KPL
ກະຊວງເຄຫະ ແລະ ການພັດທະນາເມືອງ-ຊົນນະບົດ ຂອງສປຈີນ ລາຍງານແຜນການ ສືບຕໍ່ໂຄງການ ຟື້ນຟູເມືອງ ຊຶ່ງແນໃສ່ ປັບປຸງຊຸມຊົນ ທີ່ຢູ່ອາໄສເກົ່າ ໃນເມືອງທີ່ກໍ່ສ້າງກ່ອນທ້າຍປີ 2000 ໃຫ້ແລ້ວສຳເລັດ ພາຍໃນປີ 2025.
ຂປລ.ສຳນັກຂ່າວ ຊິນຮວາຂອງ ສປຈີນ, ກະຊວງເຄຫະ ແລະ ການພັດທະນາເມືອງ-ຊົນນະບົດ ຂອງສປຈີນ ລາຍງານແຜນການ ສືບຕໍ່ໂຄງການ ຟື້ນຟູເມືອງ ຊຶ່ງແນໃສ່ ປັບປຸງຊຸມຊົນ ທີ່ຢູ່ອາໄສເກົ່າ ໃນເມືອງທີ່ກໍ່ສ້າງກ່ອນທ້າຍປີ 2000 ໃຫ້ແລ້ວສຳເລັດ ພາຍໃນປີ 2025. ສປຈີນ ດຳເນີນໂຄງການ ປັບປຸງທີ່ຢູ່ອາໄສ ຊຸມຊົນທີ່ຢູ່ອາໄສເກົ່າ ໃນເມືອງນັບແຕ່ຕົ້ນປີ 2024 ຈຳນວນ 56.000 ໂຄງການ, ຕິດຕັ້ງລີຟ ຕາມອາຄານທີ່ຢູ່ອາໄສ ຊຶ່ງມີຢູ່ເດີມ ເພີ່ມອີກຫລາຍກວ່າ 25.000 ແຫ່ງ, ສ້າງທີ່ຈອດລົດຫລາຍກວ່າ 500.000 ແຫ່ງ ແລະ ສ້າງສະຖານ ເບິ່ງແຍງ ຜູ້ສູງອາຍຸ 2.254 ແຫ່ງ.
ສປຈີນ ປັບປຸງພື້ນທີ່ ທໍ່ສົ່ງແກັສເກົ່າ ແລະ ຫລຸດການເກີດ ແຫລ່ງນໍ້າເປື້ອນ ສົ່ງກິ່ນເໝັນໃນພື້ນທີ່ເມືອງ ລວມເຖິງສືບຕໍ່ສ້າງ ແລະ ປັບປຸງອຸໂມງໃຕ້ດິນ, ຟື້ນຟູສິ່ງອຳນວຍ ຄວາມສະດວກ ໃນເທດສະບານເມືອງ, ຄັດແຍກຂີ້ເຫຍື້ອຄົວເຮືອນ ໃນເມືອງ, ສ້າງສະຖານດູແລ ຜູ້ສູງອາຍຸ ແລະ ພື້ນທີ່ສຳລັບເດັກ ໃນທີ່ຢູ່ອາໄສ ເຂດເມືອງ.
ນອກນີ້ ສປຈີນ ຍັງຈະສົ່ງເສີມ ການພັດທະນາ ເຮືອນດິຈິຕອນ ເຂດທີ່ຢູ່ອາໄສ ອັດສະຣິຍະ, ການຈັດການງານ ກໍ່ສ້າງເຮືອນ ອັດສະຣິຍະ ແລະ ອື່ນໆ.
KPL
