ້ານການເດີນທາງ ຂອງປະຊາຊົນ ໃຫ້ດີກວ່າເກົ່າ.
ຂປລ.ວິທະຍຸ ສາກົນ ແຫ່ງ ສປ ຈີນ, ວັນທີ 27 ທັນວານີ້, ກະຊວງ ຄົມມະນາຄົມ ແລະ ຂົນສົ່ງຈີນ ເປີດເຜີຍວ່າ: ສປ ຈີນ ມີແຜນການສ້າງ ແລະ ປັບປຸງທາງຫລວງ ຢູ່ຊົນນະບົດ 105.000 ກິໂລແມັດ ເພື່ອຕອບສະໜອງ ຄວາມຕ້ອງການ ດ້ານການເດີນທາງ ຂອງປະຊາຊົນ ໃຫ້ດີກວ່າເກົ່າ. ໃນເວລາ 10 ປີຜ່ານມານີ້, ສປ ຈີນ ໄດ້ສ້າງ ແລະ ປັບປຸງ ທາງຫລວງ ຢູ່ຊົນນະບົດ 2.500.000 ກິໂລແມັດ, ນັບມາຮອດ ທ້າຍປີ 2023, ຄວາມຍາວ ທັງໝົດ ຂອງທາງຫລວງ ຢູ່ຊົນນະບົດຂອງ ສປ ຈີນ ມີເຖິງ 4.600.000 ກິໂລແມັດ, ເງື່ອນໄຂ ດ້ານການຄົມ ມະນາຄົມ ຢູ່ຊົນນະບົດ ໄດ້ຮັບການປັບປຸງ ໃຫ້ດີຂຶ້ນ ຢ່າງຕໍ່ເນື່ອງ, ຊຶ່ງໄດ້ດຶງດູດເງິນທຶນ, ໂຄງການ ແລະ ຜູ້ມີຄວາມຮູ້ ຄວາມສາມາດ ເຄື່ອນຍ້າຍ ໄປສູ່ ຊົນນະບົດ ແລະ ເພີ່ມພະລັງແຮງ ຂັບເຄື່ອນ ເຂົ້າໃນການຊຸກຍູ້ ຊົນນະບົດ ໃຫ້ຈະເລີນ ຮຸ່ງເຮື່ອງຍິ່ງຂຶ້ນ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
